Kaala 22:29 - mzwDBL

²⁹ Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Kaala 22:29 ပူးပေါင်းရင်းမြစ်များ

2 Koranar 4:42

Awola bɛl, baa bɛl le bwɛɛ baa dɛ yerɔ Baal Salisa, dɛ kpɔ meloɡla baa koma le koo ta a bena la, dɛ kpɔ ɛ paanoo fifraanɛ, dɛ kpɔ boyulwɛɛ ane ɡe ja ba tɛ Korowii keame Elaesa. Anee Elaesa ŋɔ, “Kpɔ tɛ n bala Korowii keamere baa pɛa dɛɛ valɛ nɔ bá di.”

2 Webena 31:5

Baa no waa kooro aa bola la, Israel tena la le ba bambile ta, dɛ kpɔ ba kooni kondikonloɡla kɛŋɔ mea ne senfala, ne ɔleve noo ne tooh dɛ kondikwa bɛlbwa baa dɔa dɛ le kooni ta, ba tɛ Korowii toma. Kwaa baa ba a ne warɔ kɛrɛdɛ. Nomɛlbwa bɔne komɛlbwa waa dɔa bini bɔre fi, dɛ́ kpɔ bɔrbeŋkpoŋ ba.

Kaala 13:12

a chɛ kɛ hé kpɔ bibanloɡle bɛlbwa tɛo. Kondɛɛre bɛlbwa ɡe biloɡle ombal ɛ Korowii kon.

Kaala 13:2

“Le bibanloɡle bɛlbwa cheɡ tɛ mɛ ó ɛ n kon. Israel te bibanloɡle bɛlbwa ne kondɛɛre bɛlbwa ɡe biloɡle ombal bwa ɛ n kwa.”

Kaala 23:15

Hé di Paanoo Iisi Aa Wola Toole A Ta Tɔpejen la. Tɔpera anuanɛɛ chɛ kɛŋɔ hé di paanoo iisi aa wola toole a ta ɡɛ maa do heyaa la. Hé di tɔpejen nɔ tɔpera maa lea cheɡ tɛ heyaa ta Abib korobie la ta, dɛkalkɛ ɡɛ korobie la taa he le Ijipt harɛ ta. Bɛlbwa bɛ nɔŋɡbala kpɔ ba n sie.

Kaala 23:16

Hé di Koo Kondikwaa Koma Tɔpejen la he koo kondikonloɡla ne. Hé di Koo Kondikwaa Nyoa Boara Tɔpejen la, benanyoa la aa ba kaa o jaɡa he yon boa he kooni kondikwaa bwa nyoa ba cheɡ dem la ta.

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:19

Bibanloɡle ne kondɛɛre bɛlbwa ombal waa ɛ biloɡle ɛ n kon.

Kaala 34:20

Kɛ dɛ keeɡo bie yaa, hé nyin pebie chiɡ o naa ta. He ta bɛl dɔe dɛ chiɡ o naa ta naa, hé ku keeɡo la baŋa. Hé charɛ bibanloɡle bɛlbwa ɡe nyu. Nomɛlbwa bɛ n sie ba nɔŋɡbala ne.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Lewi Dea Tena 22:27

“Dɛ nao, pee kɛɛ booh lolɔ aa, o bie la chɛ kɛ ó do o nya lɔɡa tɔpera anuanɛ. Le tɔpenuatoro wee dɛɛ kaa la, o wer kɛŋɔ he won kpɔ ɛ saraha ba fuuh tɛ men Korowii.

Maeka 7:1

N waa sum kohona! N do kɛŋɔ nɛn waa ɡaaɡa dɛɛ nyin daa nɔna lɔmɔɡa saŋ, waa wola daa bɛlbwa nɔn waa ka o ta kɛɛ ɡrepo nɔna o daa ta nae dɛ́ di. Ba tɔɔ ɡrepo nɔna, ne fiɡ daa nɔna aa soma la bwa.

Nɛra Kura 18:13

Konloɡla ane bɛlbwa aa le harɛ la ta ba kpɔ ba tɛ men Korowii la bwa ɛ he kwa. He dem nɛn bɛlbwa waa wola doŋa kaeh won a dii.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.

Mmarare 15:19

Anee Mosis berɛ ŋɔ, “Hé le he nae ne peera biloɡla aa ɛ ambala la cheɡ, a ɛ Korowii kwa. He bɛ he nae biloɡla kpɔ parɛ, he bɛ peera biloɡla ɡe pona fonɛ.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.