Kaala 20:2 - mzwDBL

² “Menee Korowii haa dɛ tom mɛ n le he ne Ijipt harɛ ta somanjiri dii ta la.

Kaala 20:2 ပူးပေါင်းရင်းမြစ်များ

1 Koranar 18:39

Nɛra la aa na ɡɛ la, ba cholo dɛ kpɔ sie piiɡi harɛ, dɛɛ dooɡe lɔŋɔre ŋɔ, “Korowiirii ya Dɔɔ! O ɡbosoroo chɛ toma!”

2 Koranar 17:12

Korowii do Israel tena la ŋɔ ba bɛ voɡa tomɛ, kɛ ba ɡe ɡarɔ toma.

2 Koranar 17:7

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Kɛ ane a bwa, dɛ Korowiirii lɛɛ ba le Ijipt harɛ, Ijipt kooro nɔn ta. Dɛ ba dɛ tomɛ voɡa ɡe,

2 Webena 28:5

Anomanta, Korowii waa dɛ tomɔ la kpɔɔ do Siiria kooro nɔn ta. Siiria laa tena baa yoo dɛ pɔ o nɛ, dɛ lawɛ o nɛra ɡalɡa, dɛ ba ba ne Damaskɔs. O berɔ kpɔɔ do Israel kooro nɔn ta o yoo, dɛ kpoo o laa tena taeh.

Yela 50:7

Korowii ŋɔ, “Hé no, n nɛra Israel tena, maa he waa bola ba dɛ́ tɛ heya, menee Korowii haa dɛ tom mɛ.

Yela 81:10

Menee Korowii haa dɛ tomɛ, n le he ne Ijipt harɛ ta la. Hé waa dɔ kasinteŋ tɛ mɛ naa, mɛɛ tɛ heya kondikwaa kɛŋɔ, jumbie aa dɛ tɛ o bii la.

Yela 81:11

Kɛ ane abwa, Israel tena aa n be no, baa n waa ta teŋɛ.

Yela 81:7

Gɛ saŋ haa lɔ wenaale ta la, he yerɛ men Korowii, asɛ n ba lɛ heya. N cheɡɛ peukpeɡ bini dɛ chaŋe heya, dɛ daah heyaa na Mɛreba, bela ne aa bula la.

Kaala 13:14

Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 15:13

He nyina aa wola jaɡa dɔe nomanta, hɛɛ tɔ he nɛra haa lɛɛ ba la siee. Hɛɛ kpɔ he kpeɡrii dɛɛ nyiŋi ba nɛ, dɛ́ kpɔ ba kaa harɛ waa do ɡoroŋ ta.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Kaala 20:1

Korowii bol waa aa teŋa nɔ bwa ɡe dɛ ŋɔ,

Kaala 29:46

Baa jemɔɔ kɛŋɔ menee Korowii baa dɛ tom mɛ, n kpɔ ba le Ijipt harɛ n ne ba so. Menee Korowii baa dɛ tom mɛ la.”

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Jeremia 16:14

Anomanta, Korowii ŋɔ, “Saŋ bɛl dɛ ba, ásɛ nɛra aa n sɔn taa dɛɛ ŋwɛɛ ŋɔ men Korowii maa lole saŋ bɛlbwa laanee fa lawɛ Israel tena le Ijipt harɛ ta kpa.

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Jeremia 31:1

Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Jeremia 34:13

“Waa Korowii Israel tena aa dɛ tomɔ aa dɛ bol laanee nɔ, ‘N ne he naawa fɔwɛ fɔo ɡɛ saŋ maa laɡ ba le Ijipt harɛ ta, bela baa do ba kɛŋɔ yoma la, kɛŋɔ

Ɛsekeɛl 20:19

Menee Korowii haa dɛ tom mɛ la, hɛɛ teŋɛ n waa ne me Mmarare maa kpɔa tɛ heyaa la ta kɛrɛdɛ.

Ɛsekeɛl 20:5

dɛ́ ŋɔ Israel tena be ŋɔ men Nemenɛ Korowii bolɔ ŋɔ, ‘Awola maa le Israel tena tɛ n te la, n ir nɔn dɛ ŋwɛɛ baɡle Jekɔb naanar, dɛ kpɔ n te baɡ ba Ijipt harɛ ta kɛ menee Korowii baa dɛ tom mɛ la.

Ɛsekeɛl 20:7

N ŋɔ bá pa ba voɡa maa kia la ta, ba bɛ Ijipt harɛ ta voɡa nɛɛ teŋɛ, dɛ́ kpɔ doŋa kah ba te. Menee Korowii baa dɛ tom mɛ.’

Hosia 12:10

N bol waa keamere la be, dɛ ɡel ba na wepila taeh, dɛ che ba nɛɛ kpɔ sɛɡla bol waa he be dɛ ja heya.

Hosia 13:4

Korowii ŋɔ, “Menee Korowii haa dɛ tom mɛ n lawɛ heyaa le Ijipt harɛ la. He bɛ voɡ bɛlbwa yarada ka ja n nɛ. Lɛɛ bɛlbwa toole ka ja n nɛ.

Lewi Dea Tena 11:45

Menee Korowii haa dɛ tom mɛ n lawɛ heyaa le Ijipt harɛ ta hé ba ɛ n nɛra, anomanta, hé do ɡoroŋ ɡɛ maa do ɡoroŋ la.

Lewi Dea Tena 19:36

Hé kpɔ kwaa aa chɛ kɛŋɔ hé kpɔ maɡɛ kwaa maɡɛ ɡɛ a bɛlbwa aa chɛa. Menee Korowii haa dɛ tom mɛ n kpɔ heyaa le Ijipt harɛ ta ba la.

Lewi Dea Tena 23:43

ásɛ he naanar jemɛ kɛŋɔ men Korowiirii ɡela Israel tena so kukure lɔɡre ɡɛ saŋ maa laɡ ba le Ijipt harɛ ta la. Menee Korowii haa dɛ tom mɛ la.”

Lewi Dea Tena 25:38

Men Korowiirii bola, menee le he ne Ijipt harɛ ta, dɛ kpɔ Keenan harɛ tɛ heyaa o ɛ he kon, dɛ ɛ Korowii haa dɛ tom mɛ.

Lewi Dea Tena 25:42

Israel tena aa ɛ n bonɔɔna n kpɔ ba le Ijipt harɛ ta ba nomanta, a ta chɛ kɛ bá yoɡ ba kɛŋɔ yoma.

Lewi Dea Tena 25:55

dɛkalkɛ n bonɔɔnaa Israel tena n laɡ ba le Ijipt harɛ ta. Menee Korowii haa dɛ tom mɛ la.”

Lewi Dea Tena 26:1

Korowii berɔ ŋɔ, “He bɛ voɡa kɛɛ kon haa sɛoh kɛɛ bwe kpɔ pa dɛɛ tomɔ. Menee Korowii haa dɛ tom mɛ la.

Lewi Dea Tena 26:13

Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.

Emɔs 2:10

Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 3:29

Juu tena ɡbo laa Korowii che tɛ. Nɛra baa wola Juu tena ɛɛ la, ba bwa waa o do le.

Mmarare 13:10

Hé foɡro bwea kpo, dɛkalkɛŋɔ o fe tɛɡre heyaa dɛɛ le Korowii haa dɛ tomɔ o le he ne Ijipt harɛ ta he fa aa di somanjiri bela la nɔn ta.

Mmarare 15:15

Hé lii kɛŋɔ he fa di somanjiri Ijipt harɛ ta, asɛ Korowii lɛ heyaa le a ta. A waa mɛɛ do heyaa waa nɔ ta fini la.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 5:15

Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.

Mmarare 5:6

‘Menee Korowii haa dɛ tom mɛ, n le he ne Ijipt harɛ ta somanjiri dii ta la.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

Sitɔɔla 2:1

Korowii nyundua torome le bwɛɛ baa dɛ yerɔ Gelɡal dɛ ba bol waa Bokim tena be ŋɔ, “Menee lɛ heyaa le Ijipt harɛ ta, dɛ ba he ne harɛ maa baɡɛ he naawa nyoa kɛŋɔ mɛɛ kpɔɔ tɛ heyaa la ta la. N bol he be ŋɔ maa fɔo n ne haa fɔwa laanee chɔɡ bwa.

Sitɔɔla 6:10

N ŋɔ he be kɛŋɔ menee Korowii haa dɛ tom mɛ. He bɛ Amɔre tena haa soɡe ba harɛ ta voɡare la dɛɛ tomɛ. Kɛ he vɛh n waa la noe.”