Kaala 19:11 - mzwDBL

¹¹ dɛɛ kpa tɔpetooro wee la ta, dɛkalkɛ awolaa men Korowii ɡbaɡba ɛɛ ba Sinai Bwejen ta bala nɛra bwa siwi ta.

Kaala 19:11 ပူးပေါင်းရင်းမြစ်များ

Mumpar 11:5

Asɛ Korowii tu ba harɛ dɛ ba na bwɛjen la ne dejaŋ nɛwɛnyina aa dɛ ma la ɡɛ waa kaa nyundua.

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Yela 144:5

N Naa Korowii, forɛ le nyundua, dɛ́ tu ba harɛ. Kpɔ nɔn leɡe bwejena, dɛ́ ɡel chuu le a ta.

Yela 18:9

O forɔ le nyundua ba harɛ, baama aa bira kpirkpir do o nakpale lɔɡa.

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Kaala 19:18

Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Kaala 19:20

Korowii tuo ba bwejen la doa, dɛ yerɛ Mosis ŋɔ ó ba o be nyundua bela. Asɛ o teeh la o be,

Kaala 24:16

asɛ Korowii jirima tɔ o bwa. Tɔpera anumɛl dɛ bam la ta bɔle bwe la bwa ɡɛ, asɛ tɔpenuanɛ wee ta la, Korowii bol waa le bam la ta dɛ yerɛ Mosis.

Kaala 24:17

Israel tena te be la, Korowii jirima aa lɔ bwejen la doa la do kɛŋɔ nii aa won kwaa chɔɡa kohona la ken.

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 34:2

Kpɔ he te kere chɔmbibi, ásɛ dɛ ba n be Sinai Bwejen la doa.

Kaala 34:5

Belaa Korowii kpɔ bam ta dɛ ba o ne Mosis che bela. Asɛ Korowii yerɛ o sɔndɛɛɡe waa dɔa la o be kɛ onee Korowii.

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Amanesoma Jɔn Aa Chwera Tɔn 6:38

dɛkalkɛŋɔ n ɡbaɡba tetoowa waa laa n le nyundua ba. Naate waa tom mɛ la tetoowa waa n ba.

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Mmarare 4:10

Gɛ saŋ haa cheɡɛ Korowii haa dɛ tomɔ sie Sinai Bwejen ta asɛ o ŋɔ n be ŋɔ, ‘Yerɛ nɛra la bwa ba cheme n sie bá ba no n waa dɛ́ jemɛ ɡɛ baa duu mɛ. Gel ba ka so harɛ la ta bwa dɛ́ bol baɡle ba bii ne ba naanar ba ɡe ɛɛ teŋɛ a ta.’

Josua 3:5

Josua ŋɔ Israel tena la be ŋɔ, “Hé laa he te kpɔ doŋa bɛlbwa ta dɛ́ do ɡoroŋ, kere Korowii ɛɛ ɛ nyokpowaa tɛ heya.”