Kaala 2:3 - mzwDBL

³ Waa baa na kɛ waa won sɔɔh la sie bɛlbwa kpa la, o nyin komɛl baa kpɔ kpɔɡa sɔɔh kɛŋɔ fufu ken, o ne o tɔ dɛ kpɔ kootal maa o habɔɔ ásɛ nee bɛ won jo o bini. Dɛ kpɔ bie la do o bini ka cheɡ kpɔɡjaŋa ane aa cheɡɛ Nael Moo nyoa.

Kaala 2:3 ပူးပေါင်းရင်းမြစ်များ

Mumpar 11:3

Belaa ba ŋɔ dɔŋa be ŋɔ, “Bwɛɛla, hé ɡel ya teŋe berekese, dɛ́ wɔɔra a won do kpeɡri kohona.” Ba ta bwea dɔe bela dɛ́ ma deene, a waa ba kpɔ berekese dɛ nyin kwaa aa won kwaa mara kɛ kootal dɛ kpɔ ma deene la.

Mumpar 14:10

Dɛ Sidim Fɛlembɔjen la ɛ bɔɔne bɔɔne kootal su o bwa nomanta, Sodom kooro ne Gomoora kooro ne ba nɛra aa chwaa dɛɛ kaa la, ba bini bane kaa lee bɔɔne la bini asɛ koranar batoro la ɡe ne ba nɛra la chwa kaa bwejena la dor.

Mumpar 6:14

Anomanta, Nowa, ka nyin daa waa kpeɡa, dɛ́ kwaa dakajen waa won nee sie vala kɛŋɔ ɡbera, ásɛ dɛ bɔne o bini kɛŋɔ deene, ásɛ dɛ kpɔ kootal maa o bini ne o habɔɔ bwa.

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Aesaya 18:2

Ba dɛ tomɛ toroma bá so dafɛɡa ɡbeni bini, dɛ́ kpɔ Nael Moo sie. Toroma haa ɡbaŋa, hé la harɛ o nɛra aa kpeɡa kohona ba bwara loɡa la be, nɛra baa do ɔma harɛ nɔ bwa ta, dɛɛ tiɡri ba dɔma nɛ neerare peɡri ba harɛ bini.

Aesaya 19:6

Bɔra baa kwia nee palɛ dɛɛ kpɔ a ta bwa ɛɛ sɔɔhnoo, ásɛ nenabɔɔne hweeh. Kpɔɡa aa cheɡɛ nee ta bwa sewɛ.

Aesaya 35:7

Bela wee aa lɔa o hol la ɛɛ berɛ tamee, ásɛ bela nee fa aa wola toole pili ne. Bela kalampoŋare fa aa lole la ɛɛ berɛ kataŋaa, o berɛ moɡɛ kpɔɡa ne pul.

Matiu 2:13

Baa le bela dɛ kaa la, Korowii nyundua torome bɛl ba Josef be deera ta dɛ ba ŋɔ o be ŋɔ, “Kooro Hɛrɔd dɛ ba ɡela nɛra ɡaaɡe bie la bɔr dɛ́ kpoo. Anomanta, ir dɛ́ kpɔ bie la ne o nya bwa chwa kaa Ijipt harɛ ka so bela, ka tel ɡɛ saŋ maa berɛ ba ŋɔ hé le bela mɔɔ he le.”

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

We-ɛɛla 7:19

Dɛ o dɛ neɡ ba dɛɛ ɛɛ ba nyubinikpeɡ, dɛɛ fiɡ ba, dɛ ɡel ba kpɔ ba bechasɔɔhne kaa ta baa serewe.