Kaala 19:10 - mzwDBL

¹⁰ Anee Korowii ŋɔ Mosis be ŋɔ, “La nɛra la be dɛ́ ka ŋɔ ba le fini ne kere dɛ́ sɔ ba doŋa bwa ta, dɛ́ do ɡoroŋ n be pera. Bá chɛɡɛ ba laala,

Kaala 19:10 ပူးပေါင်းရင်းမြစ်များ

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Lewi Dea Tena 11:25

Bɛlbwa waa ka kpɔ a bɛlbwa lale la chɛ kɛŋɔ ó chɛɡɛ o laala. O kah doŋa ka tel jɔmɔra.

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

Nɛra Kura 8:21

Lewi dea tena la sɔ ba doŋa bwa ta dɛ do ɡoroŋ, dɛ chɛɡɛ ba laala. Asɛ Arɔn ɛɛ ba kɛŋɔ saraha kwaa baa ɡɔɔra nyundua, dɛ viiɡa Korowii sie ken, dɛ soŋe ba wechɔɡa tɛɛ ba, dɛ sɔ ba doŋa bwa ta ba do ɡoroŋ.

Lewi Dea Tena 15:5

Nomɛlbwa waa leɡe o chɔɔbɔr chɛ kɛŋɔ ó chɛɡɛ o laala dɛ́ sɔ ne. O kah doŋa ka tel jɔmɔra.

Josua 3:5

Josua ŋɔ Israel tena la be ŋɔ, “Hé laa he te kpɔ doŋa bɛlbwa ta dɛ́ do ɡoroŋ, kere Korowii ɛɛ ɛ nyokpowaa tɛ heya.”

Nɛra Kura 8:7

Kenii hɛɛ ba ɛɛ, dɛ́ sɔ ba doŋa bwa ta, kpɔ nee baa kpɔa dɛɛ sɔ nɛn doŋa ta la merɛ ba nɛ, dɛ́ ɡel ba fonɛ ba bwadabii bwa, ásɛ dɛ chɛɡɛ ba laala bwa ɡe. Gɛɛ baa ba ɛɛ, dɛ́ laa doŋa bɛlbwa kpɔ ba nɛ.

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.

Josua 7:13

Ir la nɛra la be, dɛ́ ka sɔ ba doŋa bɛlbwa aa lɔ ba nɛɛ ta. Ŋɔ ba be ŋɔ bá sɔ ba doŋa ta dɛɛ kpa kere. Ŋɔ men Korowii Israel tena aa dɛ tom mɛ la ŋɔ, kwaa maa ŋɔa he le cheɡ mɛ la lɔ he be. Haa won che he dɔma sie dɛ he ta a ne leɛ.

2 Webena 29:5

dɛ ŋɔ, “Hé Lewi dea tena hé no! Hé tɔ sie le he te cheɡ tɛ Korowii, dɛ́ laa doŋa bɛlbwa kpɔ he nɛɛ dɛ́ do ɡoroŋ, dɛ́ laa doŋa bɛlbwa kpɔ Korowii ya naawa aa tomɔ Dea nɔ ta. Hé laa komɛlbwa aa ɡela o kah doŋa kpɔ o bini.

Nɛra Kura 31:24

Tɔpenuanɛ wee la, hé chɛɡɛ he laala dɛ́ laa he te kpɔ doŋa bɛlbwa ta ɡɛ haa dɛ ɛa la, ásɛ mɔɔ dɛ́ won jo he sobɔr bela.”

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

2 Webena 29:34

Dɛ sɔfore la ta warɛ, dɛ́ won swe ola baa kpoora dɛ́ fuah ɛ saraha la, anomanta, ba bala Lewi dea tena la cha ba dɛ swea tonɛ. Gɛ saŋ dɛ sɔfore baa dɔ bɔr dɛ laa doŋa bɛlbwa kpɔ ba nɛɛ dɛ́ do ɡoroŋ warɔ. Dɛ Lewi dea tena la waa dɔ kasinteŋ doŋa laa dɛ kpɔ ba nɛɛ dɛ do ɡoroŋ dɛ ɡwaa sɔfore la kwara.

1 Samoɛl 16:5

Anee Samoɛl chaŋe ŋɔ, “Ɔɔh, deŋnesɔɔhna taa. N balɔ dɛ́ ba kpo kon ɛ saraha tɛ Korowii. Hé sɔ he doŋa bwa ta Korowii be pera, dɛ́ ba ja n nɛɛ saraha la mun.” Ate, o sɔ Jese ne o bibaala doŋa bwa ta dɛ ta nɔn yer ba saraha la mun.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Nɛra Kura 11:18

Ŋɔ nɛra la be bá sɔ ba doŋa bwa ta, dɛ́ do ɡoroŋ Korowii be pera dɛɛ kpa kere. Hɛɛ dɔ olaa chwe. Korowii no he wii kɛŋɔ he fa aa lɔ Ijipt harɛ ta la dɛ a wer tɛ heya, he dɔ ola dɛɛ chwe taeh, kɛ taraken te haa dɔe dɛɛ chwe kpa. Korowii ŋɔ wɛɛ tɛ heyaa olaa hɛɛ chwe name.

Nɛra Kura 19:19

Naate waa wola doŋa kaeh la kpɔ hesɔp daa la su nee la ta, dɛ́ ɛ merɛ naate waa kah doŋa la nɛ tɔpetooro wee ne tɔpenuanɛ wee la ta. Tɔpenuanɛ wee la, ó laa doŋa kpɔ doŋa te la nɛ. Naate baa laa doŋa kpɔ o nɛɛ la chɛɡɛ o laala dɛ́ sɔ ne, ásɛ awola jɔmɔra la, dɛ o le doŋa ta.

2 Samoɛl 19:24

Kooro Sɔɔl naa bɛl baa dɛ yerɔ Mɛfebɔsɛt ɡe laŋɔ ka cheme kooro. O ta o naa saramɛ kɛɛ dɛ kuu o tampona, kɛɛ dɛ chɛɡɛ o laala, dɛ le awola kooro aa lea kaa, dɛ ba le tɔpere waa bera ba deŋnesɔɔhna ta.

Nɛra Kura 31:23

ne kwaa nii aa wola won ɛa wobɛlbwa chɛ kɛŋɔ hé kpɔ do nii ta mɔɔ a doŋa le a ta. Hé berɛ kpɔ do nee baa kpɔa sɔ kon doŋa dɛɛ ta la ta. Komɛlbwa ɡe waa wola nii wone la, hé kpɔ do nee la ta.