Kaala 19:24 - mzwDBL

²⁴ Belaa Korowii ŋɔ Mosis be ŋɔ, “Berɛ tu ka kpɔ Arɔn ja he nɛɛ he bwa ba. Kɛ sɔfore la ne nɛra la te bɛ lii kɛŋɔ baa ɡale jwɛh laanee dɛ́ ba n be bwe nɔ ta. Gɛ laa aa, mɛɛ tɛr ba deŋnee.”

Kaala 19:24 ပူးပေါင်းရင်းမြစ်များ

1 Webena 13:9

Ba valɔ ba tel Kedɔn tena mea lɔ bɔr, asɛ nabala aa dɛ tɛɡre Korowii Ne Nɛwɛnyina Fɔo Daka la lɔ na, asɛ Ussa ta lawɛ Daka la kpoŋe.

Kaala 19:12

Kpɔ kon pe harɛ ó ɛ jwɛh bar bwe la, dɛ́ ŋɔ nɛra la be ŋɔ bɛ́lbwa nyiŋi kɛrɛdɛ dɛ bɛ jwɛh la ba ɡale, á ba ɛ kɛŋɔ baa teeh bwe laanee. Nomɛlbwa waa leɡe bwe la kwaraa la, kpoe chɛ kɛŋɔ bá kpoo.

Kaala 19:25

Asɛ Mosis tu ba nɛra la be, dɛ ba bol waa Korowii aa bola la chaɡ ba.

Kaala 24:1

Korowii berɔ ŋɔ Mosis be ŋɔ, “He ne Arɔn ne Nadab ne Abihu dɛ Israel nomonome fifraanuanɛ la teeh bwe ba n be. Hé che bojaŋ tama dɛɛ tom mɛ.

Kaala 24:9

Ate, Mosis ne Arɔn ne Nadab dɛ Abihu ne Israel nomonome fifraanuanɛ la bwa teeh kaa bwe la doa,

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Matiu 11:12

Dɛ le saŋ la Jɔn aa lea dɛɛ bol Korowii Kora nɔ waa la, nɛra sie beɡrɔ ba kpɔ sibeɡra dɛɛ nyin dɛ́ ja o Kora la ta.

Amanesoma Luk Aa Chwera Tɔn 13:24

“Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

Amanesoma Luk Aa Chwera Tɔn 16:16

Mosis Mmara la ne Korowii keamere la waa la baa chwera laanee lole baa baɡle mɔɔ, dɛ́ ka tel ɡɛ saŋ Jɔn o fa aa dɛ sɔ nɛra Korowii nee la aa bala. Le ɡɛ saŋ waa bala dɛ baa bol Korowii Kora la Amanesoma la, nomɛlbwa siwi swɛɛrɔ wɛɛ nyin bɔr dɛ́ ja Korowii Kora la ta.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

Galaasia 3:19

Aah dɛ bɔkwa waa Korowii tɛ yaa Mosis Mmara laɔ? Wechɔɡa jema waa o kpɔa ja yaa. Korowii ɛo kɛŋɔ Mmara la do le dɛ́ ka tel kɛŋɔ Abraham naa la aa bala. Abraham naa nɔɔ Korowii baɡɛ nyoa la. Nyundua toromaa Korowii ɡel ba ba Mosis Mmara la ne ba tɛ yaa. Nɛn nɛɛ nyundua toroma la ba chiɡ dɛ kpɔ Mmara la tɛo, asɛ o ɡe kpɔ tɛ ya naanar.

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.