Kaala 22:18 - mzwDBL

¹⁸ Haah bɛlbwa waa dɛɛ ɛ sɔm we-ɛɛla la chɛ kɛ bá kpoo.

Kaala 22:18 ပူးပေါင်းရင်းမြစ်များ

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Jeremia 27:10

Ba dɛ neɡre heya dɛ́ ɡel ba lawɛ heya kaa bojaŋ harɛfale ta. Mɛɛ doŋi heyaa ásɛ he ka serewe.

Jeremia 27:9

Anomanta, he bɛ he keamere kɛɛ nɛra baa dɛ lii kɛŋɔ baa won baɡle waa aa dɛ ba wona chiɡ kerekere, dɛ che deera kɛɛ lala yera kɛɛ dobodobo we-ɛɛla ta be dɛɛ no. Ba bwa dɛ bol he be ŋɔ he bɛ he te kpɔ do Babelɔn Kooro Nebukadnesa lɔɡa.

Lewi Dea Tena 18:23

Baa bɛlbwa bɛ ol lawɛ chɔ dɛ́ kpɔ doŋa kah o te. Haah bɛlbwa ɡe ta chɛ kɛ o ne ol chɔ baa ne haah, a ɛ waa aa wola were kɛ nɛn ɛ.

Lewi Dea Tena 19:26

He bɛ ol ne o chal di. Hɛ́ɛ berɛ he te kpɔe dɛ do voɡra kɛɛ sɔm we-ɛɛla soo siwi bɛlbwa ta.

Lewi Dea Tena 19:31

Hɛ́ɛ berɛ nɛra baa dɔ daabii ba ne lala ɛɛ bol waa be la. He dɛ ɛ ɡɛ naa, dɛ he kpɔ doŋa dɛɛ kah he te. Menee Korowii haa dɛ tom mɛ la.

Lewi Dea Tena 20:27

Baa kɛɛ haah bɛlbwa waa dɔ daabii dɛɛ bol waa lala be dɛ do he bini la chɛ kɛŋɔ hé foɡro bwea kpo. Naate seo ɡe dɛ ɡure o nyu ta.”

Lewi Dea Tena 20:6

Nomɛlbwa waa vɛh n toma dɛɛ la nɛn waa dɔ daabii dɛɛ yerɛ lala be la, n sie ɛɛ beɡre o nɛɛ dɛ́ pero le o nɛra bini.

We-ɛɛla 19:19

Asɛ ba bini bane baa ɛ dobodobo ka mɔɔ dɛ ɛ asɔre tena la le ba tɔne baa nyiŋi a bini dɛɛ ɛ dobodobo la ne, dɛ kpaa nii do a ta bombaah bela. Baa kari tɔne la suuɡa la, aa do kanee. Aa tel suuɡapoŋa kaɡboŋa fifraanuee.

Galaasia 5:20

ne voɡa toma, dɛ sɔm wa. A bini anee kɛŋɔ nɛra ne ba dɔŋa aa dɛ di dɔm dɛɛ yo, ne bɔweela kohona, ne bandisale ne sibeɡra, ne nɛra ne ba bala baah peɡra, dɛ nyopɛo bɛ dɔe,

Mmarare 27:21

Bá berɛ teŋɛ ŋɔ, ‘Nomɛlbwa waa lawɛ ol te bɛlbwa chɔ kɛŋɔ haah ne baa la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

1 Samoɛl 28:3

Samoɛl baa sewɛ, asɛ Israel tena bwa wiu, dɛ huɡo o ɡbaɡba bwɛ bwɛjen Rama. Dɛ Kooro Sɔɔl doŋi nɛra baa voɡa dɛɛ yerɛ lala ne voɡra bwa le harɛ la ta.

1 Samoɛl 28:9

Asɛ haah la ŋɔ o be ŋɔ, “Kasinteŋ, he jemɛ waa Kooro Sɔɔl aa ɛa dɛ doŋi voɡra ne nɛra baa dɛ yerɛ lala le Israel harɛ nɔ ta. Ɛrɛɛ hɛɛ neɡ mɛ dɛ́ dɔɔ mɛ kpo nɔɔ?”