Kaala 16:3 - mzwDBL

³ dɛ ŋɔ, “Korowii fe den kpoo yaa Ijipt harɛ ta kwaraa naa, a fe bɔ. Yaa lɔ bela dɛ ola su viine, yaa di kondikwa ɡɛ yaa dɛ nyin. Dɛ a bɛlbwa ta yaa nyae, asɛ he kpɔ yaa ba ta pua hɛŋle ɡbo harɛ ta bonɔ lɔr kpo yaa ya bwa ɛɛ ba serewa nɔ.”

Kaala 16:3 ပူးပေါင်းရင်းမြစ်များ

2 Samoɛl 18:33

Ate, dɛ kooro soɡo dɛɛ chel. O cheɡɛ doonyoa la nyundua dɛ kaa dea dɛ ka wi. Waa dɛ kaa la, dɛ o dɛ wi ŋɔ, “N bidɛɛɡe, Absalɔm, menee fe sewa sɛ?”

Job Tɔn 3:1

Job ne o daamanar aa soɡa yawanyoa habɔɔ la, o taah nyoa tɔpere baa lolɔ.

Job Tɔn 3:10

Taah awola jwaana baa lol mɛ, n ba dɛ baa na wa, dɛɛ di suna o ta nɔ.

Job Tɔn 3:20

Ɛrɛɛ Korowii ɡel nɛra ba bwara aa dɛ nyɛɡ so le nɔɔ? Ɛrɛɛ o tɛ banɔ la baa dɛ di suna mkpa nɔɔ?

Yela 107:5

Lɔr ne nyɔɡre kpo ba, asɛ ba hwɛɡa bwa tonɛ.

Yela 78:19

Ba bol waa yaɡɛ Korowii ŋɔ, “Korowii ɛɛ won tɛ yaa kondikwaa pua hɛŋle ɡbo harɛ ta bonɔ naa?

Yela 78:25

Anomanta, ba di kondikwa nyundua toroma aa dɛ di, o tɛɛ ba ba di dɛ vaɡre.

Kaala 14:11

Dɛ bɔɔ Mosis ŋɔ, “Lalbɔɔnee wola toole Ijipt harɛ ta waa he ba ya ne pua hɛŋle ɡbo harɛ ta ŋɔ yá ba serewe nɔ kɛɛ? Bɔkwa waa he ɛ yaa ken?

Kaala 17:3

Nyɔɡre kohona nomanta, ba teŋɔ naɡre Mosis waa bela. Ba ŋɔ, “Ɛrɛɛ he lawɛ yaa le Ijipt harɛ ta, dɛ ɡel nyɔɡre baa kpo ya ne ya bii ne kondɛɛra ya bwa serewe nɔɔ?”

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Kaala 5:21

Asɛ ba ŋɔ Mosis wa be ŋɔ, “Korowiirii dɛ tɛr he deŋne kɛŋɔ haa ɡela kooro ne o nomonome hah yaa la. A deno do kɛŋɔ haa kpɔ keri do ba nɔɔra ta ŋɔ bá kpoo yaa ken.”

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Jeremia 42:14

kɛɛ dɛ ŋɔ, ‘Akai, yaa kaalo ka so Ijipt harɛ ta, bela yaa wola laa ne bɛle sii kɛɛ lɔree na naa,’

Jeremia 44:17

Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Wiile 4:9

Banɔ la baa sewɛ laa ta la, bɔ banɔ la lɔr aa kpoo ba. Kondikwa bɛ toole waa lɔr kpoo ba.

Nɛra Kura 11:15

Dɛ kenii hɛɛ ba men ɛɛ te naa, den kpo mɛ taraken. Dɛ n we-ɛɛla su he siwi te naa, bɛ ɡel n do le ásɛ a ɡɛ waa nɔ ba di mɛ.”

Nɛra Kura 11:20

Hɛɛ chwea korobibir bwaa a ba lawɛ heya, dɛ́ pe heya, dɛkalkɛŋɔ he vɛh Korowii, onee ja he nɛɛ he soɡa bini. Kɛ he wi o siwi ta ŋɔ, ‘Bɔkwaa ɡela ya le Ijipt harɛ te nɔ?’ ”

Nɛra Kura 14:2

Ba naɡre Mosis ne Arɔn wa dɛ ŋɔ, “Ya soɡe Ijipt harɛ dɛ fee serewe, kɛɛ dɛ serewe pua hɛŋle ɡbo harɛ ta bonɔ kwaraa naa, ya fe dɛ nyin!

Nɛra Kura 14:3

Ɛrɛ waa Korowii kpɔ yaa dɛɛ ba harɛ nɔ ta ásɛ ba ba kpoo yaa nɔɔ? Baa lawɛ ya haahna ne biirii kaa. Ya berɔ kaa Ijipt harɛ ta fe ta bɔ naa?”

Nɛra Kura 16:13

Kpɔe haa kpɔ yaa le Ijipt harɛpare ondɛɛɡe ta, dɛ berɛ dɛɛ ba ba kpoo yaa ta pua hɛŋle ɡbo harɛ ta bonɔ ta maɡraa? Gɛɛ he berɛ dɛɛ nyin dɛ́ di kpeɡri ya nɛ aa?

Nɛra Kura 16:41

Tɔ aa pera la, Israel tena la bwa berɔ naɡre Mosis ne Arɔn waa ŋɔ, “He nɛra banɛ nɔɔ kpoo Korowii nɛra la.”

Nɛra Kura 21:5

dɛ bol waa yaɡɛ Korowii ne Mosis ŋɔ, “Bɔkwa waa he kpɔ yaa le Ijipt harɛ ta yaa ba ba serewe pua hɛŋle ɡbo harɛ ta ken? Kondikwaa tenten bɛlbwa toole bonɔ, nee ɡe kwaraa toole. Yaa maana nɔ ɡe nyin kpa.”

We-ɛɛla 26:29

Anee Pɔɔl ŋɔ, “Dɛ buɡ nɔ taa yoo, dɛ kerekeree yoo, n te waa maa dɛ soŋe Korowii laanee kɛŋɔ, he ne nɛra baa dɛ no n waa fini nɔ fe do kɛŋɔ maa doa nɔ. Kɛ maa soŋe kɛ ba doe jɔɡrɔre kɛ baa do mɛ nɔ te.”

1 Kɔrent 4:8

He dɛ lii kɛŋɔ he dɔ komɛlbwa a maɡre he ne, he ɛ dɔɔhna. He berɔ ɡarɛ yaa dɛɛ di kora. Dɛ he fe dɛ di kora kpela te naa, a fe bɔ. Ya ne he bwa fe ɛ koranar.

2 Kɔrent 11:1

N dɛ nyin he lawɛ bambile dɛ́ no n ɡɛnewaa nɔ tama. Soŋaa mɛɛ soŋe heya.

Mmarare 28:67

Ɔmee waa aa lɔ he bambile ta la ne waa haa dɛ ba nae nomanta, dɛ chɔɔbɔree yaa, hɛɛ ŋɔɔ, ‘Dɛ jɔmɔraa fe sɛ?’ Asɛ dɛ jɔmɔra ɡee yaa, he ŋɔ, ‘Dɛ chɔɔbɔree fe sɛ?’

Mmarare 8:3

O ɡelɔ lɔr kpo heyaa he pwɛr he te, asɛ o tɛ heyaa kondikwaa ane baa dɛ yera maana la he di, kondikwaa he ne he naawa aa wola an jemɛ bwa. O ɛ ɡɛ dɛ ɡel he jemɛ kɛŋɔ kondikwaa ɡbo laa dɛɛ tɛ nɛn mkpa. Waa Korowii aa dɛ bol la bwa ɡe dɛ tɛ nɛn mkpa.

Josua 7:7

Asɛ Josua ŋɔ, “Nemenɛ Korowii, ɛrɛɛ he le ya ne Jɔɔdan Moo nɔ baŋ bonɔ dɛ ba do Amɔre tena nɔn ta bá kpoo yaa nɔɔ? Ya fe ta soɡe Jɔɔdan Moo la baŋ le fe bɔ.