Kaala 18:21 - mzwDBL

²¹ Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Kaala 18:21 ပူးပေါင်းရင်းမြစ်များ

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

Mumpar 47:6

Ijipt harɛɛ chɔa kaa la. Harɛ la bela waa wera la, kpɔ he mɛɛ ne he dɔɔranar ka so o ta. Dɛ he nyiŋi ba bini dɛ na kɛŋɔ bane ɛɛ won nyiŋi kondɛɛra ta kɛrɛdɛ naa, kpɔ n ɡbaɡba kondɛɛra la do ba nɔn ta.”

2 Samoɛl 18:1

Kooro Devid boa laa tena baa ja o nɛɛ la nyoa, dɛ bɔne ba bini kaɡboŋa ne lafare, dɛ le nomonome ba chɔ ba nyoo.

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

1 Koranar 18:3

Anee Kooro Ahab yerɛ baa bɛl waa dɛ nyiŋi o koodem ta baa yerɔ Obadia. Dɛ Obadia dɛ yarada Korowii dɛɛ tomɔ kɛrɛdɛ.

Ɛsra 7:25

Hen sɔfo Ɛsra, che wejema Korowii haa dɛ tomɔ aa tɛɛ ta, dɛ le nomonome ne banɔ la baa jemɛ waa bola dɛɛ pa bole, ásɛ baa nyiŋi nɛra baa lɔ Yufretis Moo wee cholibɔr harɛ ta nɛ, dɛɛ teŋɛ Korowii haa dɛ tomɔ Mmarare ta. Takapɔ chaɡle banɔ la ɡe baa wola mmarare la jemɛ la.

Nehemia 5:9

N berɔ ŋɔ ba be ŋɔ, “Gɛ haa dɛ ɛ nɔ aa were. A chɛ kɛŋɔ hé ɔmɛ Korowii dɛ́ ɛ wa aa toɡra. Ásɛ dɛ bɛ nɛra baa wola Juu tena ɛɛ dɛ ɛ ya dɔma la ŋwɛnɛ tɛ, bá ba mamɛ yaa.

Nehemia 7:2

N kpɔ Jerusalam do n dɔŋ Hanani ne Hanania nɔn ta ŋɔ baa nyiŋi o ta. Dɛ Hanania ɛ nomoa waa dɛ nyiŋi dekpeɡ la ta. O waa dɔ kasinteŋ wɛɛ ɔmɛ Korowii, o dɔŋ aa wola toole.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 29:16

N do kɛŋɔ mɛɛ dɛ tɛ nyaara, dɛɛ cha hɔɔhra ba wa aa lɔ kɔɔto.

Job Tɔn 31:13

Dɛ n ta kasinteŋ bolɛ n bonɔɔna ne toli be, ɡɛ saŋ waa aa lɔ n ne ba baah ta naa,

Yela 15:1

N Naa Korowii, nɛn besooree dɛ́ won jo he Dea ɔ? Bamewaa dɛ́ won so Saayɔn waa ɛ he deŋɡare waa do ɡoroŋ la ta, dɛ́ tomɛ nɔ?

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Kaala 17:9

Anee Mosis ŋɔ Josua be ŋɔ, “Le ya baala nɔ bini bane, ásɛ he ka yoo ba. Kere mɛɛ ka che deŋɡare bɛl doa belaa dɛ́ kpoŋe Korowii daŋɡbala la.”

Kaala 18:25

O le Israel baala bini wejerema la ba ɛ nomonome dɛ chɔ ba nyoo. Nɛra kaɡboŋa ne ba nomonome, nɛra lafare ne ba nomonome, nɛra fifraanunue ne ba nomonome, asɛ nɛra fifi ɡe ne ba nomonome.

Sɛɡla 28:2

Harɛ wechɔɡ-ɛɛra aa lɔ o ta la, o koranaree dɛɛ warɛ. Kɛ harɛ waa dɔ nomonome baa dɔ wejema la, dɛ do kpeɡri dɛ́ che kiŋkiŋ.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Aesaya 16:5

Baa cheɡ kora bɛlee, Kooro Devid naa dɛɛ ba o ta soɡa. Kasinteŋ ne nɛnnyin nee wɛɛ ba o kara dii, dɛɛ pa bole aŋwɛnɛ ta. Waa waa aa toɡra habɔɔ ta.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Sekaria 7:9

ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.

Sekaria 8:16

Waa aa chɛ kɛ he ɛ laanee nɔ, hé bol kasinteŋ dɛɛ tɛ dɔŋa, dɛ nomɛl ne o dɔŋ dɔ waa kɔɔto aa, hé bol a kasinteŋ a ba deŋnesɔɔhna ne,

Nɛra Kura 1:16

A ɡɛ nɛra nɔɔ le Israel tena bini dɛ ɛ ba deene nomonnyuune. Banee chɔ Israel tena nyoa.

Nɛra Kura 1:4

Hé ɡel Israel dea bɛlbwa le nomonnyu ó cha heya.”

Nɛra Kura 10:4

Bɛla beŋkpoŋii ba hoh aa, dɛ Israel deene nomonomee chɛ kɛ bá ba cheme he sie.

Amanesoma Luk Aa Chwera Tɔn 18:2

O ŋɔ ba be ŋɔ, “Nomoa bɛlee fa lole dɛɛ bol waa dɛɛ pa bole kɔɔto, dɛ do bwɛɛ bɛl ta. Dɛ waa Korowii ɔmɛ, waa nɛn ɡe heeh.

Amanesoma Luk Aa Chwera Tɔn 18:4

Dɛ kɔɔto nomoa la aa sie do o be, dɛ ɡel a biɡri. A habɔɔ la, o lii o nyu bini ŋɔ, ‘Maa Korowii ɔmɛ, maa nɛn ɡe heeh,

We-ɛɛla 20:33

N sie ta nomɛlbwa suuɡa kɛɛ o yal ta beɡrɛ.

We-ɛɛla 6:3

Anomanta, yabala, hé nyiŋi dɛ le he bini nɛra banuanɛ nɛra bwa aa jema kɛŋɔ ba ɛ nɛndɛɛɡa, asɛ ba we-ɛɛla ɛɛ baɡle kɛŋɔ Korowii Domadɛɛɡe la soɡe ba nɛɛ kpeɡri nɛɛ dɛ ɡel ba ɛ wejerema la, ásɛ ya kpɔ suuɡa waa nɔ do ba nɔn ta,

Mmarare 22:18

Ásɛ bwɛɛ la nomonome la tɛr baa la deŋne,

1 Timoti 3:3

A ta chɛ kɛŋɔ ó ɛ sennyɔdɛɛ, ó bɛ naɡrenyini ɛ. Kɛ ó ɛ nɛn waa pwɛra, waa wola o bwara ne waa nyin. A ta chɛ kɛ o siwi beɡre suuɡa.

Josua 22:14

Israel tena la le baala fi le dea bɛlbwa ta ja Fenehas nɛ. Ba ɛ nomonnyuune dɛ chɔ dea lolanar nyoo, dɛ le Israel deene kabora la bɛlbwa ta.

1 Samoɛl 8:12

Wɛɛ ɡeloo ba bini bane ɛ laa nomonome dɛ́ chɔ laa tena kaɡboŋa nyoa, bane ɡe chɔ laa tena fifraanue nyoa, ásɛ bane ɡe ɛɛ parɛ o koo dɛɛ komɛ o koo kondikwa. Wɛɛ ɡeloo bane ɡe ɛɛ kwaa dɔmkwa baa kpɔ dɛɛ la laa, ne bune baa kpɔ dɛɛ kwaa laa torɔɡore la.

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.