Kaala 23:31 - mzwDBL

³¹ Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Kaala 23:31 ပူးပေါင်းရင်းမြစ်များ

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

1 Koranar 11:2

Ba ɛ nɛra Korowii aa bol ba waa Israel tena be ŋɔ, “He bɛ ban mo ásɛ ba ba berɛ he liire kaa ba voɡare ta.” Kɛ ane a bwa, ɡɛ nɛra laanee Kooro Solomɔn ka mo.

1 Koranar 20:13

Anɔ bwa la, dɛ Korowii keame bɛl ba Israel Kooro Ahab be dɛ ba ŋɔ o be ŋɔ, “Korowii ŋɔ kɛ he na laa tena baa wara nɔ kenɛ? Mɛɛ kpɔ baa do he nɔn taa fini, ásɛ he jemɛ kɛŋɔ menee Korowii.”

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

1 Koranar 4:24

Yufretis Moo wee cholibɔr harɛ bwa taa Solomɔn di kora. Le Tifsa teŋe kaa wee cholibɔr ka tel Bwɛjen Gasa, dɛ deŋnesɔɔhna lɔ harɛ la bwa ta.

1 Koranar 8:65

Korowii Dea belaa Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta weekaŋle harɛbɔr dɛ ba.

2 Webena 9:26

Dɛ onee nomoa koranar baa le Yufretis Moo ta kaa Filisti tena harɛ ta, dɛ ba le Ijipt harɛ jwɛh ta bwa nɛ.

Yela 72:8

Wɛɛ di koraa le mpo bɛl ta ba kaa bɛl ta, dɛ le Yufretis Moo ta ba kaa harɛ jaɡa.

Nɛra Kura 21:34

Anee Korowii ŋɔ Mosis be ŋɔ, “Bɛ Kooro Ɔɡ ɔmɛ, n kpɔ o ne o laa tena ne harɛ la bwa do he nɔn ta. Ɛo ɡɛ haa ɛ Amɔre Kooro Sihon waa di kora Hɛsbɔn la.”

Nɛra Kura 34:2

ó bol Israel tena la be ŋɔ, “Dɛ he tel Keenan harɛ baa dɛ ba bɔna ó ɛ he kon la ta naa, bá do jwɛhre nɔ.

Mmarare 1:7

Hé ir bonɔ dɛ́ kaa Amɔre tena deŋɡarere harɛ, ne harɛre aa bɛne bela dɛ do Araba Fɛlembɔjen la ta, bwejena harɛ ne wee cholibɔr deŋɡarere ta ne Nɛɡɛv waa ɛ pua hɛŋle ɡbo harɛ dɛ kaa Mɛdetereenea Mpo nyoa. Dɛ́ kpoŋe kaa Keenan tena harɛ ta, ne Lɛbanɔn harɛ, hale dɛ́ kaa Yufretis Moo ta.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 11:24

Bobɛlbwa haa kpɔ kaa la ɛɛ ɛ he konee. He harɛ ɛɛ le pua hɛŋle ɡbo harɛ la taa, dɛ́ kaa Lɛbanɔn dɛ́ berɛ le Yufretis Moo ta dɛ́ kaa wee cholibɔr Mɛdetereenea Mpo la ta.

Mmarare 2:33

Asɛ Korowii yaa dɛ tomɔ laa nɔn kpɔ o nɛɛ ya kpoo o ne o bibaala ne nɛra baa ja o nɛɛ la bwa.

Mmarare 2:36

Korowii yaa dɛ tomɔ laa nɔn kpɔ ba nɛɛ tɛ yaa, le bwɛɛ Arowa waa chɔ Aanɔn Fɛlembɔjen la doa, dɛ berɛ kpɔ bwɛɛ bɛl waa chɔ o bini, hale dɛ kaa bwɛɛ Gelead, bɛlbwa ta wone dɔ kpeɡri kɛ yan.

Mmarare 20:16

Harɛ Korowii haa dɛ tomɔ nɔ aa kpɔa dɛɛ ba heyaa tɛɛ hé so o ta la te, he bɛ hweera kon te bɛlbwa ɡel a bwɛɛre ta.

Mmarare 3:2

Asɛ Korowii ŋɔ n be ŋɔ, ‘Dɛɛ berɛ o ɔma, n kpɔ o ne o nɛra ne harɛ la bwa do he nɔn ta. Ɛo ɡɛ haa ɛ Amɔre Kooro Sihon o fa aa dɛ di kora Hɛsbɔn la.’

Mmarare 6:19

dɛ́ doŋi he dɔma bwa he sie ɡɛ waa baɡɛ nyoa la.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Josua 1:4

He harɛ la nyoa ɛɛ le weekaŋle harɛbɔr pua hɛŋle ɡbo harɛ la taa, dɛ́ kaa weekaŋle nyunduabɔr Lɛbanɔn bwejena ta, dɛ́ kpoŋe kaa Yufretis Moo ta wee leebɔr, dɛ́ kaa Hiti tena harɛ ta bwa, dɛ́ kpoŋe kaa wee cholibɔr Mɛdetereenea Mpo la ta.”

Josua 10:19

Hé ɡbabir bɛ bela che. Hé ti he dɔma la, he bɛ ban ɡel. Hé teŋɛ ba nɛɛ dɛ́ɛ yoo ba, he bɛ ɡel ba dɔ bɔr ba jo ba bwɛjena ta. Korowii yaa dɛ tomɔ la laa nɔn kpɔ ba nɛɛ dɛ kpɔ ba do he nɔn ta.”

Josua 10:8

Belaa Korowii ŋɔ Josua be ŋɔ, “Dɛɛ berɛ ba ɔma, n dɔɔ kpɔ ba do he nɔn ta. Ba bini bɛlbwa toole dɛ́ won che he sie.”

Josua 13:6

Harɛ aa chɛ kɛ hé ka yo dɛ́ pɔ ba nɛɛ ja laanee Sidon tena harɛ baa soɡe deŋɡarere bwɛɛre ta dɛ do Lɛbanɔn bwejena ne Mesrefɔt Maim harɛ baah ta bwa la. N ɡbaɡba ɛɛ doŋi nɛra la bwaa le he sie, ásɛ he nyiŋi kɛrɛdɛ dɛ́ bɔne harɛ la tɛ Israel tena la, ó ɛ ba kapɛrɛ kon ɡɛ maa ŋɔ he be la,

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 21:44

Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Josua 23:14

Josua ŋɔ, “N tɔpere telo kɛŋɔ n sewɛ. Hé bwa jemɛ he bambile ne he liire bwa bini kɛrɛdɛ kɛŋɔ wedɛɛɡa Korowii haa dɛ tomɔ la aa baɡɛ heyaa nyoa la bwa ɛɔ beŋkpoŋ kwaraa ta kae.

Josua 24:11

Asɛ he le Jɔɔdan Moo la baŋ dɛ ba bwɛjen Jeriko ta. Jeriko tena yo heya, ɡɛɛ Amɔre tena ɡe ne Pɛrɛs ne Keenan ne Hiti ne Girɡasi ne Hivi dɛ Jebus tena ɡe yo heya, kɛ n ɡelɔ he pɔ ba nɛ.

Josua 24:12

N ɡelɔ jeŋibotoola tɔ he sie dɛ ba doŋ ba, bane Amɔre tena koranar banɛ la. Hɛma ne keri laa he kpɔ yoo ba.

Josua 24:18

Onee doŋi harɛre nɛra bwa ya sie, ne Amɔre tena bwa ba fa aa soɡe harɛ nɔ ta la. Ya ɡee tomɔɔ, onee Korowii aa chɛ kɛŋɔ yá tomɛ.”

Josua 24:8

N ba he ne Amɔre tena harɛ waa lɔ Jɔɔdan Moo wee leebɔr la ta. He ne ba yoo, asɛ n che he mun ta he pɔ ba nɛ, asɛ he ka kpɔ ba harɛ la ɛ he kapɛrɛ kon.

Josua 8:18

Ate, Korowii ŋɔ Josua be ŋɔ, “Tɛr he lampea la pa bwɛjen Ai ta, he nɔn taa mɛɛ ba bwɛɛ la kpɔe dɛ́ do.” Asɛ Josua tɛr o lampea pa Ai.

Josua 8:7

he banɔ la haa kaa sɔh chɔ dɛɛ kpa la ɛ warane, dɛ́ ka lɛ bwɛjen la dɔɔh. Korowii haa dɛ tomɔ la ɛɛ kpɔ bwɛjen laanee do he nɔn ta.

Josua 9:7

Anee Israel tena la ŋɔ ba be ŋɔ, “Ɛrɛɛ ya ne hɛɛ ba wona fɔwɛ fɔo a maɡre ɔ? He ken ka soɡe ya jwɛɛh bonɔ tenten.”

Sitɔɔla 1:4

Korowii cha ba asɛ ba pɔ Keenan ne Pɛrɛs tena nɛ, asɛ dɛ kpoo baala kaɡboŋa fi bwɛjen Bɛsɛk.

Sitɔɔla 11:21

Korowii Israel tena aa dɛ tomɔ la kpɔ Kooro Sihon ne o nɛra bwa do Israel tena nɔn ta, dɛ ɡel ba pɔ ba nɛ, dɛ kpɔ ba harɛre la bwa.

1 Samoɛl 23:4

Devid berɔ bɔɔ waa le Korowii be asɛ o chaŋo ŋɔ, “Kaa Keila dɛ́ ka puu ba yo, mɛɛ ɡeloo he pɔ Filisti tena la nɛ.”