Kaala 17:14 - mzwDBL

¹⁴ Asɛ Korowii ŋɔ Mosis be ŋɔ, “Chwerɛ ɡɛ waa nɔ do tɔn bini á ɛ waa aa chɔ kerekere. Gel Josua no dɛkalkɛ n dɛ ba Amalɛk tena chɔɡa baa wola ba waa no harɛ nɔ ta bobɛlbwa kpa.”

Kaala 17:14 ပူးပေါင်းရင်းမြစ်များ

2 Samoɛl 1:1

Kooro Sɔɔl seo habɔɔ, Devid le laa o ne Amalɛk tena aa kaa yo o pɔ ba nɛɛ la ba, dɛ ba so bwɛjen Siklaɡ tɔpera anɛ.

2 Samoɛl 8:12

A ɡɛ harɛre laanee, Edom ne Moab, ne Amɔn ne Filisti, dɛ Amalɛk. O berɔ kpɔ kwaa waa paa laa ta le Soba Kooro Rehob bibaa Hadadesa be la ɡe le cheɡ tɛ Korowii toma.

1 Webena 4:42

Belaa Simeon dea tena nɛra lafraanue ne ba nomonome, Pɛlatea ne Nearia ne Refaya ne Usiel baa ɛ Isi bibaala tɔ ba sie, ba ka yo harɛ bɛl baa dɛ yerɔ Sɛɛ waa ɛ deŋɡarere harɛ.

1 Webena 4:43

Ba kpoo Amalɛk tena baa kaa la bwa, dɛ kpɔ bela so, dɛ ba le fini.

Ɛsra 9:14

Yaa wono teŋɛ dɛɛ koni waa haa dɛ do yaa a ta, ya ne nɛra baa dɛ ɛ waa baa kia nɔ kaa mo dɔŋa bihaahna, kɛɛ bihaahna kaa yalɛ ba bibaala aa? He baah aa ya nɛɛ di kohona he chɔɡ yaa, ya bini bɛlbwa aa wola ka dɛ́ so le kpa aa?

Job Tɔn 18:17

Nomɛlbwa aa ba waa lii harɛ nɔ ta ba sɔna he kwaraa.

Job Tɔn 19:23

N dɛ nyin kɛ nomɛl fee lii n waa nɔ, dɛ́ chwera do tɔn bini,

Yela 9:6

Ya dɔma heo, yaa ba waa lii kpa. He chɔɡ ba bwɛjena, ya soh ba waa kwaraa.

Kaala 12:14

Hé di a ɡɛ tɔpere nɔ saŋ bɛlbwa dɛɛ la, dɛ́ kpɔ lii men Korowii waa maa ɛa tɛ heya. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 13:9

Gel tɔpere la dii do kɛŋɔ nɔnloɡ, kɛɛ komɛl haa kpɔ vɔwɛ he tile ta, dɛɛ liiri Korowii Mmara la ta teŋa. Dɛkalkɛ Korowii kpeɡri ne o bokpeɡaa o kpɔ lawɛ le Ijipt harɛ ta.

Kaala 17:13

Gɛɛ a do Josua ka yo Amalɛk laa tena dɛ pɔ ba nɛ.

Kaala 24:4

Mosis chwerɛ komɛlbwa Korowii aa bola. Tɔ aa dɛ per chɔmbibii la, o iro dɛ kwaa saraha kon tɛ Korowii bwe la lɔɡa, dɛ paaɡe bwea fi dɛ anɛ a che tɛ Israel deene fi dɛ anɛ la.

Kaala 32:33

Belaa Korowii chaŋe Mosis ŋɔ, “Nɛra baa ɛ wechɔɡa dɛ jo n nɛɛ la sɔnaa mɛɛ ba n fee le n tɔn bini.

Kaala 34:27

Belaa Korowii ŋɔ Mosis be ŋɔ, “Chwerɛ ɡɛ waa nɔ bil, dɛkalkɛ a taa a che n ne hen dɛ Israel tena fɔwɛ fɔo.”

Sɛɡla 10:7

Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Jeremia 30:2

ŋɔ men Jeremia be ŋɔ, “Chwerɛ waa maa bol he be la bwa do tɔn bini.

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Nɛra Kura 24:20

Balam na Amalɛk tena wa chaahna ta dɛ bol ŋɔ, “Amalɛk tenaa fa kpeɡa harɛre bwa bini, kɛ a habɔɔ wɛɛ ba paɡroo kwara.”

Nɛra Kura 33:2

Korowii do Mosis o chwerɛ ɡɛ baa soɡa dɛɛ ir ba vala bini bwa. Kenii ba so dɛɛ ir.

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.

Josua 4:7

ásɛ he ŋɔ ba be ŋɔ, ‘A cheɡɔ dɛ tɛ saŋ bɛl baa kpɔ Korowii Ne Nɛwɛnyina Fɔo Daka la le Jɔɔdan Moo dɛ ba bonɔ la, moo la teŋo ba valɛ o baah harɛpɛɛ ta dɛ le.’ Anomanta, bwea nɔɔ ya Israel tena kpɔ dɛɛ lii ɡɛ waa nɔ á chɔ le saŋ bɛlbwa dɛɛ la.”

1 Samoɛl 15:18

Waane le Korowii be ba he be kɛŋɔ, ‘Kaa dɛ́ ka chɔɡ Amalɛk nyubinikpeɡ tena la bwa sekwaraa. Yoo ba ka tel kɛŋɔ haa he ba bwa.’

1 Samoɛl 30:1

Tɔpetooro wee la, Devid ne o laa tena valɔ dɛ berɛ ba bwɛjen Siklaɡ. Dɛ Amalɛk tena baa yo Juda weekaŋle harɛbɔr bwɛɛre, dɛ ba pa ba laala dɛ fuh Siklaɡ,

1 Samoɛl 30:17

Devid yoo ba le chɔmbibii ka tel tɔ aa pera jɔmɔra. Ba bini bɛlbwa ta wone dɔ bɔr chwa, nemenɛ bonɔɔna lafraanaarɛ baa soɡe nyoɡmare taa wona dɔ bɔr chwa kaa.