Kaala 17:2 - mzwDBL

² Anomanta, ba ne Mosis naɡrɔ, asɛ ba ŋɔ, “Tɛ́ yaa nee yá nyɔ.” Asɛ o chaŋe ŋɔ, “N ne he naɡra munii ame o? Ɛrɛɛ hɛɛ nyin he daah Korowii dɛ́ na nɔɔ?”

Kaala 17:2 ပူးပေါင်းရင်းမြစ်များ

Yela 106:13

Kɛ ba soh waa haa ɛa tɛɛ ba buɡ la ta, ba ta bwara sɔɔhnɛ, dɛ no waa haa bol ba be.

Yela 106:14

Ba pɛla lawɛ kondikwa, asɛ dɛ daah hen Korowii na, pua hɛŋle ɡbo harɛ ta bela.

Yela 78:18

Ba saahnɔ daah Korowii na, dɛɛ nyin kondikwaa ba pɛla aa lawa.

Yela 78:41

Saŋ bɛlbwaa ba na dɛ daah Korowii dɛɛ na, dɛɛ ir Israel Nɛŋɡoroŋ la bwaawee.

Yela 78:56

Kɛ ba ɛ Nemenɛ Korowii deŋnekpeɡ, dɛ daahno na, ba vɛh o Mmarare ta teŋa.

Yela 95:8

“He bɛ deŋnekpeɡ ɛ kɛŋɔ he naawa fa aa ɛ deŋnekpeɡ Mɛreba, dɛ vɛh o waa noe, dɛ jo o nɛɛ la, ɡɛ baa ɛa pua hɛŋle ɡbo harɛ ta Maasa la.

Yela 95:9

He naawa na waa maa ɛa tɛɛ ba bela, kɛ ba daah mɛ na.

Kaala 15:24

Anomanta, nɛra la naɡre wa dɛ pɛɛ Mosis ŋɔ, “Leperaa ya dɔ nee dɛ́ nyɔɔ?”

Kaala 16:8

Anee Mosis berɛ ŋɔ, “Hɛ́ɛ jemɔɔ kɛŋɔ Korowiirii dɛ́ tɛ heya ola he chwe jɔmɔra, ne kondikwa bɛlbwa haa dɛ nyin dɛ́ di chɔɔ, dɛkalkɛ o na ɡɛ haa dɛ naɡre o wa kohona. Ya ɡee bamewa hɛɛ naɡre ya waɔ? Ya waa laa hɛɛ naɡre la, Korowii waa hɛɛ naɡre.”

Kaala 17:7

Mosis pa bela sɔn Maasa ne Mɛreba, dɛkalkɛ Israel tena la naɡre wa dɛ daah Korowii na dɛɛ bɔɔ ŋɔ, “Korowii ja ya nɛɛ kɛɛ o ta ya nɛɛ jae yɔ?”

Kaala 5:21

Asɛ ba ŋɔ Mosis wa be ŋɔ, “Korowiirii dɛ tɛr he deŋne kɛŋɔ haa ɡela kooro ne o nomonome hah yaa la. A deno do kɛŋɔ haa kpɔ keri do ba nɔɔra ta ŋɔ bá kpoo yaa ken.”

Aesaya 7:12

Anee Kooro Ahas ŋɔ, “Maa soŋe dɛ́ na wobɛlbwa, maa Korowii daah dɛ́ na.”

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”

Nɛra Kura 14:2

Ba naɡre Mosis ne Arɔn wa dɛ ŋɔ, “Ya soɡe Ijipt harɛ dɛ fee serewe, kɛɛ dɛ serewe pua hɛŋle ɡbo harɛ ta bonɔ kwaraa naa, ya fe dɛ nyin!

Nɛra Kura 14:22

nɛra la baa na n jirima ne nyokpowe-ɛɛla maa ɛa Ijipt harɛ ta ne pua hɛŋle ɡbo harɛ ta, ba ta n waa noe dɛ ta daah mɛ dɛɛ na hale kera fi bwa la,

Nɛra Kura 21:5

dɛ bol waa yaɡɛ Korowii ne Mosis ŋɔ, “Bɔkwa waa he kpɔ yaa le Ijipt harɛ ta yaa ba ba serewe pua hɛŋle ɡbo harɛ ta ken? Kondikwaa tenten bɛlbwa toole bonɔ, nee ɡe kwaraa toole. Yaa maana nɔ ɡe nyin kpa.”

Matiu 4:7

Anee Yeesu chaŋo ŋɔ, “Korowii Tɔn ɡe baɡlɔ ŋɔ, ‘Bɛ N Naa Korowii daah na.’ ”

Amanesoma Luk Aa Chwera Tɔn 15:12

O bii la bini ombechala la ŋɔ o be ŋɔ ó bɔne o kpanjoɡo bini, ásɛ dɛ tɛo o bɔr. Asɛ baa la bɔne o kpanjoɡo la bini tɛ o bii la, dɛ kpɔ o bie bechala la bɔr tɛo.

Amanesoma Luk Aa Chwera Tɔn 4:12

Anee Yeesu chaŋo ŋɔ, “Korowii Tɔn baɡlɔ ŋɔ, ‘Bɛ N Naa Korowii daah na.’ ”

We-ɛɛla 15:10

Aah dɛ ɛrɛ waa hɛɛ nyin kɛ he daah Korowii dɛ na nɔɔ? Dɛ bontɔɡa ya ne ya naawa bwa fa aa wola wone che la laa hɛɛ nyin he kpɔ choɡ ba nɔ naa?

We-ɛɛla 5:9

Belaa Pita pɛɛro ŋɔ, “Ɛrɛɛ he ne he jaa nyoa pɛ asɛ he daah Korowii Domadɛɛɡe dɛɛ na nɔɔ? Bonɔɔna baa kaa huɡe he jaa laanee tel doonyoa la. Baa che he ɡee le buse.”

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.

Mmarare 6:16

He bɛ Korowii haa dɛ tomɔ daah na ɡɛ haa daahno na Maasa la.

Mmarare 9:22

Gɛ tentenee he berɛ ɡel Korowii baah di Tabera ne Maasa, dɛ Kebrɔt Hataava.

Hibru 3:9

He naawa bene fifraanaarɛ baa dia kpɔɡ baah la, ba daah mɛ na dɛ na waa maa ɛa bwa.

1 Samoɛl 8:6

Baa ŋɔ o be ŋɔ ó tɛɛ ba kooro wɛɛ tɔ ba sie la, a ta o som doe asɛ o soŋe Korowii a wa.