Kaala 22:25 - mzwDBL

²⁵ A hiah n nɛra baa ɛ he bini bane nɔ bɛlbwa he kemɔ suuɡa aa, he bɛ a nee kpɔ dawɛ kɛŋɔ nɛra baa dɛ kemɛ suuɡa yon dɛɛ ɛ la.

Kaala 22:25 ပူးပေါင်းရင်းမြစ်များ

2 Koranar 4:1

Awola bɛl, luhaah bɛl o jaa fa aa ɛ Korowii keamere bane baa pɛa dɛɛ valɛ bini bɛl la Elaesa be, dɛ ka wi noo ŋɔ, “Nomoa, n jaa sewɔ. He ɡbabir jemɛ ɡɛ waa tomɛ, ne ɡɛ waa dɛ ɔmɛ Korowii ɡe. Taraken, o di nomɛl kem wɛɛ ba dɛ ba lawɛ n bibaala banɛ yoma bɔ kem.”

2 Koranar 4:7

Haah la berɔ la Korowii keame Elaesa be dɛ ka bol waa aa chiɡa, asɛ o ŋɔ haah la be ŋɔ, “Ka yoɡa dɛ́ kpɔ bɔ he kema, ásɛ he ne he bii di a kar.”

Nehemia 5:7

N lii a waa n nyu bini taeh, asɛ n kah sitɔɔla ne nomonome la ŋɔ, “He kemɛ he bala Juu tena suuɡa dɛɛ lɛ a ne!” Anomanta, n yerɛ nɛra la bwa cheme, dɛ nyiŋi waa la bini,

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Jeremia 15:10

Asɛ men Jeremia ŋɔ, “Akwe, n nya, n na waa kɛ haa lol mɛ, harɛ nɔ nɛra bwa hah mɛ dɛɛ yoo mɛ. N ta bɛl kon kemɛ kɛɛ dɛ kemɛ le bɛl be, kɛ nɛra bwa ɡarɔ dɛɛ taah mɛ.”

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Ɛsekeɛl 18:17

Waa wechɔɡa ɛ, o kemɛ nɛn suuɡa aa, waa a nee lɛ. O dɛ teŋɛ me Mmarare bwa ta. O mɛɛ wechɔɡa la aa won ɡel o dɔ seo, wɛɛ dɔ o nyuu kɛrɛdɛ.

Ɛsekeɛl 18:7

waa nomɛlbwa fiiɡi, o berɛ nomɛlbwa kon waa lɛa cheɡ mɔɔ dɛ kemɔ suuɡa la dɛɛ tɛo. Waa ŋwɛ, lɔr dɛ kpo nɛn aa, o dɛ tɛo kwaa wɛɛ di, nomɛlbwa waa wola yal dɔe la, o dɛ tɛo.

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Emɔs 2:8

Bobɛlbwa baa dɛ tom mɛ la, ba pa yale baa lɛa cheɡ awɔba la dɛɛ chɔ a ta. Ba cheme n Dea aa, suuɡa baa faah nɛra dɛ lɛ le ba be la, a nee baa nyɔ sene.

Matiu 25:27

A fe chɛ kɛŋɔ he kpɔ n suuɡa la ka cheɡ nɛra baa kpɔ suuɡa dɛɛ cheɡ ba be ba kpɔ dɛɛ kemɛ nɛra la, ásɛ n balaa, ń ka lɛ n kwaa ne a nee bwa.

Amanesoma Luk Aa Chwera Tɔn 19:23

Aah ɛrɛɛ haa wola n suuɡa kpɔe ka cheɡ mɛ baŋɡe ásɛ n fee ba lɛ a ne a nee bwa nɔ?’

Mmarare 15:7

Dɛ a hiah he bini bɛl bwɛɛ bɛlbwa waa lɔ harɛ Korowii haa dɛ tomɔ nɔ aa kpɔa dɛɛ ba heyaa tɛɛ la ta naa, he bɛ nyubinikpeɡ ɛ dɛ́ vɛh o chae.

Mmarare 24:13

Bɔr dɛ jo aa, berɛ kpɔ o yal ka tɛo ásɛ o kpɔ tɔ chɔ. Wɛɛ jaamee á baɡle kɛŋɔ he ɛ wedɛɛɡa Korowii haa dɛ tomɔ nɔ be.