Kaala 23:2 - mzwDBL

² He bɛ nɛndamanta nɛɛ teŋɛ dɛ́ ɡee ɛ wechɔɡa. He dɛ di waane danseɛ kɔɔto aa, he bɛ nɛndamanta nɛɛ teŋɛ dɛ́ berɛ waa la sie.

Kaala 23:2 ပူးပေါင်းရင်းမြစ်များ

Sɛɡla 1:15

N bie, he ne nɛra baa do ɡɛ la bɛ valɛ, laa he te kpɔ ba nɛ,

Job Tɔn 31:34

kɛŋɔ maa bol waa nɛra aa bol la wa, asɛ n ɔmɛ mama n lolanar aa mam mɛ waa kohona, n tɔ nyoa n ta buse leɛ.

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’

Amanesoma Luk Aa Chwera Tɔn 23:51

dɛɛ kpa saŋ la Korowii aa di Kora dɛ́ lɛɛ ba la. O te fe ta sɛɛh teŋɛ ba nɛɛ kɛ bá kpo Yeesu.

Amanesoma Mak Aa Chwera Tɔn 15:15

Paelet aa wola nyin kɛŋɔ nɛnlaa la bwaawee ir o nɛɛ la, o le Barabas ta tɛɛ ba dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.

Sɛɡla 4:14

Bɛ bela nɛnchɔɡa aa dɛ la la, bɛ ba waa dɔŋa ɛ.

1 Koranar 19:10

O chaŋe ŋɔ, “Korowii Haa Ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa baa nyin n ɡe dɛ́ kpo.”

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

We-ɛɛla 25:9

Dɛ Koojen Fɛstɔs dɛ nyin kɛŋɔ o kpɔ Juu tena la darame, anomanta, o bɔɔ Pɔɔl ŋɔ, “Hɛɛ la Jerusalamee, ásɛ ba ka bol he waa baa kpɔa dawɛ he nɛɛ nɔ n siwi ta dɛ́ pa bole n ɡe na naa?”

We-ɛɛla 24:27

Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.

Jeremia 38:9

“N naa kooro, nyubinikpeɡ waa baala nɔ ɛ Korowii keame Jeremia la. Ba lawɔ ka ta kɔlɔŋ bini bela lɔr aa dɛ ba o kpoe ó sewɛ, dɛkalkɛ bwɛjen nɔ kwaraa ta la, kondikwaa toole kpa.”

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Jeremia 37:15

Ba baah di n nɛɛ kɛrɛdɛ dɛ ŋɔ bá lɔɔ mɛ, dɛ kpɔ mɛ ka do koodem karake Jonatan dea. Dɛ ba beɡre o dea la dɛ lawɛ nɛra dɛɛ do o bini.

Yela 72:2

ásɛ dɛ bol he nɛra waa dɛɛ pa bole aŋwɛnɛ ta, dɛ́ nyiŋi he nɛra baa dɛ fiɡ ba la nɛɛ kasinteŋ ne.

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Mumpar 19:4

Baa wola chɔɔɡɛ mɔɔ la, bwɛɛ la baala, bechale ne nomonome bwa, den ba bar dem la cheme.

Mumpar 6:12

Korowii aa nyiŋi nɛra la, o nao kɛ ba bwa ɛ wechɔɡa, dɛkalkɛ bɛlbwa dɛ ɛ ɡɛ waa dɛ nyin dɛ nyoɡre Korowii ŋwɛnɛ.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Mmarare 24:17

Hé bol waa kasinteŋ dɛɛ tɛ nɛŋhɔɔhra ne bilalbii. He bɛ luhaahna yale lɛ dɛ́ɛ cheɡ awɔba.

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Mumpar 7:1

Korowii ŋɔ Nowa be ŋɔ, “He ne he bii ne he bii haahna bwa ka jo daka la bini. N nao kɛŋɔ harɛ nɔ ta, he ɡboo ɛ nɛn he wa aa toɡra.

Haɡae 1:4

O ŋɔ, “N nɛra, ɛrɛɛ he te so dedɛɛɡa bini asɛ n Dea ɛ dimɡbee nɔɔ?”

1 Samoɛl 15:9

Kooro Sɔɔl ne o laa tena la ɡel Kooro Aɡaɡ ne o peera ne nae ne nabali aa wera kohona, ne pebali ne nae bii dɛ koŋkwaa aa wera la te bwa. Kwaa aa wera dɛ dɔ tɔnɔ la te, ba ɡela, kɛ anɔ la aa wola were la, ba chɔɡa.

Sɛɡla 18:5

Aa were kɛŋɔ bá nyiŋi nɛnchɔɡe siebɔr, dɛ́ kpɔ bolchɔɡe tɛ nɛn waa wola bolchɔɡe dii.

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.