Kaala 20:12 - mzwDBL

¹² Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Kaala 20:12 ပူးပေါင်းရင်းမြစ်များ

Mumpar 48:12

Belaa Josef ɡɔɔ ba le o mɛɛ nakpale ta, asɛ dɛ kpɔ sie pi harɛ o sie.

Mumpar 50:12

Kenii a ɛ Jekɔb bibaala ɛ ɡɛ waa do ba ŋɔ ba ɛ la.

1 Koranar 2:19

Ate, Batsiiba la Kooro Solomɔn be ŋɔ o dɛ la ka bol Adonija waa la tɛo. Kooro iro ka chemo, dɛ ɡuŋu harɛ dɛ berɛ ka so o kookara ta. Ba kpɔ kookara bɛl ɡe ka cheɡ kooro nomombɔr diɡ ta, asɛ o nya ka so o ta.

2 Koranar 2:12

Elaesa nao dɛ do lɔŋɔ yerɛ Elaeja ŋɔ, “N dɔɔ! N dɔɔ! Nɛn waa cheɡɛ Israel tena habɔɔ! He kaalɔ.” Elaesa ta on nae kpa. O kɛɛ o laala waa doa la bini anɛ, a baɡle kɛŋɔ o loo kuu kohona.

Kaala 21:15

Nomɛlbwa waa lɔɔ o nya kɛɛ o mɛɛ la chɛ kɛŋɔ bá kpoo.

Kaala 21:17

Nomɛlbwa waa taah o nya kɛɛ o mɛɛ la chɛ kɛ bá kpoo.

Sɛɡla 15:5

Gɛnee dɛɛ vɛh o mɛɛ wa, kɛ nɛn baa dɛ jao wɛɛ no la, dɛ jemɛ wa.

Sɛɡla 17:6

Banjeni ne hanjeni jirimaa ba naanar, ɡɛɛ nya ne mɛɛ ɡe jirima ɛ ba bii.

Sɛɡla 20:20

He taah he nya kɛɛ he mɛɛ aa, he piɡro dɛɛ sewɛ kɛŋɔ kandea aa dima biro ta la.

Sɛɡla 28:24

Haa ŋwɛ he nya kɛɛ he mɛɛ komɛl, dɛ ŋɔ he ta ŋwɛɛ ɛɛ la, dɛ henee ŋwɛɛ tenten.

Sɛɡla 3:16

O dɛ tɛ mkpajaŋ, dɛ berɛ dɛɛ tɛ kondɔɔh ne jirima.

Sɛɡla 30:11

Nɛra bane dɛ taah ba mɛɛnanar, baa andɛɛɡa sweerɛ dɛɛ tɛ ba nyare.

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Jeremia 35:18

Ate, men Jeremia ŋɔ Rekab dea luɡe nɛra la be ŋɔ, Koranar Bwa Kooro, Israel tena aa dɛ tomɔ la bolɔ ŋɔ, “He no waa he nabaa Jonadab aa bol he be la, dɛ teŋɛ waa waa baɡle heya, ne anɔ la bwa waa do heyaa ta.

Jeremia 35:7

O berɔ ŋɔ a ta chɛ kɛ yá do deene, kɛɛ dɛ́ parɛ kɛɛ dɛ́ yawɛ daa kooni. O do yaa ŋɔ yáa so tɛnte deene ɡbo bini, ásɛ dɛ won so harɛ yaa soɡe o ta kɛŋɔ nɛŋhɔɔhra nɔ ta.

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Lewi Dea Tena 19:3

He bini bɛlbwa chɛ kɛ wɛ́ɛ duu o nya ne o mɛɛ, ásɛ dɛɛ di n Ona Tɔpera maa kpɔa tɛ heyaa la. Menee Korowii haa dɛ tom mɛ la.

Lewi Dea Tena 19:32

Hé kpɔ jirima dɛɛ tɛ nɛra baa hwɛɛhra, ásɛ dɛɛ duu ba, dɛ́ɛ duu men Korowii haa dɛ́ tom mɛ ɡe. Men Korowiirii bola.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Matiu 19:19

Dɛɛ duu he nya ne mɛɛ, ásɛ dɛɛ nyin he dɔŋ kɛ he ɡbaɡba.”

Amanesoma Mak Aa Chwera Tɔn 10:19

Kɛ he jemɛ Korowii Mmarare laɔ? Anee, ‘Bɛ nɛn kpo, bɛ jwamane bɔ, bɛ ŋwɛ, bɛ nyosone teŋe dawɛ he dɔŋ nɛ, bɛ he dɔŋ faah, dɛɛ duu he nya ne he mɛɛ.’ ”

Amanesoma Mak Aa Chwera Tɔn 7:10

Mosis Mmara la bini o ŋɔ, ‘Duu he nya ne he mɛɛ,’ dɛ, ‘Nomɛlbwa waa bol o nya ne o mɛɛ bwara wechɔɡe la, a chɛ kɛ ba kpoo.’

Amanesoma Luk Aa Chwera Tɔn 18:20

Kɛ he jemɛ Korowii Mmarare la aa dɛ baɡle kɛ, ‘Bɛ jwamane bɔ, bɛ nɛn kpo, bɛ ŋwɛ, bɛ nyosone teŋe dawɛ he dɔŋ nɛ, dɛɛ duu he nya ne he mɛɛ’ laɔ?”

Ɛfesos 5:21

Hé bwa ɛɛ no dɔŋa be ɔma haa dɛ ɔmɛ Yeesu Kristo la nomanta.

Mmarare 11:8

Anomanta, hɛ́ɛ teŋɛ Mmarare nɔ bwa maa dɛ do heyaa fini nɔ ta, ásɛ dɛ won ɡale Jɔɔdan Moo la, dɛ́ ka kpɔ harɛ la so,

Mmarare 11:9

ásɛ dɛ dɔ mkpajaŋ harɛpare ondɛɛɡe, Korowii aa ŋwɛɛ o waa he naawa be ŋɔ wɛɛ kpɔɔ tɛ ba ne ba naanar la.

Mmarare 21:18

Dɛ nomɛlbwa bibaa deŋne kpeɡri wɛɛ lɛ ɡaeh waa o nya ne o mɛɛ deŋna waa no, hale ba tɛr o deŋne o ta do ɡɛ naa,

Mmarare 25:15

A chɛ kɛ hé di kasinteŋ kwaa maɡa ta, ásɛ Korowii haa dɛ tomɔ nɔ tɛ heyaa mkpajaŋ harɛ waa kpɔa dɛɛ tɛ heyaa la ta.

Mmarare 27:16

Ásɛ ba berɛ ŋɔ, ‘Nomɛlbwa waa wola o nya ne o mɛɛ duu la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Mmarare 32:47

Gɛ waa nɔ ta wepuu ɛɛ, a ɛ waa haa che a ta dɛ́ dɔ he nyu. Hé teŋɛ a ta, aa ɡeloo he dɔ mkpajaŋ harɛ waa lɔ Jɔɔdan Moo la baŋ hɛɛ la dɛ ka so o ta la ta.”

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 5:16

Hé duu he nyare ne he mɛɛnanar, ɡɛ men Korowii haa dɛ tom mɛ la aa do heyaa la. Anee dɛɛ ba ɡela he dɔ mkpajaŋ, wobɛlbwa do wer tɛ heya harɛ maa kpɔa dɛɛ tɛ heyaa la ta.

Mmarare 5:33

Waa Korowii aa do heyaa a ta la taa chɛ kɛŋɔ hé do sie, ásɛ dɛ dɔ he nyu á chiɡ heyaa kɛrɛdɛ, dɛ́ dɔ mkpajaŋ harɛ haa dɛ la ka so o ta la.”

Mmarare 6:2

Hé ne he bii ne naanar bwa ɔmɛ Korowii haa dɛ tomɔ nɔ, dɛ́ teŋɛ o Mmarare bwa maa kpɔa dɛɛ tɛ heyaa nɔ ta, ásɛ he won so biɡri.

Kolosi 3:20

Bechale, hɛ́ɛ no he nyare ne he mɛɛnanar waa saŋ bɛlbwa, dɛkalkɛŋɔ ɡɛɛ dɛɛ lɛ Korowii sie.

Rut Tɔn 3:6

Anomanta, o la pɛla la ta jwaana la ne la, asɛ dɛ ka ɛ ɡɛ Naomi aa baɡlo la.

1 Samoɛl 22:3

Devid le bela dɛ la Mispa waa lɔ Moab harɛ ta, dɛ ka ŋɔ bela kooro be ŋɔ, “Hɛɛ sɛoh dɛ́ ɡel n mɛɛ ne n nya ba so he be bonɔ ka tel saŋ maa na waa Korowii aa ɛ tɛ mɛ naa?”