Kaala 18:20 - mzwDBL

²⁰ Gel ba jemɛ Korowii Mmarare la, dɛ́ baɡ ba ɡɛ baa so sodɛɛɡa.

Kaala 18:20 ပူးပေါင်းရင်းမြစ်များ

Yela 143:8

Dɛɛ lii mɛ he nyina aa wola jaɡa dɔe la chɔɔ bɛlbwa, dɛkalkɛ he nɛɛ n kpɔ n te dawɛ. Henee n wi dɛɛ no, baɡ mɛ ŋwɛnɛ maa kpɔ o ta.

Yela 32:8

Korowii ŋɔ, “Mɛɛ baɡle ŋwɛnɛ aa chɛ kɛ he kpɔ o ta, mɛɛ bol waa baɡle, dɛ́ kpɔ n nɔn tɔ he nɛ.

Kaala 18:16

Dɛ bɛl ne o dɔŋ dɔ waane aa, n siee ba yon ba a ne, ásɛ n so a ta dɛ́ pa bole dɛ́ ɡel ba jemɛ Korowii Mmarare la wa.”

Aesaya 30:21

He kono kpɔ diɡ oo, ɡal oo, hɛɛ no taa bɛl he habɔɔ, o ŋɔ, “Ŋwɛnɛ laanee la, hé kpɔ o ta.”

Jeremia 42:3

Soŋe Korowii yaa dɛ tomɔ la, ó baɡle yaa bela yaa kaa ne ɡɛ yaa ɛ.”

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Ɛsekeɛl 3:17

“Nɛwɛnyini bie, n kpɔe kɛ hɛɛ daah n nɛra Israel tena. Anomanta, cheɡ deŋne kɛrɛdɛ dɛ́ no n waa nɔ dɛ́ kah ba tɛ mɛ.

Maeka 4:2

Harɛre nɛra ɡalɡa ɛɛ bao dɛ́ ba ŋɔ, “Hé ba ya kaa Korowii Bwejen la ta, Korowii Israel tena aa dɛ tomɔ la Dea. Wɛɛ chaɡle yaa o ŋwɛnɛree, ásɛ ya won dɛɛ kpɔ a ta.” Korowii Mmara ɛɛ le Saayɔn Bwejen taa, ásɛ o kpɔ bol waa o nɛra be Jerusalam.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Mak Aa Chwera Tɔn 13:34

Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.

Mmarare 1:18

Gɛɛ n kpɔ wobɛlbwa aa chɛ kɛŋɔ hé ɛ do he nɔn ta.

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 5:27

Hen Mosis, la dɛ́ ka no waa bwa Korowii yaa dɛ tomɔ aa dɛ ba bola, dɛ́ ba ŋɔ ya be. Yaa noo dɛɛ teŋɛ a ta.’

Mmarare 7:11

Anomanta, hé nyiŋi kɛrɛdɛ dɛ́ɛ teŋɛ Mmarare waa baɡle heyaa dɛ kpɔ tɛ heyaa fini nɔ ta.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.