Kaala 2:21 - mzwDBL

²¹ Ba kaa yerɛ Mosis ó ba, waa bala la o sie baa lɛ kɛŋɔ wɛɛ so ba bee. O ne baa soɡa la sie tama la, sɔfo Jetro lawɛ o bihaah Sepora tɛo o mo.

Kaala 2:21 ပူးပေါင်းရင်းမြစ်များ

Kaala 2:10

Bie la aa baa kpeɡ tama la, o kpɔɔ ka tɛ Ijipt kooro bihaah la o berɛ o bie. O ŋɔ, “O sɔne Mosis, dɛkalkɛ nee taa n kpɔɔ le.”

Kaala 2:20

Belaa o bɔɔ ba ŋɔ, “Leperaa o dɔɔ? Ɛrɛ waa he ɡelo bela nɔɔ? He la ka yerɔ ó ba ya di kwa.”

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Kaala 4:18

Belaa Mosis berɛ kaa o helabaa Jetro be dɛ ka ŋɔ o be ŋɔ, “N dɛ soŋe, ɡel ń berɛ kaa n lolanar be Ijipt dɛ́ ka na kɛŋɔ ba ta lole kɛɛ.” Anee o sɛh dɛ tao ŋwɛnɛ deŋnesɔɔhna ta o kaa.

Nɛra Kura 10:29

Dɛ Mosis helabaa sɔne Jetro dɛ ɛ Midian te. O bibaa sɔne Hobab. Awola bɛl, Mosis ŋɔ Hobab be ŋɔ, “Ya dɛ ba ira kaa harɛ Korowii aa ŋɔa wɛɛ kpɔɔ tɛ yaa la ta. O baɡɛ yaa nyoa ŋɔ bela ɛɛ do werii tɛ yaa. Yaa ka nyiŋi kɛrɛdɛɛ, anomanta, ɡel ya ne he kaa.”

Nɛra Kura 12:1

Awola bɛl, Miriam ne Arɔn pa mun dɛɛ naɡre Mosis waa kɛŋɔ waa mo haah le Kus harɛ ta baa bera dɛɛ yerɔ Itiopia la.

We-ɛɛla 7:29

Mosis aa no a ɡɛ waa nɔ la, o ɔmɔ, dɛ chwa le Ijipt harɛ dɛ ka so Midian harɛ ta. O lolɛ bibaala banɛ bela.

1 Timoti 6:6

Nɛn haa dɛ tomɛ Korowii, he siwi ɛɛ su komɛlbwa Korowii aa tɛɛ la, he ɛ kondɔɔh tenten.

Hibru 11:25

O ta sɛɛh ɛ Ijipt tena bodia waa baa lɔ a ta la, dɛkalkɛŋɔ a ɛ wechɔɡa, harɛ bonɔ ɡbo ɡee aa jaɡɛ. O sie lɛ Korowii nɛra la pui dɛ́ na wahala dɛ́ ɡwaa Ijipt tena bodia la.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Jems 1:10

Dɛ he ɛ dɔɔh ɡe aa, ɡel he sie lɛ kɛŋɔ he ne nyaa la bwa ɛ beŋkpoŋ, dɛkalkɛŋɔ he ɛ nɛŋɡwɛɡre Korowii be. Haa biɡri sewɛ kɛŋɔ kpɔɡa yon fe dɛ́ chure warane dɛ́ berɛ sewɛ la.