Kaala 2:11 - mzwDBL

¹¹ Mosis aa kpeɡa la, awola bɛl, o iro dɛ ka chɔɔ o bala Hibru tena, dɛ na ɡɛ baa do ba baa ɛ tomkpeɡa. Asɛ Mosis na Ijipt te kɛŋɔ waa dɛ lɔɔ o bwɛɛ Hibru te.

Kaala 2:11 ပူးပေါင်းရင်းမြစ်များ

Kaala 1:11

Anomanta, ba le nomonome ba chɔ ba nyoa, dɛ do ba baa ɛ tomkpeɡa. Dɛ ɡel ba do bwɛjena Petɔm ne Rameses, dɛɛ cheɡ kondikwaa a bini dɛɛ tɛ kooro.

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Kaala 5:14

Asɛ Ijipt nomonome la lɔɔ Hibru tena baa ɡela ba chɔ ba bala la nyoa la. Dɛ bɔɔ ba ŋɔ, “Ɛrɛɛ he ta wone ɛ toma ɡɛ he fa aa dɛ ɛ wubwa la nɔɔ?”

Kaala 5:4

Belaa Ijipt kooro ŋɔ Mosis ne Arɔn be ŋɔ, “Ɛrɛɛ hɛɛ nyin he kpɔ ba kaa, ásɛ ba ɡel toma baa dɛ ɛ nɔɔ? Ba berɛ ba kaa ba toma ta!

Kaala 5:5

A ɡɛ nɛra nɔ warɔ ɡwaa Ijipt tena harɛ nɔ ta, asɛ he berɛ dɛɛ nyin ba ɡel toma ɛɛ la!”

Kaala 5:9

Hé tɛɛ ba tomkpeɡa aa ɡwaa wubwa kwaa la, ásɛ ba bɛ bɔr dɔ dɛɛ no nyosonteŋna wobol.”

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,