Kaala 18:1 - mzwDBL

¹ Mosis helabaa Jetro waa ɛ Midian harɛ sɔfo la, no Korowii waa waa ɛa tɛ Mosis ne o nɛra Israel tena, dɛ kpɔ ba le Ijipt harɛ ta la wa.

Kaala 18:1 ပူးပေါင်းရင်းမြစ်များ

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Kaala 2:16

Dɛ kɔlɔŋ bɛl lɔ bela, asɛ awola bɛl, Mosis la ka so o nyoa. Dɛ Midian sɔfo bɛl sɔne Jetro, o bihaahna banuanɛ ba ba viine ne dɛ́ ba dɔ nee tɛ ba mɛɛ peera ne boohna a nyɔ bela.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Yela 106:2

Umee dɛ́ won baɡle wejena waa ɛa kɛɛ dɛ kpɛɛro kɛrɛdɛ nɔ?

Yela 105:43

Gɛɛ a do Korowii tɔ o nɛra waa lee ba tɛ o te la sie le Ijipt harɛ, asɛ ba ɡo yela dɛ do lɔŋɔre dɛɛ hɛɡre.

Yela 78:4

Yaa kpɔ sɔh ya bii, yaa boloo baɡle ya naanar baa ka ba, dɛ́ kpɛɛ Korowii kpeɡri ne o wejena, dɛ o nyokpo we-ɛɛla waa ɛa.

Yela 44:1

N Naa Korowii, ya noa deŋne ne, ya naawa bol wejena haa ɛa, ba bere saŋ la ya be.

Yela 34:2

Mɛɛ kpɛɛro n bambile bwa nee, ɡel nɛra baa dɛ fiɡ ba no, ba sie lɛ.

Josua 9:9

Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,

Josua 2:10

Ya no ɡɛ Korowii aa ɡela Mposwɛm teŋe, asɛ he won le o baŋ ɡɛ saŋ haa le Ijipt harɛ ta dɛɛ ba la, dɛ berɛ no kpoe haa kpoo Amɔre tena koranar banɛ Sihon ne Ɔɡ Jɔɔdan Moo wee leebɔr dɛ chɔɡ ba harɛ bwa kwaraa la.

Tɔn Pɔɔl Aa Chwerɛ Rom Tena 15:18

Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

We-ɛɛla 15:12

Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Yela 105:5

Hé lii o nyokpowaa waa ɛa, o wejena ne o waa aa dɔ kasinteŋ la wa,

Sitɔɔla 4:11

Dɛ baa bɛl sɔne Heba dɛ ɛ Ken te. O le o nɛra bini dɛ ka baŋre o tɛnte dea dajen bɛl waa cheɡɛ Saananim dɛ bɛne Kedes mun. Ken tena nɔ ɛ Mosis menchoro Hobab naanar.

Nɛra Kura 10:29

Dɛ Mosis helabaa sɔne Jetro dɛ ɛ Midian te. O bibaa sɔne Hobab. Awola bɛl, Mosis ŋɔ Hobab be ŋɔ, “Ya dɛ ba ira kaa harɛ Korowii aa ŋɔa wɛɛ kpɔɔ tɛ yaa la ta. O baɡɛ yaa nyoa ŋɔ bela ɛɛ do werii tɛ yaa. Yaa ka nyiŋi kɛrɛdɛɛ, anomanta, ɡel ya ne he kaa.”

Kaala 4:18

Belaa Mosis berɛ kaa o helabaa Jetro be dɛ ka ŋɔ o be ŋɔ, “N dɛ soŋe, ɡel ń berɛ kaa n lolanar be Ijipt dɛ́ ka na kɛŋɔ ba ta lole kɛɛ.” Anee o sɛh dɛ tao ŋwɛnɛ deŋnesɔɔhna ta o kaa.

Kaala 2:21

Ba kaa yerɛ Mosis ó ba, waa bala la o sie baa lɛ kɛŋɔ wɛɛ so ba bee. O ne baa soɡa la sie tama la, sɔfo Jetro lawɛ o bihaah Sepora tɛo o mo.

Kaala 2:18

Bihaahna la aa bera la dem ba mɛɛ be la, o bɔɔ ba ŋɔ, “Ɛrɛɛ fini te he ba warane ken?”

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Sitɔɔla 1:16

Mosis helabaa naanar Ken tena le Jeriko, dɛ ba ja Juda dea tena nɛɛ ba ka so pua hɛŋle ɡbo harɛ nɛra bini waa lɔ Nɛɡɛv, dɛ bɛne bwɛɛ Arad.