Kaala 23:1 - mzwDBL

¹ Korowii berɔ ŋɔ Mosis be ŋɔ, “He bɛ waa haa wola a bini jemɛ kɛrɛdɛ kpɔ dɛɛ ɡaaɡe. He bɛ dansewea di cha nɛnchɔɡe.

Kaala 23:1 ပူးပေါင်းရင်းမြစ်များ

Mumpar 39:17

Belaa o bol waa la o be dɛ ŋɔ, “Hibru te bonɔɔ haa ba o ne dem bonɔ la ba n be dea dɛ ba ɛɛ mɛ chɔɡa wa.

2 Samoɛl 16:3

Belaa kooro bɔɔ ŋɔ, “Leperaa he nomoa naa Mɛfebɔsɛt la dɔɔ?” Anee Siba chaŋo ŋɔ, “O soɡe Jerusalam dɛkalkɛ o liiro ŋɔ, ‘Fini Israel tena ɛɛ berɔ kpɔ mɛ cheɡ n nabaa Kooro Sɔɔl naa ta, ń di kora.’ ”

2 Samoɛl 19:27

O teŋe nyosone dawɛ n nɛɛ tɛ hen n dɔɔ kooro. N dɔɔ, he do kɛŋɔ Korowii torome ken anomanta, ɛ wobɛlbwa aa too he tea.

Yela 101:5

Nomɛlbwa waa sɔah dɛɛ chɔɡ o dɔŋ la, mɛɛ doŋu le n be. N ne nomɛlbwa waa dɛ na o nyu aa won pɛ.

Yela 120:3

He nɛra haa ɛ nyosonteŋna, ɛrɛɛ Korowii ɛɛ ba heyaa ɛɛ yɔ? Ɛrɛɛ wɛɛ ba he deŋnetɛra ɔ?

Yela 15:3

nɛn waa wola o dɔŋ wechɔɡe bol, nɛn waa wola o dɔŋ wechɔɡa ɛ, dɛ nɛn waa wola o dɔŋ waa kpɔe dɛɛ perɛ,

Yela 27:12

Bɛ men ɡel tɛ n dɔma, ba teŋe nyosone dawɛ n nɛ, dɛ nyin mɛ naɡra, dɛɛ aah mɛ.

Yela 35:11

Nɛnchɔɡa teŋe nyosone dɛɛ dawɛ n nɛ, waa maa wola a waa jemɛ laanee baa bɔɔ mɛ.

Kaala 20:16

He bɛ dansewea dɛɛ di.

Kaala 23:7

He bɛ nyosone teŋe dawɛ nɛn nɛ. He bɛ nɛn waa wola waane bini jemɛ, kɛɛ nɛn o wa aa dɔ kasinteŋ bolchɔɡe pa dɛ́ kpoo. Maa nomɛlbwa waa di bolchɔɡe la bwaraa kpɔ kɛo.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Sɛɡla 12:17

Nɛn waa dɛ di kasinteŋ laanee dɛɛ di danseɛ aa toɡra, nyosonteŋnii dɛɛ di dansewea.

Sɛɡla 14:5

Nɛn waa dɔ kasinteŋ la aa nyosone teŋe, nɛn waa dɛ di dansewea la, nyosone ɡboo o bwa.

Sɛɡla 17:4

Nɛnchɔɡee dɛɛ do deŋna wobochɔɡa ta, ɡɛɛ nyosonteŋni ɡe cheɡ deŋne dɛɛ no musuwa.

Sɛɡla 19:28

Dansewea tee kpɔ o dɔŋ kasinteŋ waa dɛɛ hɛlɛ, ɡɛɛ wechɔɡa ɛɛ do wechɔɡ-ɛɛ som kɛ kondikwa.

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

Sɛɡla 19:9

Dansewea te dɛ́ dɔ deŋnetɛra, ɡɛɛ nyosonteŋni ɡe ɛɛ sewɛ.

Sɛɡla 21:28

Dansewea te dɛ sewɛ, asɛ nomɛlbwa waa dɛ no o be la ɡe sewɛ.

Sɛɡla 24:28

Bɛ waa haa wola he dɔŋ nɛɛ nae la danseɛ di, bɛ nyosone teŋe.

Sɛɡla 25:18

Nɛn waa di dansewea dɛɛ dawɛ o dɔŋ nɛɛ la, o do kɛŋɔ ɡuli kɛɛ kere kɛɛ hɛm waa nyɛɡa ken.

Sɛɡla 25:23

Gɛ dɔŋ bwara waa bola aa dɛ ba bandia ne la, ɡɛɛ peu waa taa le bobɛl dɛɛ ba bwaala nee ne la do.

Sɛɡla 6:19

ne dansewea dɛ nɛn wobochɔɡa aa lɔ o nyoa, dɛɛ ba peɡra ne o dem tena baah ta.

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Lewi Dea Tena 19:11

He bɛ dɛɛ ŋwɛ. He bɛ nyosone dɛɛ teŋe. He bɛ dɔŋa dɛɛ neɡre.

Lewi Dea Tena 19:16

He bɛ he dɔŋa waa kpɔ ɡaaɡe dɛ́ teŋe nyosone dɛɛ dawɛ ba nɛ. Dɛ seo nyoa he dɔŋ che naa, bɛ on chɔɡ. Men Korowiirii bola.

Matiu 19:18

Anee o pɛɛ Yeesu ŋɔ, “A bini ameo?” Anee Yeesu ŋɔ, “Bɛ nɛn kpo, bɛ jwamane bɔ, bɛ ŋwɛ, bɛ nyosone teŋe dawɛ he dɔŋ nɛ.

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Amanesoma Luk Aa Chwera Tɔn 3:14

Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?” Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”

Amanesoma Jɔn Aa Chwera Tɔn 7:51

“Mosis Mmara ta, yaa wonoo pa nɛn bolchɔɡe dɛ ya ta on yerɛ dɛ bɔɔro dɛ jemɛ waa waa ɛa mɔɔ naa?”

Tɔn Pɔɔl Aa Chwerɛ Rom Tena 3:8

Amɔ yáa ɛ wechɔɡa ásɛ wedɛɛɡa le a ta kɛɛ? Nɛra bane chɔɡ n sɔn, ba haŋɛ n nyoa ŋɔ n dɛ ŋɔ a ɡɛ waa nɔ ɛɛ ta wechɔɡa ɛɛ. Korowii ɛɛ tɛr ba deŋnee, dɛ aŋwɛnɛ ta ɡee.

Ɛfesos 4:25

Hé laa nyosone bɛlbwa laa kpɔ he waa ta, dɛɛ bol kasinteŋ dɛɛ tɛ dɔŋa, dɛkalkɛŋɔ he bwa pɛ bwadabii beŋkpoŋ ta dɛ ɛ beŋkpoŋ.

Mmarare 5:20

He bɛ dansewea dɛɛ di.

2 Timoti 3:3

Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa.

1 Pita 3:16

He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.

Wepila 12:10

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.