Kaala 21:2 - mzwDBL

² He bɛlbwa yawɛ Hibru te aa, bene anumɛlee chɛ kɛ ó tomɛ. Bennuanɛ te la chɛ kɛ ó dɔ o te. O ta komɛlbwa bɔe dɔe.

Kaala 21:2 ပူးပေါင်းရင်းမြစ်များ

Mumpar 27:28

Kórowii pili nyundua dɛ́ nɛ bwaala, dɛ́ tɛɛ hɛɛra he konduula bwa do wer, he dɔ kondikwaa ne senfala kohona.

Mumpar 27:36

Anee Esɔ ŋɔ, “O sɔn Jekɔb la maɡre o ne. O munii neɡra. Anɔɔ jaa nɛɛtena waa faah mɛ. O lɛ n nomonome, asɛ dɛ lɛ soŋa he fe aa soŋe tɛ mɛ la ɡe ja.” Dɛ berɛ bɔɔro ŋɔ, “Amɔ he ta wobɛlbwa dɔe dɛ́ soŋe Korowii andɛɛɡa tɛ mɛ kpa aa?”

2 Koranar 4:1

Awola bɛl, luhaah bɛl o jaa fa aa ɛ Korowii keamere bane baa pɛa dɛɛ valɛ bini bɛl la Elaesa be, dɛ ka wi noo ŋɔ, “Nomoa, n jaa sewɔ. He ɡbabir jemɛ ɡɛ waa tomɛ, ne ɡɛ waa dɛ ɔmɛ Korowii ɡe. Taraken, o di nomɛl kem wɛɛ ba dɛ ba lawɛ n bibaala banɛ yoma bɔ kem.”

Nehemia 5:8

dɛ ŋɔ ba be ŋɔ, “Ya lɛ ya bala Juu tena baa yoɡ ba te tɛ nɛra baa wola Juu tena ɛɛ. Taraken he ɡe berɔ ɛɡre he ɡbaɡba nɛra ba yoɡ ba te dɛɛ tɛ yaa!” Ate, nomonome la hel, dɛkalkɛ ba ta wobɛlbwa dɔe dɛ́ bol.

Kaala 12:44

Yom bɛlbwa haa yawɔ ba teŋe o pen la ɛɛ won di,

Kaala 21:3

Dɛ o ɡboo he yawɛ aa, o ɡboo chɛ kɛ he ta ŋwɛnɛ ó kaa. Kɛ dɛ o ne o haahnee yaa, o ne o haah bwaa dɛ́ kaa.

Kaala 21:7

Dɛ baa yoɡ o bihaah tɛ nomɛl kɛŋɔ yom aa, baa o te ŋwɛnɛ ta ó dɔ o te kɛŋɔ, ba yon ta baala ŋwɛnɛ baa dɔ ba te la.

Kaala 22:3

Kɛ dɛ bɔr chaahnɔ mɔɔ a chiɡ aa, dɛ naate la kpo nɛn dɛ di bolchɔɡe. Ŋwɛɛ bɛlbwa chɛ kɛŋɔ ó bɔ kon waa ŋwɛa la kem. Kɛ dɛ o ta komɛlbwa dɔe yaa, bá yoɡ o ɡbabir dɛ́ kpɔ bɔ kem la.

Lewi Dea Tena 25:54

Anɔ bwa habɔɔ, o ta wone lɛ o te dɛ ta do nɛn waa yawɔ la lɔɡa aa, o ne o bii bwa dɛ dɔ ba te bodia benanyoa la ta,

Matiu 18:25

Waa naa kɛŋɔ bonɔɔ la aa won ɛ wobɛlbwa dɛ́ bɔ kem la la, o ŋɔ bá yoɡ o ne o haah ne bii ne o kondɔɔh bwa, dɛ́ kpɔ bɔ kem la.

1 Kɔrent 6:20

dɛkalkɛŋɔ o kpɔ Yeesu Kristo chal yawɛ heya. Anomanta, hé nyiŋi he bwadabii ta kɛrɛdɛ, dɛ́ kpɔ tomɛ Korowii dɛ́ tɛo sɔn.

Mmarare 15:1

Mosis berɔ ŋɔ, “Bene anuanɛ bɛlbwa chemaa, nomɛlbwa waa di he kem la, ɡel kɛo.

Mmarare 15:18

Bɛ ɡel á do kpeɡri tɛ heyaa kɛ haa dɛ ta he yoma ŋwɛnɛ ba kpɔ ba te kaa. Dɛkalkɛŋɔ ba toma baa ɛa tɛ heyaa bene anumɛl la do kɛŋɔ paa tena banɛ toma. Korowii haa dɛ tomɔ nɔ ɛɛ swee andɛɛɡaa tɛ heyaa he wobɛlbwa haa dɛ ɛ la ta.”

Mmarare 31:10

Mosis do ba ŋɔ, “Bene anuanɛ bɛlbwa ɡɛ he yon kpɔ nɛra baa di kema dɛɛ kɛ ba la, dɛ a telo hɛɛ ba he tɔpejen haa dɛ yerɔ Kukure Tɔpejen la dii yaa, hé kuro a le baŋ kohona a ɡɛ tɔpere la ta,