Kaala 18:16 - mzwDBL

¹⁶ Dɛ bɛl ne o dɔŋ dɔ waane aa, n siee ba yon ba a ne, ásɛ n so a ta dɛ́ pa bole dɛ́ ɡel ba jemɛ Korowii Mmarare la wa.”

Kaala 18:16 ပူးပေါင်းရင်းမြစ်များ

Kaala 24:14

Mosis aa dɛ ba lee kaa la o ŋɔ nomonome la be ŋɔ, “Hɛ́ɛ kpa yaa bonɔ ka tel kɛŋɔ yaa berɛ ba he be. Arɔn ne Hur aa lɔ he be nɔ, hé bini bɛlbwa ne o dɔŋ dɔ waane aa, hé kpɔ la ba be.”

1 Kɔrent 6:1

Umee ŋɔ he be ŋɔ dɛ he bini bɛl ne o dɔŋ asɔre te dɔ waane aa, ó ɡel Korowii nɛra ba wa aa toɡra, dɛ́ kpɔɔ la nɛra baa wola Korowii tomɛ be bá ka bola ɔ? Korowii nɛra laa dɛ bola aa?

2 Samoɛl 15:3

o yon ŋɔ naate be ŋɔ, “He waa la wer dɛ toɡre, kɛ kooro nachiɡnɛn bɛlbwa toole dɛ́ no he waa nɔ.”

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Job Tɔn 31:13

Dɛ n ta kasinteŋ bolɛ n bonɔɔna ne toli be, ɡɛ saŋ waa aa lɔ n ne ba baah ta naa,

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

Nɛra Kura 15:35

Asɛ Korowii ŋɔ Mosis be ŋɔ, “Baa nɔ chɛ kpoe. A chɛ kɛ Israel tena la bwa lawɔ kaa bela baa baŋre ba tɛnte deene la dahara, dɛ́ ka foɡro bwea kpo.”

Lewi Dea Tena 24:15

Berɛ ŋɔ Israel tena be kɛŋɔ, ‘Nomɛlbwa waa taah men Korowii waa dɛ tom mɛ la chɛ kɛ ó dɔ deŋnetɛra.

Kaala 23:7

He bɛ nyosone teŋe dawɛ nɛn nɛ. He bɛ nɛn waa wola waane bini jemɛ, kɛɛ nɛn o wa aa dɔ kasinteŋ bolchɔɡe pa dɛ́ kpoo. Maa nomɛlbwa waa di bolchɔɡe la bwaraa kpɔ kɛo.

Kaala 2:13

Tɔ aa pera la, o laŋɔ ŋɔ ó ka chɔɔ o bala la ja dɛ na Hibru tena baala banɛ aa dɛ yo. Belaa o bɔɔ onɔ la o kon aa wola maɡrɛ la ŋɔ, “Ɛrɛɛ hɛɛ lɔɔ he dɔŋ nɔɔ?”

Kaala 18:17

Anee o helabaa chaŋo ŋɔ, “Aŋwɛnɛ ta laa hɛɛ ɛa ɡɛ la.

2 Webena 19:10

He bini bɛlbwa le bwɛjena nɔ ta, dɛ ba waa aa ɛ nɛŋkpoa kɛɛ Korowii Mmara la bini bɛlbwa ne naa, hé kah ba ŋɔ ba bɛ wechɔɡa ɛ dɛ́ jo Korowii nɛ, ásɛ o bandia bɛ he nɛɛ ba. He ɛ ɡɛ naa, haa bolchɔɡee di.