Kaala 23:33 - mzwDBL

³³ He bɛ ɡel ba so he harɛ la ta, ásɛ a che ba nɛɛ he ba ɛɛ mɛ wechɔɡa, dɛkalkɛ ba voɡare toma la ɛɛ lawɛ heyaa kɛŋɔ baa harɛ heyaa bela ken.”

Kaala 23:33 ပူးပေါင်းရင်းမြစ်များ

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

2 Webena 33:9

Kooro Manasɛ ɡelɔ Juda harɛ ta nɛra nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

Yela 106:36

He nɛra tomɛ ba voɡa la, asɛ a ɛ bela dɛ laɡ ba.

Kaala 10:7

Ate, kooro nomonome la soŋo ŋɔ, “N naa, ɡel Hibru tena la kaa dɛ́ ka tomɛ Korowii baa dɛ tomɔ la kɛŋɔ baa nɔ aa naa dɛɛ tɛ yaa waa la. Chɔɡaa harɛ nɔ na dɛɛ chɔɡ la oo!”

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Kaala 34:12

Hé nyiŋi kɛrɛdɛ ásɛ he ne nɛra haa dɛ la ka so ba harɛ ta nɔ bɛ fɔo bɛlbwa fɔwɛ, ásɛ a ba ɛ kɛŋɔ bel bɛl, dɛ́ chɔ tɛ heya.

Mmarare 12:30

hé nyiŋi kɛrɛdɛ dɛ bɛ ŋwɛnɛre baa cheɡɛ a ta dɛɛ tomɛ ba voɡare la ba nyiŋi, dɛ́ ɡe ɛɛ teŋɛ a ta, a do kɛŋɔ bela, dɛ́ lawɛ heya.

Mmarare 20:18

Gɛ laa aa, baa baɡle heyaa waa baa ɛa dɛɛ tomɛ ba voɡare Korowii haa dɛ tomɔ nɔ aa kia la ta teŋaa, ásɛ he ɛ wechɔɡa dɛ́ jo o nɛ.

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

2 Timoti 2:26

ásɛ ba sie ba harɛ bá chwa le Bɔnsam bel waa laɡ ba dɛ ɡel baa ɛ o waa waa dɛ nyin la ta, ásɛ dɛ dɔ ba te.

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

Josua 23:13

ate he jemɛ kɛrɛdɛ kɛŋɔ Korowii haa dɛ tomɔ la aa he sie tɔ dɛ́ doŋ ba tɛ heyaa kpa. Baa doo kɛŋɔ bela ken dɛ́ tɛ heya, ne chweremi dɛɛ cha he nyaŋ ta, dɛ sɔɔhne aa tɔɡre he sibie, ka tel kɛŋɔ he bwa aa serewa le harɛdɛɛɡe nɔ Korowii haa dɛ tomɔ aa kpɔa tɛ heyaa nɔ ta.”

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?

Sitɔɔla 2:3

Anomanta, n dɛ bol he be kɛŋɔ maa ban doŋi tɛ heya. Mɛɛ ɡeloo ba berɛ sɔɔhne dɛɛ tɔɡre heya, ásɛ ba voɡa ɡe berɛ do kɛŋɔ baa harɛ heyaa bela.”

1 Samoɛl 18:21

Asɛ Kooro Sɔɔl lii ŋɔ, “Mɛɛ kpɔ Mikalee tɛo, dɛ́ kpɔ harɔ bel, ásɛ Filisti tena la dɔɔ kpo.” Anomanta, Kooro Sɔɔl ŋɔ Devid be ŋɔ, “He dɔ bɔr nɛɛtena name kɛ he ɛ n hela.”