Kaala 19:19 - mzwDBL

¹⁹ asɛ bɛla la ɡee si kpeɡri nɛɛ kohona dɛɛ ja. Belaa Mosis bol wa, asɛ Korowii chaŋo kɛŋɔ bwaala aa kɔra ken.

Kaala 19:19 ပူးပေါင်းရင်းမြစ်များ

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Yela 81:7

Gɛ saŋ haa lɔ wenaale ta la, he yerɛ men Korowii, asɛ n ba lɛ heya. N cheɡɛ peukpeɡ bini dɛ chaŋe heya, dɛ daah heyaa na Mɛreba, bela ne aa bula la.

Kaala 19:13

Bá foɡro bwea kpo kɛɛ dɛ́ yaɡɔ hɛma ne dɛ bɛ nɔn kpɔ leɡo. Dɛ nɛnee kɛɛ olii yoo, o bɛ o nyu dɔ kpa. Kɛ dɛ ba no bɛla sii biɡri aa, a chɛ kɛŋɔ bɛlbwa chwa kaa bwe la lɔɡa.”

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Nɛra Kura 12:8

N ne o bol wa dɔŋa be, a bini chɔ kɛrɛdɛ, wobobeela laa. O dɛ na ɡɛ maa doa kɛrɛdɛ. Ɛrɛ waa haa wola ɔmɛ kɛŋɔ he bol n bonɔɔ Mosis waa nɔɔ?”

Mmarare 4:36

O ɡelɔ he no o taa dɛ le nyundua, dɛ chaɡle heyaa anɔ la aa chɛ kɛŋɔ hé ɛ. Dɛ ɡel he na o nii waa dɛ lawɛ kohona harɛ nɔ ta, asɛ dɛ ɡel he no o taa le nii la ta.

Mmarare 5:22

A ɡɛ waa nɔɔ Korowii che nii ta dɛ bol takpeɡ ne baama aa bira kpirkpir bini bwe la ta he bwa be la, o ta wobɛlbwa kpɔe ja a ta ɡɛ saŋ. Dɛ chwera bwepɛle anɛ ta dɛ kpɔ tɛ mɛ.

Hibru 12:19

Dɛ bɛla bɛl dɛ si, asɛ nomɛl taa ɛɛ le. Nɛra la aa no taa la, ba soŋɔ ŋɔ anɔ la baa noa la maɡre ɡɛ,

Hibru 12:21

Waa aa chiɡ bela la, dɛ a ɔma kohona to, asɛ Mosis ŋɔ, “Ɔmee laɡ mɛ, n bwara dɛ sa!”