Kaala 19:18 - mzwDBL

¹⁸ Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Kaala 19:18 ပူးပေါင်းရင်းမြစ်များ

Mumpar 11:5

Asɛ Korowii tu ba harɛ dɛ ba na bwɛjen la ne dejaŋ nɛwɛnyina aa dɛ ma la ɡɛ waa kaa nyundua.

Mumpar 15:17

Wee aa joa asɛ bɔr bir la, kapɛla waa dɛ lawɛ nii ne vii bɛl soo siwi nii aa lɔ o ta wɛɛ le chuu deno ba kpɔ ola la baah.

Mumpar 19:28

O ta sie nyiŋi Sodom ne Gomoora pera, ne deŋɡarere dor harɛ waa chɔa kaa la bwa dɛ na chuu aa tɔ bela bwa kɛŋɔ kpɔɡjen bɛl aa dɛ fuh ken.

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Yela 104:32

O nyiŋi harɛ aa, o dɛ jiɡri, o leɡe bwejena chuu ɛɛ le a ta.

Yela 114:4

Bwejena dɛ jah kɛŋɔ pebala, asɛ deŋɡarere ɡe ɛɛ jah kɛŋɔ pebiiri ken.

Yela 114:7

Hárɛ, jiɡri Korowii sie, Korowii Jekɔb aa dɛ tomɔ sie.

Yela 144:5

N Naa Korowii, forɛ le nyundua, dɛ́ tu ba harɛ. Kpɔ nɔn leɡe bwejena, dɛ́ ɡel chuu le a ta.

Yela 18:9

O forɔ le nyundua ba harɛ, baama aa bira kpirkpir do o nakpale lɔɡa.

Yela 68:9

N Naa Korowii, he ɡelɔ bwaala nɛ kohona, dɛ sɔɔh harɛ haa kpɔa baɡɛ yaa nyoa la ta.

Yela 77:18

He ɡelɔ bwaala nyɛɡle dɛɛ kɔɡre kohona, dɛɛ nyɛɡle harɛ nɔ ta bwa, asɛ harɛ jiɡri.

Yela 77:19

He valɛ mpo nehɛma ta dɛ ɡale o vile, kɛ ba ta he nabuɡe nae.

Kaala 19:13

Bá foɡro bwea kpo kɛɛ dɛ́ yaɡɔ hɛma ne dɛ bɛ nɔn kpɔ leɡo. Dɛ nɛnee kɛɛ olii yoo, o bɛ o nyu dɔ kpa. Kɛ dɛ ba no bɛla sii biɡri aa, a chɛ kɛŋɔ bɛlbwa chwa kaa bwe la lɔɡa.”

Kaala 19:17

Anee Mosis tɔ nɛra la sie ba le dɛɛ la ka cheme Korowii, ba kaa che bwejen la lɔɡa.

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Kaala 24:17

Israel tena te be la, Korowii jirima aa lɔ bwejen la doa la do kɛŋɔ nii aa won kwaa chɔɡa kohona la ken.

Kaala 3:2

Belaa Korowii nyundua torome bɛl kpɔ o te baɡlo dawii ane aa dɛ lawɛ nii baah ta. Mosis nao kɛŋɔ nii dɛ le bela, kɛ dɛ dawii la ɡe aa fuh.

Kaala 34:2

Kpɔ he te kere chɔmbibi, ásɛ dɛ ba n be Sinai Bwejen la doa.

Aesaya 6:4

Asɛ a taa ɡel Korowii Dea la doonyoo ɡbeni daa la ne a doonyojoo bwa ɛɛ jiɡri, chuu tɔ Dea bela bwa.

Aesaya 64:1

N Naa Korowii, ɛrɛɛ haa wola nyundua pere dɛ́ ba harɛ nɔ? Bwejena fe ɛɛ nae dɛ́ ɔmɛ, dɛ́ yiiɡi.

Jeremia 4:24

N berɔ nyiŋi bwejena dɛ a dɛ jiɡri, asɛ deŋɡarere bwa ɡe ɛɛ yiiɡi.

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Matiu 24:7

Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa.

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Mmarare 4:36

O ɡelɔ he no o taa dɛ le nyundua, dɛ chaɡle heyaa anɔ la aa chɛ kɛŋɔ hé ɛ. Dɛ ɡel he na o nii waa dɛ lawɛ kohona harɛ nɔ ta, asɛ dɛ ɡel he no o taa le nii la ta.

Mmarare 5:22

A ɡɛ waa nɔɔ Korowii che nii ta dɛ bol takpeɡ ne baama aa bira kpirkpir bini bwe la ta he bwa be la, o ta wobɛlbwa kpɔe ja a ta ɡɛ saŋ. Dɛ chwera bwepɛle anɛ ta dɛ kpɔ tɛ mɛ.

Mmarare 5:4

Sinai Bwejen la doaa Korowii che nii ta bol waa he be he siwi ta.

2 Tesalonika 1:7

dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Hibru 12:18

Haa ba Korowii be nɔ, kon haa leɡe be laa he ba, kɛŋɔ Israel tena fa aa ba Sinai Bwejen ta la. A ɡɛ bwejen nɔ fa dɛ lawɛ nii jiɡijiɡi ken. Ba fa aa ba o mun la, bɔr bwa biro kpirikpiri ken, asɛ peu ɛɛ ta vuɡuvuɡu ken.

Hibru 12:26

Waa bol waa ɡɛ saŋ la, harɛ jiɡro. Kɛ taraken te, o baɡɛ nyoa ŋɔ, “Mɛɛ ba jiɡri harɛɛ kerabeŋkpoŋ ja. Harɛ ɡbo laa mɛɛ ba jiɡra. Mɛɛ jiɡri nyundua ɡee ja.”

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.

Wepila 9:2

Asɛ o laa bɔluŋ la pili. Waa pilu la, chuu leɔ puul kɛŋɔ nijena chuu aa dɛ le la, asɛ wee bir, bɔr bwa ɛ jwumaa ken.

Sitɔɔla 5:5

Bwejena jiɡro hen Korowii waa ɛ Sinai Bwejen dɔɔ sie, Korowii Israel tena aa dɛ tomɛ la bala ta.