Kaala 18:4 - mzwDBL

⁴ O pa binɛɛte la sɔn Eliesa dɛ ŋɔ, “Korowii n mɛɛwa aa tomɔ laanee cha mɛ dɛ lɛɛ mɛ le Ijipt kooro nɔn ta, o ta men kpoe.”

Kaala 18:4 ပူးပေါင်းရင်းမြစ်များ

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

We-ɛɛla 12:11

Belaa Pita ta na waa aa ɛo la, dɛ ŋɔ, “Namee n ta jemɛ kɛ N Naa Korowiirii ɡela o nyundua torome nɔ ba lɛɛ mɛ le Kooro Hɛrɔd nɔn ta, dɛ lee mɛ waa Juu tena bwa fe aa dɛ lii kɛ mɛɛ nao la ta.”

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 34:4

N soŋe Korowii, asɛ o chaŋ mɛ, dɛ lɛɛ mɛ le ɔmewa bɛlbwa ta.

Yela 18:48

N Naa Korowii, he lɛɛ mɛ le n dɔma bini. He laɡ mɛ le nɛra baa cheɡɛ n nɛɛ bini, he lɛɛ mɛ le nɛnchɔɡa nɔn ta.

Yela 18:1

N Naa Korowii, mɛɛ ta tea tɛɛ dɛ́ nyin he wa, henee n Kpeɡnɛn.

1 Webena 23:15

Mosis bibaalaa, Gɛɛsɔm ne Eliesa.

Kaala 2:15

Ijipt kooro baa no waa la, dɛɛ nyin ŋwɛnɛre waa kpɔ a ta dɛ́ kpo Mosis, asɛ o chwa le bela dɛ ka so Midian harɛ ta.

We-ɛɛla 7:29

Mosis aa no a ɡɛ waa nɔ la, o ɔmɔ, dɛ chwa le Ijipt harɛ dɛ ka so Midian harɛ ta. O lolɛ bibaala banɛ bela.

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

Mumpar 49:25

Korowii he mɛɛ aa tomɔ laanee dɛ́ chae. Korowii Waa Ɛ Kpeɡri Bwa Dɔɔ sweere andɛɛɡa dɛ́ pili nyundua bwaala nɛ tɛɛ, dɛ́ tɛɛ nee aa le harɛ bini. Onee dɛ́ tɛɛ kondɛɛra ne naanar kohona.

Kaala 2:22

Ba lolɛ bibaa, asɛ Mosis ŋɔ, “O sɔne Gɛɛsɔm dɛkalkɛŋɔ, hɔɔhree men harɛ nɔ ta.”

Kaala 4:20

Anomanta, o kpɔ o haah ne bibaala so keeɡo ta, dɛ berɛ dɛɛ kaa Ijipt harɛ, dɛ kpɔ daŋɡbala Korowii aa bol o waa o be la kpoŋe.

1 Webena 23:17

Eliesa ɡe naanaree, Rehabia, onee ɛ binomoa. Eliesa ta bibaa bɛlbwa lolɛ kpa, kɛ Rehabia te lolɛ bibaala warɛ.

Kaala 10:28

Asɛ o ŋɔ Mosis be ŋɔ, “Le n sie bonɔ kaa! Dɛɛ berɛ n sie bonɔ bala kpa. Awola haa ba n sie bonɔ la, dɛ he sewee.”