Kaala 20:25 - mzwDBL

²⁵ He dɛ ba bwea kpɔe kwaa kon haa ɛ saraha o ta tɛ mɛ naa, hé ɡel bwea la do ɡɛ aa doa la, he bɛ an sɛh. Hé kpɔ kon sɛah aa, aa werii do tɛ n toma kpa.

Kaala 20:25 ပူးပေါင်းရင်းမြစ်များ

1 Koranar 6:7

Ba pɛɡre bwea baa kpɔ ma Korowii Dea la dɛ kwaara bela baa dɛ kwia mɔɔ dɛ́ kpɔ ba, ɡɛ aa ɛ ba bɛ hambare ne kpanfɛre kɛɛ buni bɛlbwa ɡbɔɡa no Korowii Dea la bela.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Kaala 24:4

Mosis chwerɛ komɛlbwa Korowii aa bola. Tɔ aa dɛ per chɔmbibii la, o iro dɛ kwaa saraha kon tɛ Korowii bwe la lɔɡa, dɛ paaɡe bwea fi dɛ anɛ a che tɛ Israel deene fi dɛ anɛ la.

Ɛsekeɛl 40:42

Ba sɛh bwea ɛ teeburre anaarɛ ɡe tɛ saraha kwaa baa fuah dɛɛ ɛ sarahare. Bɛlbwa jaŋne ka tama o ɡwaa naɡale anɛ, o paɡri ɡe ka tama o ɡwaa naɡale anɛ, asɛ o daŋa ɡe ɛ naɡale beŋkpoŋ ne tama. A taa ba yon kpɔ kwaa baa kpɔa dɛɛ kpoo, dɛɛ kwaa saraha kwaa baa fuah, dɛɛ dawɛ.

Josua 8:31

ɡɛ Korowii bonɔɔ Mosis aa do Israel tena la. Josua ɡelɔ ba ɛ kon baa dɛ ɛ saraha o ta ɡɛ tenten baa chwera do Mosis Mmara Tɔn la bini. Ba ta buni kon kpɔe sɛh bwea la bɛlbwa. Ba ɛ saraha baa dɛ fuah dɛ kpoo kwaa ɛ deŋnesɔɔhna saraha o ta tɛ Korowii.