Kaala 19:4 - mzwDBL

⁴ “Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Kaala 19:4 ပူးပေါင်းရင်းမြစ်များ

Aesaya 40:31

Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Hosia 11:1

Korowii ŋɔ, “Israel fa aa do kɛ bechala la n nyinu, dɛ yerɔ le Ijipt harɛ ta kɛŋɔ n bie.

Haɡae 2:5

Haa le Ijipt harɛ ta la, n baɡɛ heyaa nyoa ŋɔ mɛɛ ja he nɛɛ saŋ bɛlbwaa. N ta ja he nɛ, he bɛ ɔmɛ.”

Malakae 2:10

Mɛɛ beŋkpoŋ laa ya dɔ aa? Korowii beŋkpoŋ laa ta ya bwa naa? Ɛrɛɛ ya waa aa wola kasinteŋ dɔe dɛɛ tɛ dɔŋa, yaa chɔɡ fɔo Korowii ne ya naawa aa fɔwa la nɔɔ?

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

Mmarare 29:1

Waa aa lɔ fɔo Korowii aa do Mosis ŋɔ o ne Israel tena fɔwɛ Moab harɛ ta, dɛ kpɔ ja Sinai Bwejen kon la ta laanee teŋa nɔ.

Mmarare 29:2

Mosis yerɛ Israel tena la bwa dɛ ŋɔ ba be ŋɔ, “Hé na waa Korowii aa kpɔa ɛ Ijipt kooro ne o nomonome, ne nɛra baa lɔ Ijipt harɛ ta la bwa.

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Josua 23:3

Hé ɡbabir na ɡɛ Korowii haa dɛ tomɔ la aa koh he waa dɛ ɛ harɛre nɛra ba fa aa soɡe bonɔ. Dɛ on Korowiirii yoa dɛɛ tɛ heya.

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.