Kaala 20:10 - mzwDBL

¹⁰ kɛ Ona Tɔpere la te ɛ men Korowii haa dɛ tom mɛ la tɔpere. O telaa, he bɛ toma bɛlbwa ɛ o ta. He ne he bibaala kɛɛ bihaahna kɛɛ bonɔɔna, kɛɛ toli bɛlbwa bɛ toma ɛ. Hale he kondɛɛra te bɛlbwa, ne hɔɔhra kwaraa baa lɔ he dem.

Kaala 20:10 ပူးပေါင်းရင်းမြစ်များ

Nehemia 10:31

Dɛ nɛŋhɔɔhra baa soɡa bar yaa yoɡ mea kɛɛ komɛlbwa tɛ yaa Ona Tɔpere kɛɛ tɔpere waa do ɡoroŋ bɛlbwa ta naa, yaa yawɛ. Bene anuanɛ bɛlbwa ta la, yaa ɡel ya harɛre ta paraa, dɛ́ kpɔ kema nɛra aa di yaa ɡe kɛ.

Kaala 16:26

Tɔpera anumɛlee chɛ kɛ hé kpɔ tɔɔ kondikwa la, kɛ tɔpenuanɛ wee waa ɛ Ona Tɔpere la te, kondikwaa bɛlbwa aa lee he tɔɔ.”

Kaala 31:13

“Ŋɔ Israel tena be ŋɔ a chɛ kɛŋɔ báa di n Ona Tɔpera. Anee dɛ́ ɛ danseɛ kon n ne ba baah dɛɛ lii ba, hale dɛ ka tel ba naanar baa ka ba bwa nɛ, ásɛ he jemɛ kɛŋɔ men Korowiirii le heyaa tɛ n te hé ɛ n nɛra.

Kaala 34:21

Hé kpɔ tɔpera anumɛl ɛ toma, ásɛ tɔpenuanɛ wee hé onɛ o ta. Dɛ kooni para saŋ kɛɛ kwaa koma saŋee yoo, a chɛ kɛ hé onɛ.

Kaala 35:2

Tɔpera anumɛlee he dɔ kɛŋɔ hé kpɔ ɛ toma, kɛ tɔpenuanɛ wee la chɛ kɛŋɔ ó do ɡoroŋ tɛ heya, hé onɛ o ta. O ɛ Ona Tɔpere dɛ tɛ Korowii. Nomɛlbwa waa ɛ toma o ta la chɛ kɛŋɔ bá kpoo.

Ɛsekeɛl 14:7

Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo.

Lewi Dea Tena 23:3

Tɔpera anumɛlee lole kɛ hé kpɔ ɛ he tomare, kɛ tɔpenuanɛ wee la ɛ Ona Tɔpere. O ɛ tɔpere hé bwa aa cheme dɛ́ɛ tom mɛ o ta. He bɛ toma bɛlbwa ɛ o ta bobɛlbwa haa soɡa, o ɛ Ona Tɔpere dɛ tɛ Korowii.

Amanesoma Luk Aa Chwera Tɔn 23:56

Asɛ ba berɛ kaa dem, dɛ ka ɛ kwaane a sɔɔh aa soma dɛɛ ba kpɔe ka ɛ lale la. Ona Tɔpere la, ba onɔ ɡɛ Mmara la aa baɡla la.