Kaala 18:23 - mzwDBL

²³ He wono ɛ ken ɡɛ Korowii aa dɛ doe la aa, haa koeh ba kohona kpa. Ásɛ dɛ nɛra nɔ bini bɛlbwa berɔ dɛɛ kaa o dem aa, o kaa tetoora ne.”

Kaala 18:23 ပူးပေါင်းရင်းမြစ်များ

Mumpar 18:33

Korowii ne Abraham aa bol waa tonɛ la, o kaalɔ asɛ Abraham berɛ ba buse.

Mumpar 30:25

Josef lola habɔɔ la, Jekɔb ŋɔ Laban be ŋɔ, “Tɛ mɛ ŋwɛnɛ ásɛ n berɛ kaa n bwɛ.

2 Samoɛl 18:3

Anee ba chaŋo ŋɔ, “N naa, a ta chɛ kɛ he ja ya nɛɛ kaa ɡɛ. A kaa ba kɛ ya dɔma sii ya nɛɛ yaa chwa aa, a ta waane ɛɛ. Ya pera kwaraa serewɔ aa, aa ban waanee ɛ. He ɡwaa yaa nɛra kaɡboŋa fi, a wer kɛŋɔ he te so bwɛjen nɔ bini, ásɛ ya hiah chae bɛl aa, he ba cha yaa.”

2 Samoɛl 19:39

Anomanta, nɛra la bwa ɛɡɛ Jɔɔdan Moo la le asɛ Kooro Devid ɡe teŋɛ. Asɛ kooro kal Baasilai dɛ ɡbaaro pɛl o te, dɛ swee andɛɛɡa tɛo, asɛ Baasilai berɛ kaa dem.

2 Samoɛl 21:17

Asɛ Seruya bibaa Abisae ba dɛ ba lɛ kooro. O baa yo Filisti te la dɛ kpoo. Belaa Kooro laa tena la ŋwɛɛ baɡlo ŋɔ, “N naa kooro, haa ya nɛɛ teŋɛ la laa kpa, ɡɛɛ dɛ́ ɡel hen haa do kɛŋɔ kandea dɛ tɔ ya Israel tena sie nɔ, ba bɛ hen ba kpo, ásɛ Israel kandea dime, ya paŋɛ.”

Kaala 16:29

Hé jemɛ kɛŋɔ Korowii tɛ heyaa tɔpere haa onɛ o ta. A waa tɔpenumɛl wee ta wɛɛ tɛ heya tɔpenuanɛ wee kondikwa dɛɛ ja la. Bɛlbwa chɛ kɛ ó so o buɡ ta tɔpenuanɛ wee la ta, dɛ bɛ le kaa bobɛlbwa.”

Kaala 18:18

Koeh he ne nɛra nɔ baa dɛ ba he be nɔ ɛɛ koh la. Toma la ɡwaa he nɛ, he ɡbo aa won ɛa.

Kaala 18:22

Dɛ waane aa kpeɡe kohona naa, ɡel tɛɛ ba ba ɡbo ɛɛ bola saŋ bɛlbwa. Kɛ dɛ ane baa do kpeɡri dɛɛ tɛɛ ba aa, bá kpɔ ba he sie, anee dɛ́ ɡel he toma do fɛɡre.

Kaala 18:24

Mosis no o helabaa waa waa bola la dɛ ɛ a bwa.

We-ɛɛla 15:2

Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

Galaasia 2:2

Korowiirii ɡela n jemɛ dɛ la ba be. N tɔ sie la asɔre tena nomonome be n ne ba ɡbo so, n baɡle Yeesu Amanesoma maa dɛ bol nɛra baa wola Juu tena ɛɛ be la bwa ásɛ ba jemɛ n wa, ásɛ n toma maa ɛa ne anɔ la n ta aa dɛ ba ɛɛ la bɛ pɛɛ ɛ.

1 Samoɛl 8:22

Anee Korowii chaŋo ŋɔ, “No ba wesoŋa la tɛɛ ba, dɛ́ tɛɛ ba kooro.” Ate, Samoɛl ŋɔ Israel tena la be ŋɔ nomɛlbwa berɛ kaa o bwɛ.