Kaala 2:23 - mzwDBL

²³ A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Kaala 2:23 ပူးပေါင်းရင်းမြစ်များ

Mumpar 16:11

Dɛ berɛ ŋɔ o be ja ŋɔ, “Bie lɔ he be. Hɛɛ lolɛ bibaalee dɛ́ pa o sɔn Ismael, dɛkalkɛ Korowii no he suna wii.

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

Nehemia 9:9

He na wahala ya naawa aa naa Ijipt harɛ ta, dɛ no ba wii Mposwɛm la ta, dɛ cha ba.

Job Tɔn 35:9

Ba dɛ fiiɡi nɛra kohona a ɡwaa ba nɛɛ aa, ba dɛ pɛmɛ, ba dɛ wi dɛɛ soŋe nɛn ó lɛɛ ba le kpeɡnɛn la nɔn ta.

Yela 102:1

N Naa Korowii, no n wesoŋa, no n wii maa dɛ wi dɛ́ cha mɛ.

Yela 102:2

Dɛ waa puu mɛ naa, bɛ sie laa kpɔ n nɛ. Cheɡ deŋne no n be, dɛ́ chaŋ mɛ warane.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 18:6

N wahala bini n wio no hen Korowii ŋɔ hé lɛɛ mɛ, n wio no hen Korowii maa dɛ tomɛ ŋɔ, hé cha mɛ, he no n taa he Dea la bini, n wii la tel he be, asɛ he no.

Kaala 1:14

Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

Kaala 4:19

Mosis taa lɔ Midian harɛ ta la, Korowii ŋɔ o be ŋɔ, “Berɛ kaa Ijipt harɛ ta, dɛkalkɛ nɛra la ba fa aa dɛ nyini dɛ́ kpo la bwa serewɔ.”

Kaala 6:5

N na wahala Israel tena aa dɛ na Ijipt tena nɔn ta baa ɛɛ ba kɛ yoma la, dɛ lii n ne ba fɔo yaa fɔwa la.

Kaala 6:9

Mosis bol ɡɛ waa nɔ baɡle Israel tena la kɛ, bambichɔɡ kohona ne ba dochɔɡa la nomanta, ba ta noɛ.

Kaala 7:7

Baa kaa bol waa la kooro be la, dɛ Mosis di bene fifraanuatoro, asɛ Arɔn ɡe di fifraanuatoro dɛ atoro.

Aesaya 19:20

Aa cheo dɛɛ baɡle waa dɛ tɛ Koranar Bwa Kooro Ijipt harɛ ta. Dɛ nɛra dɛ ɛɛ ba hɔhɔrɔwa asɛ ba do lɔŋɔ tɛ Korowii aa, wɛɛ tɛɛ baa lɛɛree ó lɛɛ ba.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Nɛra Kura 20:16

asɛ ya wi no Korowii o no yaa, dɛ ɡel nyundua torome ba kpɔ yaa le Ijipt harɛ ta. Taraken ya lɔ Kades, bwɛɛ waa lɔ he harɛ jwɛh ta.

We-ɛɛla 7:30

Bene fifraanaarɛ aa baa ɡale Mosis nyu ta bela la, o la pua hɛŋle ɡbo harɛ bɛl ta, Sinai Bwejen la bɔr, dɛ ka na nyundua torome bela. Dɛ dawii ane aa dɛ lawɛ baahnee nyundua torome la che.

Mmarare 24:15

Tɔpebir toma waa ɛ tɛɛ la, bɔɔ kem dɛ bɛ ɡel wee jo a ta, dɛkalkɛŋɔ a hiaoh, a taa o sie dawɛ. Dɛ he ta on tɛɛ yaa, wɛɛ wiu no Korowii ta he nɛ, ásɛ a ɛ wechɔɡa tɛɛ.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

1 Samoɛl 12:8

Jekɔb ne o bii aa kaa jo Ijipt harɛ ta asɛ baa fiɡ ba la, he naawa wio no Korowii ŋɔ ó cha ba. Asɛ o tomɛ Mosis ne Arɔn ba ba lawɛ he naawa le Ijipt harɛ ta, dɛ kpɔ ba ba so bonɔ.

1 Samoɛl 9:16

“Kere saŋ nɔ bɔr, mɛɛ tomɛ baa bɛlee le Bɛnjamen dea harɛ taa he be. O balaa, fuɡe noo do o nyu ta, dɛ́ ɛo n nɛra Israel tena sitɔɔ. Onee dɛ́ ba lɛɛ baa le Filisti tena nɔn ta. N na wenaale baa lɔ a ta, ba wii ɡe tel n be.”