Kaala 21:26 - mzwDBL

²⁶ Nomɛlbwa waa dɔ yomhaah kɛɛ yombaa dɛ lɔ o siwi ta o chɔɡ la, o siwi la nomanta, ó kaa pɛɛpɛɛ.

Kaala 21:26 ပူးပေါင်းရင်းမြစ်များ

Nehemia 5:5

Ya ne ya bala Juu tena bwa beŋkpoŋ. Gɛɛ ya bii ne ba ɡe bii ɛ kɛrɛdɛ, kɛ ya kpɔ ya bibaala ne bihaahna do ba lɔɡa kɛŋɔ yoma ken, ya bihaahna bane tɔ sie ɛ yoma. Taraken ya ta kpeɡri bɛlbwa dɔe kpa, dɛkalkɛ ya kooni ne daa kooni berɛ nɛra bane kwa.”

Yela 10:14

N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.

Yela 10:18

dɛɛ lɛ bilalbii ne nɛra baa dɛ fiɡ ba, dɛ́ bol ba waa tɛɛ ba ɡɛ aa ɛ nɛwɛnyini waa won sewa nɔ bɛ on aah kpa.

Yela 9:12

Hen Korowii dɛ lii nɛra ba bwara aa dɛ nyɛɡ ba wa, haa wii baa dɛ wi waa soh. He dɛ tɛr nɛra baa dɛ ɛ ɡɛ nɛra wechɔɡa la deŋne.

Kaala 21:20

Nomɛlbwa waa dɔ yombaa kɛɛ yomhaah, dɛ kpɔ daa lɔɔ o sewɛ buɡ ta la chɛ kɛ bá tɛr o deŋne.

Kaala 21:24

Dɛ nomɛl fome he siwii aa, hé ɡe fome o siwi. Dɛ o fome he nyen aa, hé ɡe fome o nyen. O nɔnee yaa, hé ɡe ɛ o kon ɡɛ, o napaa ɡee yaa, hé ɡe ɛ o kon ɡɛ.

Kaala 21:25

Niinii naate kpɔ bwɛ o dɔŋ aa, o ɡe bwɛo ɡɛ, bolee o doo waa, bá do o ɡe bol, dɛ o bwara malaa yaa, bá mali o ɡe bwara ɡɛ.

Kaala 21:27

Dɛ o yom nyenee o fome aa, a chɛ kɛŋɔ ó tɛo ŋwɛnɛ ó kaa.

Ɛfesos 6:9

Dɔɔranar, hɛ́ɛ ɛ he bonɔɔna ne toli ɡe kɛrɛdɛ, dɛ́ ɡel ba fiiɡa. He jemɔ kɛŋɔ he ne ba bwa Dɔɔ lɔ beŋkpoŋ nyundua. Waa bane nyine dɛɛ ɡwaa bane.

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Kolosi 4:1

He banɔ la haa dɔ bonɔɔna ne toli la, hɛ́ɛ ɛɛ ba waa aa toɡra dɛ do wer, dɛkalkɛŋɔ he ɡba lɔ nomɛl lɔɡa, o do Korowii doa.