Kaala 18:22 - mzwDBL

²² Dɛ waane aa kpeɡe kohona naa, ɡel tɛɛ ba ba ɡbo ɛɛ bola saŋ bɛlbwa. Kɛ dɛ ane baa do kpeɡri dɛɛ tɛɛ ba aa, bá kpɔ ba he sie, anee dɛ́ ɡel he toma do fɛɡre.

Kaala 18:22 ပူးပေါင်းရင်းမြစ်များ

Ɛsra 7:25

Hen sɔfo Ɛsra, che wejema Korowii haa dɛ tomɔ aa tɛɛ ta, dɛ le nomonome ne banɔ la baa jemɛ waa bola dɛɛ pa bole, ásɛ baa nyiŋi nɛra baa lɔ Yufretis Moo wee cholibɔr harɛ ta nɛ, dɛɛ teŋɛ Korowii haa dɛ tomɔ Mmarare ta. Takapɔ chaɡle banɔ la ɡe baa wola mmarare la jemɛ la.

Kaala 18:18

Koeh he ne nɛra nɔ baa dɛ ba he be nɔ ɛɛ koh la. Toma la ɡwaa he nɛ, he ɡbo aa won ɛa.

Kaala 18:23

He wono ɛ ken ɡɛ Korowii aa dɛ doe la aa, haa koeh ba kohona kpa. Ásɛ dɛ nɛra nɔ bini bɛlbwa berɔ dɛɛ kaa o dem aa, o kaa tetoora ne.”

Kaala 18:26

Banee chɔ ba bala nyoo dɛɛ bol ba waa saŋ bɛlbwa. A bini ane baa do kpeɡri aa, bá kpɔ ba Mosis be, anɔ la aa wola kpeɡe ɡe la, ba ɡbabir bola.

Lewi Dea Tena 24:11

Dɛ o nya sɔne Sɛlomet, Dibri waa le Dan dea biee on. Sɛlomet bie la ɛ nɛnhɛlwa dɛ taah Korowii, asɛ ba lawɔ ba Mosis sie,

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Nɛra Kura 15:33

Nɛra baa nao la lawɔ la Mosis ne Arɔn dɛ Israel tena la bwa sie,

Nɛra Kura 27:2

Awola bɛl, haahna nɔ kpɔɔ ka bil Mosis ne sɔfo Eliasa ne Israel nomonome dɛ Israel tena la bwa sie, Korowii Dea Cheremibɔr doonyoa dɛ ŋɔ,

Nɛra Kura 36:1

Josef naanar baa ɛ Manasɛ dea pera naa Makir bibaa Gelead la Mosis ne Israel sitɔɔla ne deene nomonome be dɛ ka ŋɔ,

Tɔn Pɔɔl Aa Chwerɛ Rom Tena 13:6

A waa a do wer kɛŋɔ hɛɛ bɔ toɔ ɡe la, dɛkalkɛŋɔ nomonome baa do toɔ lɛɛ mmara nɔ la, Korowii tomaa baa ɛ ɡɛ la.