Kaala 20:24 - mzwDBL

²⁴ Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Kaala 20:24 ပူးပေါင်းရင်းမြစ်များ

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

2 Samoɛl 6:12

Kooro Devid baa no kɛŋɔ Korowii swee Ɔbɛd Edom ne o dem tena, dɛ komɛlbwa waa dɔa andɛɛɡa Korowii Ne Nɛwɛnyina Fɔo Daka la wa. Anomanta, o ne Israel tena bane la Ɔbɛd Edom dem silɛɛ ne, dɛ ka kpɔ Daka la ba Jerusalam waa ɛ Devid Bwɛjen la ta.

1 Koranar 8:29

Dɛɛ daah Dea nɔ chɔɔ ne jwaana, bonɔɔ he le cheɡ ŋɔ baa tomɛ. Dɛ n kpɔ sie chaɡɛ Dea nɔ ta dɛɛ soŋe naa, no n be.

1 Koranar 8:43

noa nyundua bela haa soɡa la, ásɛ dɛ ɛ wobɛlbwa baa bɔɔra dɛɛ le he be la, ásɛ harɛ nɔ ta nɛra jemɛ dɛ́ kpɔ duure dɛɛ tɛɛ, ɡɛ Israel tena yaa ɛ he nɛra aa dɛ ɛ la. Ásɛ ba jemɛ kɛŋɔ Dea maa doa tɛɛ nɔ ɛ bela nɛra aa dɛɛ tomɛ.”

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

2 Koranar 5:17

Ate, Naaman ŋɔ, “Dɛ haa komɛlbwaa lɛ tenaa, amɔ tɛ men he bonɔɔ ŋwɛnɛ n ɛ bonɔ teera keeɡore anɛ aa dɛ ba wona che kaa dem. Maa kwaa kpoo fuh ɛ saraha tɛ voɡ bɛlbwa kpa atane Korowii ɡbo.

2 Webena 12:13

Kooro Rɛhoboam di bene fifraanaarɛ dɛ beŋkpoŋ mɔɔ dɛ di kora. O kora cheɡɔ kiŋkiŋ, o so Jerusalam Korowii aa lea cheɡ Israel harɛre bwa bini ŋɔ, baa tomɔ bela la, dɛ di kora bene fi dɛ anuanɛ. O nya sɔne Naama, Amɔn tee.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

2 Webena 7:16

dɛkalkɛ n le Dea nɔ cheɡ dɛ ɡel o do ɡoroŋ, ásɛ baa tom mɛ o bini saŋ bɛlbwa dɛɛ la. Mɛɛ dɛɛ daahno n sie do o ta.

Ɛsra 6:12

Korowii waa le Jerusalam cheɡ ŋɔ nɛra ba bela dɛ́ baa tomɔ la, ó ir kooro kɛɛ harɛ bɛlbwa nɛra baa vɛh waa nɔ ta teŋa, kɛɛ dɛ́ ka chɔɡ Korowii Dea nɔ la. Men Koojen Dareɔs, menee do ɡɛ mmara nɔ. Bɛlbwa nyiŋi dɛɛ teŋɛ o ta kɛrɛdɛ.”

Nehemia 1:9

kɛ dɛ he berɔ ba n be dɛ ba teŋɛ waa maa dɛ do heyaa a ta tenaa, hale dɛ ba lawɛ heyaa laa ta kaa bojaŋ harɛ jaɡa kwaraa naa, mɛɛ boa he nyoaa, dɛ́ lawɛ heyaa ba bela maa lea cheɡ ŋɔ baa tom mɛ la.’

Yela 101:2

Mɛɛ dɛɛ nyiŋi n we-ɛɛla bini kɛrɛdɛɛ. Saŋ besoo he ba cha mɛ nɔ? Mɛɛ kpɔ bambidɛɛɡee so n dem,

Yela 122:2

Taraken Jerusalam, he doonyoonee ya che nɔ.

Yela 128:5

Kórowii che o Dea waa lɔ Saayɔn sweere andɛɛɡa he soɡa bini bwa, dɛ́ ɡel he na Jerusalam wer doe.

Yela 134:3

Korowii waa ta nyundua ne harɛ la, ó le Saayɔn dɛ́ swee heyaa andɛɛɡa.

Yela 74:7

Ba fuh he Dea la, dɛ kpɔ doŋa kah bela baa dɛ tomɛ la.

Yela 76:2

Jerusalamee o bwɛ, o so Saayɔn Bwejen doa.

Yela 78:68

Kɛ Juda dea nɛraa o le, ne Saayɔn Bwejen waa dɛ nyin bela kohona la.

Kaala 10:25

Asɛ Mosis chaŋe ŋɔ “A chɛ kɛ yá kpɔ kondɛɛra yaa ka kpoo ɛ saraha dɛ́ fuh ane tɛ Korowii yaa dɛ tomɔ la.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Kaala 20:25

He dɛ ba bwea kpɔe kwaa kon haa ɛ saraha o ta tɛ mɛ naa, hé ɡel bwea la do ɡɛ aa doa la, he bɛ an sɛh. Hé kpɔ kon sɛah aa, aa werii do tɛ n toma kpa.

Kaala 24:4

Mosis chwerɛ komɛlbwa Korowii aa bola. Tɔ aa dɛ per chɔmbibii la, o iro dɛ kwaa saraha kon tɛ Korowii bwe la lɔɡa, dɛ paaɡe bwea fi dɛ anɛ a che tɛ Israel deene fi dɛ anɛ la.

Kaala 24:5

Asɛ o tomɛ Israel bonɔɔna ba ka fuh kwaa ɛ saraha, dɛ kpoo nabali ɛ deŋnesɔɔhna saraha tɛo.

Kaala 27:1

Korowii berɔ ŋɔ Mosis be ŋɔ, “Kpɔ akaasia daa kwaa kon baa ɛ saraha o ta dɛɛ tɛ mɛ. Gel o jaŋne ne o paɡri bwa ɛ beŋkpoŋ. O jaŋne ɛ naɡale anuanɛ ne tama, o paɡri ɡe naɡale anuanɛ ne tama. O daŋa ɡe ɛ naɡale anaarɛ ne tama.

Aesaya 64:5

He dɛ lɛ banɔ la baa kpɔ silɛɛ ɛ waa aa toɡra, ne ɡɛ haa dɛ nyin kɛŋɔ baa ɛ. He bandia kohona habɔɔ, ya ta teŋɔ dɛɛ ɛ wechɔɡa le saŋ la bwa.

Lewi Dea Tena 17:9

dɛ o ta a ne n Dea Cheremibɔr doonyoa balɛ ba ɛ saraha tɛ mɛ naa, a chɛ kɛ bá pere naate le o nɛra bini.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 18:20

dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:21

He harɛre la baa do kan asɛ bela haa chema dɛɛ tomɛ Korowii la do jaŋne aa, saŋ bɛlbwa haa dɛ nyin la, hɛɛ wonoo kpoo nae kɛɛ peera Korowii aa tɛ heyaa la, ásɛ dɛ chwe ola la he deremi ɡɛ maa ŋɔ he be la.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 14:23

Hé kpɔ he mea ne sen ne ɔleve noo haa bɔne a bini bɔre fi la bɔrbeŋkpoŋ, ne nao ne pee dɛ booh biloɡla kaa bela Korowii aa lea tɛ heyaa ŋɔ he tomɔ la, ásɛ dɛ ka dia o sie bela. Hɛ́ɛ ɛ ɡɛ dɛ́ che a ta dɛ́ɛ duu Korowii saŋ bɛlbwa.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 26:2

hé bini bɛlbwa do kwaa waa para harɛ la ta konloɡla wɛɡrɛ del, dɛ́ kpɔ la bela Korowii haa dɛ tomɔ nɔ aa le tɛ heyaa ŋɔ hɛɛ tomɔ la.

Mmarare 7:13

Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.