Kaala 23:23 - mzwDBL

²³ N nyundua torome ɛɛ tɔ he siee, dɛ́ ba he ne Amɔre ne Hiti, ne Pɛrɛs ne Keenan ne Hivi, dɛ Jebus tena harɛ ta. Mɛɛ kpo ba bwaa harɛ la ta.

Kaala 23:23 ပူးပေါင်းရင်းမြစ်များ

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.

Mumpar 34:2

Hivi tena Kooro Hamɔ bibaa Sɛkem nao dɛ lawɔ, dɛ ɡuɡru o ne o chɔ.

Kaala 18:8

Asɛ Mosis bol o helabaa be ɡɛ bwa Korowii aa koh Israel tena wa dɛ ɛ Ijipt kooro ne o nɛra, dɛ laɡ ba le ba harɛ ta. O berɔ bol ba wekpeɡa baa naa ŋwɛnɛ ta, ne lɛɛ Korowii aa lɛɛ ba bwa la wa.

Kaala 23:20

Hɛ́ɛ no, n dɛ tomɛ n nyundua torome ó tɔ he sie dɛɛ nyiŋi he nɛ, dɛ́ ba he ne bela maa kwaara tɛ heya.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 32:2

Asɛ Arɔn chaŋ ba ŋɔ, “He laa suuɡaswɛm deŋna kwaa he haahna ne bibaala dɛ bihaahna aa doa la bwa kpɔ ba tɛ mɛ.”

Aesaya 5:13

He waa mun bɛ noe nomanta, baa lawɛ heyaa kaa harɛfale bɛl taa, dɛ kaa do heya. Lɔr ɛɛ kpo he bini banɔ la baa chɔ he nyoa bá serewe, ásɛ dansaara haa ka la, nyɔɡre kpo heyaa he serewe.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Josua 23:9

Korowii doŋi harɛre aa kana dɛ do kpeɡri nɛra le he sie, ba le fini bɛlbwa ta wone ba che he sie kpa.

Josua 5:13

Awola bɛl, Josua ne Israel tena dɛ bɛne bwɛjen Jeriko, asɛ o na baa bɛl o kpoŋe kere dɛ che o sie. Josua la o be dɛ ka pɛɛro ŋɔ, “Ya bini bɛlee hen kɛɛ ya dɔmee hen ɔ?”

Josua 9:1

Koranar baa lɔ Jɔɔdan Moo wee cholibɔr no ɡɛ Josua ne Israel tena aa dɛ pɔ nɛra nɛ, banɔ la baa lɔ deŋɡarere ta ne banɔ la baa lɔ deŋɡarere harɛbɔr wee cholibɔr, ne banɔ la baa lɔ Mɛdetereenea Mpo nyoa bwa, dɛ kpoŋe kaa weekaŋle nyundua Lɛbanɔn harɛ ta. A ɡɛ koranar laanee, Hiti ne Amɔre ne Keenan ne Pɛrɛs ne Hivi dɛ Jebus tena koranar.