Kaala 16:32 - mzwDBL

³² Asɛ Mosis ŋɔ, “Waa Korowii aa do yaa a ta laanee kɛŋɔ, ‘Hé ɡel maana dɛ ɛ kuruwa del cheɡ, ásɛ he naanar baa ka ba la jemɛ kondikwaa la soo maa tɛ heya he di pua hɛŋle ɡbo harɛ ta, ɡɛ saŋ maa lawɛ heyaa le Ijipt harɛ ta la.’ ”

Kaala 16:32 ပူးပေါင်းရင်းမြစ်များ

Yela 105:5

Hé lii o nyokpowaa waa ɛa, o wejena ne o waa aa dɔ kasinteŋ la wa,

Kaala 16:16

Anɔɔ Korowii do heya ŋɔ he bɛlbwa tɔɔ ɡɛ del aa maɡre o ne la. Aa ɛ kuruwa beŋkpoŋii dɛ maɡre nomɛlbwa ne dem bɛlbwa ta.”

Kaala 16:31

Israel tena la ŋɔ kondikwaa la sɔne ‘maana’. A do kɛŋɔ boyubi dɛ to. He dia aa, o som kɛŋɔ baa kpɔ tooh do biskeeti ta la ken.

Kaala 16:33

Anomanta, Mosis berɔ ŋɔ Arɔn be ŋɔ, “Kpɔ vii dɛ́ fuɡe maana kuruwa del do o bini, ásɛ dɛ kpɔ cheɡ Korowii sie á che tɛ ya naanar baa ka ba la.”

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Hosia 11:4

Nyinaa n kpɔ laɡ ba ba n be, dɛ kpɔ ba chwaa. N laa koeh aa dawɛ ba nɛɛ la kpɔ, asɛ dɛ ba harɛ dɛ pa ba kondikwa.

Amanesoma Luk Aa Chwera Tɔn 22:19

Asɛ o berɛ kpɔ paanoo dɛ jam Korowii o wa, asɛ dɛ mɔne tɛɛ ba, dɛ ŋɔ, “Anɔ cheɡɔ tɛ n bo-ol maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.