Kaala 23:32 - mzwDBL

³² Hé ne ban, kɛɛ ba voɡa bɛ fɔo bɛlbwa fɔwɛ.

Kaala 23:32 ပူးပေါင်းရင်းမြစ်များ

Yela 106:35

kɛ ba sɛoh ba bii ɛɛ kpɔ dɔŋa, a che a ta, ba kpɔ ba voɡa toma da la.

Kaala 23:13

Hé do sie dɛ́ ɛ wobɛlbwa maa bol he be nɔ. He bɛ voɡare dɛɛ tomɛ. He bɛ ɡel ba no a sɔna kwaraa he nyoo.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Kaala 34:12

Hé nyiŋi kɛrɛdɛ ásɛ he ne nɛra haa dɛ la ka so ba harɛ ta nɔ bɛ fɔo bɛlbwa fɔwɛ, ásɛ a ba ɛ kɛŋɔ bel bɛl, dɛ́ chɔ tɛ heya.

Kaala 34:15

Hé nyiŋi kɛrɛdɛ he ne ba bɛ fɔo bɛlbwa fɔwɛ, dɛkalkɛ ba kpɔ ba te tɛ ba voɡa la kɛŋɔ baa dɛ bɔ jwamane ken asɛ dɛ kpoo kwaa ɛ saraha dɛɛ tɛa, baa yerɛ heyaa ásɛ he di ane.

2 Kɔrent 6:15

Yeesu Kristo ne Bɔnsam ɛɛ wonoo pɛ a maɡre aa? Nɛra baa yarada Yeesu Kristo ne banɔ la baa wola on yaradae aa won pɛ a maɡre!

Mmarare 20:18

Gɛ laa aa, baa baɡle heyaa waa baa ɛa dɛɛ tomɛ ba voɡare Korowii haa dɛ tomɔ nɔ aa kia la ta teŋaa, ásɛ he ɛ wechɔɡa dɛ́ jo o nɛ.

Mmarare 31:5

Wɛɛ ɡeloo he pɔ ba nɛ, ásɛ dɛ ɛɛ ba ɡɛ n fa aa ŋɔ he be la.

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Mmarare 7:2

Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Josua 10:40

Josua pɔ harɛre la bwa nɛ, bwɛɛre aa lɔ deŋɡarere ta ne Nɛɡɛv, ne anɔ la aa lɔ wee cholibɔr, ne anɔ la aa lɔ mpo nyoa pua hɛŋle ɡbo harɛ ta, ne anɔ la aa chɔ bwea lɔɡre ne a koranar bwa. Nomɛlbwa ta o nyu dɔe. Ba kpo hweera kon te bɛlbwa. Gɛ Korowii Israel tena aa dɛ tomɔ aa doo laanee o ɛ.

Josua 9:7

Anee Israel tena la ŋɔ ba be ŋɔ, “Ɛrɛɛ ya ne hɛɛ ba wona fɔwɛ fɔo a maɡre ɔ? He ken ka soɡe ya jwɛɛh bonɔ tenten.”

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?