Kaala 20:11 - mzwDBL

¹¹ Tɔpera anumɛlee n kpɔ ta nyundua ne harɛ, mpo ne koŋkwaa aa lɔ o ta bwa, asɛ dɛ onɛ tɔpere waa teŋa nuanɛ la ta. A waa n ɡel Ona Tɔpere la ɛ tɔpedɛɛɡe dɛ ɡel o do ɡoroŋ.

Kaala 20:11 ပူးပေါင်းရင်းမြစ်များ

Mumpar 1:28

Korowii swee andɛɛɡa tɛɛ ba dɛ ŋɔ, <>

Mumpar 1:31

Anɔ bwa habɔɔ la, Korowii nyiŋi kwaa waa taa la bwa dɛ na kɛŋɔ a bwa wer kɛrɛdɛ. Asɛ bɔr jo dɛ chaah, onee tɔpere waa teŋa numɛl.

Kaala 31:17

Onee dɛ́ do n ne Israel tena baah dɛɛ lii yaa saŋ bɛlbwa, dɛkalkɛ tɔpera anumɛlee men Korowii kpɔ ta nyundua ne harɛ, asɛ dɛ ɡel toma ɛɛ dɛ onɛ tɔpenuanɛ wee la ta.”

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Kaala 9:29

Ate, Mosis chaŋe dɛ ŋɔ, “N baa le bwɛɛ nɔ ta naa, mɛɛ ɡɔɔ n nɔɔra nyunduaa dɛ́ soŋe Korowii. Bwaala kɔɡra la ɛɛ ɡeloo, dombwea la ɡe ɡel leera, ásɛ he jemɛ kɛŋɔ Korowiirii dɔ harɛ bwa.

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Aesaya 48:13

N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

We-ɛɛla 4:24

Ba bala la aa no waa la, ba bwa pɛo soŋe Korowii ŋɔ, “Nemenɛ Korowii haa ɛ komɛlbwa dɔɔ, hen ta nyundua ne harɛ ne mpo ne kwaa aa lɔ a ta bwa!

Mmarare 5:15

Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.

Hibru 4:4

Korowii Tɔn bobɛl bol tɔpenuanɛ wee la waa ŋɔ, “Korowii aa tonɛ o toma bwa la, o onɔ tɔpenuanɛ wee la ta,”

Wepila 10:6

dɛ ŋwɛɛ Korowii waa lole saŋ bɛlbwa dɛ ta nyundua ne harɛ ne kwa aa lɔ a ta bwa, dɛ ta mpo ne kwa aa lɔ o ɡe ta la, dɛ ŋɔ, “Aa biɡri kpa.