Kaala 23:27 - mzwDBL

²⁷ Mɛɛ ɡeloo ɔmee kohona chole he dɔma nɛ, ásɛ harɛ bɛlbwa ta tena haa ka chem ba bwa wili. Mɛɛ ɡeloo he dɔma bwa berɛ habɔɔ, dɛ́ chwa kaa.

Kaala 23:27 ပူးပေါင်းရင်းမြစ်များ

Mumpar 35:5

Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa.

2 Samoɛl 22:41

He ɡelɔ n dɔma chwa le n sie, n kpoo ba.

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

2 Webena 14:14

Ate, ba chɔɡ bwɛjeɡre aa bar Gerar la bwa, dɛkalkɛ Korowii ɡelɔ ɔmee kohona chole ba nɛ. Ba jo bwɛjeɡre la ta dɛ pa ba laala, dɛkalkɛ dɛ laala lɔ bela kɛrɛdɛ.

Yela 18:40

He ɡelɔ n dɔma berɛ habɔɔ, dɛ chwa le n sie, asɛ nɛra baa hah mɛ la, n kpoo ba.

Yela 21:12

Wɛɛ harɛ o too ba nɛ, ásɛ ba berɛ habɔɔ dɛ́ chwa kaa.

Kaala 33:2

Mɛɛ ɡeloo n nyundua torome tɔ he sie, ásɛ dɛ doŋi Keenan ne Amɔre ne Hiti ne Pɛrɛs ne Hivi dɛ Jebus tena bwa le harɛ la ta.

Kaala 34:24

Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.

Nɛra Kura 22:3

asɛ ɔmee lawɛ Moab tena bwa kohona baa ɔmɛ Israel tena.

Mmarare 11:23

ate Korowii ɛɛ doŋi harɛre aa lɔ he sie la bwa nɛra baa wara dɛ do kpeɡri ɡwaa heyaa laanee ta, ásɛ he ka kpɔ ba harɛre la so.

Mmarare 11:25

Nomɛlbwa toole dɛ́ won che he sie. Korowii ɛɛ ɡeloo bobɛlbwa haa kpɔ la nɛra ɛɛ ɔmɛ heyaa kohona, ásɛ a ka ɡɛ, ɡɛ waa baɡɛ nyoa la.

Mmarare 2:25

Fini tɔpere nɔ, mɛɛ pa munii dɛ́ ɡel harɛre bwa nɛra baa no he waa la ɛɛ ɔmɛ kohona, dɛ́ kpɔ ɔmee ne bochela ta ba nɛ.’

Mmarare 6:19

dɛ́ doŋi he dɔma bwa he sie ɡɛ waa baɡɛ nyoa la.

Mmarare 7:23

Korowii haa dɛ tomɔ nɔ ɛɛ laa nɔnee kpɔ ba nɛɛ dɛ́ ɡel ba wili, ásɛ he kpoo ba bwa.

1 Samoɛl 14:15

Belaa ɔmee kohona chole laa tena la bwa nɛɛ baa chel, banɔ la baa lɔ bela baa baŋre ba tɛnte deene ne banɔ la baa lɔ kpɔɡ bini, dɛ nɛra baa laŋa dɛɛ la ka yo bwa. Korowii ɡelɔ harɛ jiɡri ɔmee kohona chole ba nɛ.