N wahala bini n wio no hen Korowii ŋɔ hé lɛɛ mɛ, n wio no hen Korowii maa dɛ tomɛ ŋɔ, hé cha mɛ, he no n taa he Dea la bini, n wii la tel he be, asɛ he no.
o ɡboo ken ɛ yal waa dɔa dɛ́ kpɔ tɔ. A ba ɡɛ naa, bɔkwaa wɛɛ ba dɔe dɛ́ kpɔ tɔ chɔɔ? O wio no men Korowii aa, mɛɛ no o bee, dɛ́ chao dɛkalkɛ n dɔ tedoma dɛ tɛ nɛra.
Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?
Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.
Tɔpebir toma waa ɛ tɛɛ la, bɔɔ kem dɛ bɛ ɡel wee jo a ta, dɛkalkɛŋɔ a hiaoh, a taa o sie dawɛ. Dɛ he ta on tɛɛ yaa, wɛɛ wiu no Korowii ta he nɛ, ásɛ a ɛ wechɔɡa tɛɛ.
Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.
