Kaala 19:5 - mzwDBL

⁵ Dɛ hɛɛ dɛɛ no n deŋna waa, dɛ́ ɡel n ne he fɔo la che kɛrɛdɛ tenaa, mɛɛ kpɔ heyaa ɛ n nɛra n siwi aa dɛ su ba harɛ nɔ ta bwa nɛra bini. Menee dɔ harɛ nɔ bwa te,

Kaala 19:5 ပူးပေါင်းရင်းမြစ်များ

Mumpar 17:9

Korowii berɔ ŋɔ Abraham be ŋɔ, “He ɡe la, he ne he naanar baa ka ba la chɛ kɛŋɔ hé teŋɛ n fɔo nɔ ta.

1 Koranar 8:53

Henee le yaa le harɛre bwa nɛra bini dɛ kpɔ yaa ɛ he kapɛrɛ diile. Nemenɛ Korowii, ɡɛɛ he che he bonɔɔ Mosis nɛɛ dɛ bol ɡɛ saŋ haa le ya naawa le Ijipt harɛ ta la.”

1 Webena 17:22

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

Job Tɔn 41:11

Nomɛlbwa aa won ŋɔ men Korowii di o kem, komɛlbwa aa lɔ harɛ nɔ ta ɛ n kwa.

Job Tɔn 41:3

Wɛɛ teŋɔɔ dɛɛ soŋe wobopwɛra ne ŋɔ hé na o sum aa?

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Yela 24:1

Korowiirii dɔ harɛ nɔ ne komɛlbwa aa lɔ o ta, hale nɛwɛnyina bwa sekwara.

Yela 25:10

Korowii dɔ nyina, o waa dɔ kasinteŋ, wɛɛ tɔ nɛra baa dɛ teŋɛ fɔo o ne baa fɔwa la ta siee.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Kaala 23:22

Dɛ he cheɡ deŋne o be kɛrɛdɛ dɛɛ ɛ anɔ la maa bola bwa naa, mɛɛ hah he dɔmaa, n ne baa jo ŋwɛnɛ bɛlbwa ta.

Kaala 24:7

Ate, dɛ kpɔ Korowii Ne Nɛwɛnyina Fɔo Tɔn la kure baɡle nɛra la. Ba bwa sɛh ŋɔ, “Yáa ɛ wobɛlbwa Korowii aa ŋɔa laanee, yaa dɛɛ teŋɛ a taa.”

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Kaala 9:29

Ate, Mosis chaŋe dɛ ŋɔ, “N baa le bwɛɛ nɔ ta naa, mɛɛ ɡɔɔ n nɔɔra nyunduaa dɛ́ soŋe Korowii. Bwaala kɔɡra la ɛɛ ɡeloo, dombwea la ɡe ɡel leera, ásɛ he jemɛ kɛŋɔ Korowiirii dɔ harɛ bwa.

Yelsom 8:12

N daa koo ɛ n ɡbo kon n won kpɔ tɛ. Kooro Solomɔn, he ken dɔ suuɡapoŋa kaɡboŋ, asɛ paara baa dɛ nyiŋi koo la ta ɡe dɔ suuɡapoŋa lafraanɛ.

Aesaya 1:19

Dɛ he ɛ deŋnepwɛr dɛ no n be te naa, hɛɛ dɔ harɛ la ta kondɛɛɡaa di.

Aesaya 41:8

Kɛ he te, Israel tena haa ɛ n bonɔɔna, Jekɔb naanar maa le heya, n dam Abraham dwee,

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 56:4

Waa Korowii aa dɛ bol ɡɛ nɛra la be laanee kɛŋɔ, “Dɛ nɛra baa fɔɡɛ ba lure dɛ di n Ona Tɔpere la, dɛɛ ɛ waa aa dɛ su n siwi, dɛɛ di kasinteŋ n fɔo la ta naa,

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Jeremia 13:11

Gɛ ba yon kpɔ kiriso vɔwɛ chara la, ɡɛɛ n lawɛ Israel ne Juda tena vɔwɛ n te. Ásɛ ba fe ɛ n nɛra, dɛ́ kpɔ kpɛɛra ne duure tɛ mɛ. Kɛ ba vɛh n waa noe. Men Korowiirii bola.”

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Lewi Dea Tena 20:24

N baɡɛ heyaa nyoa ŋɔ mɛɛ kpɔ ba harɛɛ tɛ heya hé so o ta o den ɛ he kon, harɛpare ondɛɛɡe. Menee Korowii haa dɛ tom mɛ n le heyaa korɛ harɛre nɛra bwa bini la.

Emɔs 3:2

He ɡboo ɛ nɛra maa le heya tɛ n te harɛre nɛra bwa bini, a waa a chɛ kɛ ń tɛr he deŋne he wechɔɡa bwa waa la.”

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

1 Kɔrent 10:26

dɛkalkɛŋɔ “Korowiirii dɔ harɛ ne komɛlbwa aa lɔ o ta.”

1 Kɔrent 10:28

Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa.

Mmarare 10:14

Nyundua ne harɛ ne komɛlbwa aa lɔ o ta bwa ɛ Korowii haa dɛ tomɔ nɔ kwa.

Mmarare 11:27

Dɛ hé no Korowii waa nɔ dɛ teŋɛ a ta naa, hɛɛ dɔ andɛɛɡaa,

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 14:21

He bɛ ol waa sewa ta baŋa la di. Hé kpɔ tɛ nɛra baa ɛ nɛŋhɔɔhra dɛ so he baah ta. Gɛ laa ɡe aa, hé yoɡ tɛ nɛn waa wola he nɛɛ jae. He ɛ Korowii nɛra dɛ do ɡoroŋ. He bɛ pebie kɛɛ bombie daa o nya elnee ne.”

Mmarare 26:18

Fini Korowii sɛoh kɛŋɔ o ɡbaɡba nɛraa heya he waa ɛɛ su o siwi, ɡɛ waa baɡɛ heyaa nyoa wubwa la, dɛ ŋɔ hé teŋɛ o waa waa do heyaa a ta,

Mmarare 26:19

dɛ berɛ ŋɔ wɛɛ ɡɔɔ heyaa dɛ́ ɡel he sɔn le ɡwaa harɛre nɛra waa ta ba bwa. Dɛ berɛ ŋɔ wɛɛ ɡeloo he do ɡoroŋ tɛo, ɡɛ waa baɡɛ heyaa nyoa la.”

Mmarare 28:1

Mosis berɔ ŋɔ, “Dɛ he do sie dɛɛ teŋɛ Korowii haa dɛ tomɔ nɔ waa maa dɛ bol he be fini nɔ ta kɛrɛdɛ naa, wɛɛ ɡeloo he sɔn le ɡwaa harɛre nɛra bwa.

Mmarare 28:9

Dɛ he no Korowii haa dɛ tomɔ nɔ waa dɛ teŋɛ wobɛlbwa waa dɛ bol ta naa, wɛɛ kpɔ heyaa cheɡ kɛ o nɛra he do ɡoroŋ ɡɛ waa baɡɛ nyoa la.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Mmarare 5:2

Sinai Bwejen taa Korowii yaa dɛ tomɔ ne ya fɔwɛ fɔo.

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Mmarare 9:29

Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Hibru 8:9

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ. Anomanta, n ɡe laa sie kpɔ ba nɛ.

Josua 24:24

Asɛ ba ŋɔ, “Korowii yaa dɛ tomɔ la ɡboo yaa ba toma, dɛ́ɛ teŋɛ waa waa do yaa a ta la ta.”

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.