Kaala 18:11 - mzwDBL

¹¹ N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Kaala 18:11 ပူးပေါင်းရင်းမြစ်များ

1 Koranar 17:24

Luhaah la chaŋe Elaeja ŋɔ, “Anɔ taa n jemɛ kɛŋɔ Korowii keamee hen, Korowii waa aa dɛ le he nyoa la ɛ kpela.”

2 Koranar 5:15

Naaman ne o bonɔɔna la bwa berɔ ba Korowii keame Elaesa be, asɛ Naaman ka che o sie dɛ ŋɔ, “N nao kɛŋɔ Korowii bɛlbwa toole harɛ nɔ ta bobɛlbwa ka ja Israel harɛ ta. N dɔɔ, n poori lɛ koŋkɛɛla he bonɔɔ aa ba a ne ba tɛɛ nɔ.”

1 Webena 16:25

Korowii kan, a chɛ kɛ ya kpɛɛro kohona, onee chɛ kɛ ya kpɔ duure tɛ dɛ ɡwaa voɡa.

2 Webena 2:5

Korowii Dea maa dɛ ba doe nɔ kan, dɛkalkɛ Korowii yaa dɛ tomɔ la kan ɡwaa voɡare bwa.

Nehemia 9:10

He ɛ nyokpowe-ɛɛla baɡle Ijipt kooro, ne o nomonome dɛ harɛ la tena bwa. Dɛkalkɛ he na ɡɛ baa fiiɡi he nɛra, dɛ lɛ sɔn o ta chɔ le ba le fini.

Nehemia 9:16

Kɛ ya naawa ɛ mbarafo ne deŋnekpeɡ, dɛ vɛh waa haa do ba a ta la ta teŋa.

Nehemia 9:29

He kah ba ŋɔ baa teŋɛ he webaɡla ta, kɛ ba ɛ mbarafo ba ta he Mmarare ta teŋɛ, a lole kɛŋɔ he waa ta teŋa taa dɛɛ tɛ mkpa. Ba ɛ deŋnekpeɡ, dɛ berɛ habɔɔ kpoe, dɛ vɛh he waa ta teŋa.

Yela 119:21

He dɛ kah mbarafo tena, dɛɛ taah nɛra baa vɛh he waa ta teŋa.

Yela 135:5

N jemɔ kɛ Korowii yaa dɛ tomɔ nɔ kan. O kan ɡwaa voɡare bwa.

Yela 31:23

Korowii nɛra he wa aa toɡra, hé baɡle he nyina o nɛ. O kpɔ nɔn dɛɛ tɔ o nɛra ba wa aa dɔ kasinteŋ nɛ, kɛ mbarafo tena te, o dɛ tɛr ba deŋne ɡɛ aa chɛa.

Yela 95:3

Dɛkalkɛ Korowii dɔ kpeɡri kohona, onee dɛɛ di kora voɡare bwa nɛ.

Yela 97:9

Nemenɛ Korowii, henee dɛɛ di kora harɛ nɔ nɛra bwa nɛ, henee kana ɡwaa voɡare bwa.

Kaala 1:10

Hé ɡel ya kpɔ liire ɡɛ yaa ɛ ásɛ ba bɛ won warɛ ya harɛ nɔ ta kohona kpa. Gɛ laa dɛ laa baa chole harɛ nɔ ta naa, baa ja ya dɔma nɛɛ dɛ́ yo yaa dɛ́ chwa le harɛ nɔ ta kaa.”

Kaala 1:16

“Dɛ he dɛ lɛ Hibru haahna lol dɛ na kɛŋɔ bibaalaa yaa, hé kpoo ba, kɛ dɛ bihaahnaa tenaa, hé ɡel ba.”

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Kaala 14:18

Maa ba pɔ kooro ne o nɛra nɛɛ la, anee baa ba jema kɛŋɔ menee Korowii.”

Kaala 14:8

Korowii ɡelɔ Ijipt kooro la deŋne do kpeɡri, asɛ o ti Israel tena baa kpɔ silɛɛ le dɛɛ kaa la.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Kaala 5:7

“He bɛ kpɔɡhola nɛra la aa kpɔa dɛɛ teŋe berekese la tɛ kpa. Hé ɡel ba ɡbabir kaa nyin ba kpɔɡa,

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Nɛra Kura 33:4

Dɛ Ijipt tena la dɛ huɡe ba bibanloɡla Korowii aa kpoo ba ba deremi ta dɛ kpɔ baɡle o kpeɡri waa dɔa ɡwaa ba voɡa.

Amanesoma Luk Aa Chwera Tɔn 1:51

O chaɡle o kpeɡri dɛ doŋi nɛra baa dɛ lii ba te nɛnjena la ba peɡre.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

1 Samoɛl 2:3

Gel mbarafo wobol bola, bɛ wobosale dɛɛ bol. Hen Korowii te, he jemɛ wobɛlbwa, he jemɛ wobɛlbwa nɛn aa dɛ ɛ, dɛɛ pa a bole.