Kaala 16:23 - mzwDBL

²³ O ŋɔ ba be ŋɔ, “Waa Korowii aa dɛ do heya a ta laanee nɔ, kere ɛ Ona Tɔpere, o ɛ tɔpere waa do ɡoroŋ dɛ tɛ Korowii. Anomanta, hé wɔɔ paanoo haa dɛ nyin wɔɔra, dɛ́ daa anɔ la haa dɛ nyin daala fini. Anɔ la haa di a ka la, he kwaa cheɡ tɔɔ per a ta.”

Kaala 16:23 ပူးပေါင်းရင်းမြစ်များ

Nehemia 9:13

He le nyundua ba Sinai Bwejen ta, dɛ ba bol waa baɡle he nɛra, dɛ kpɔ waa aa wera ne webaɡla aa toɡra baɡ ba.

Nehemia 9:14

He ŋɔ báa di he Ona Tɔpera a do ɡoroŋ, dɛ che he bonɔɔ Mosis nɛɛ kpɔ he Mmarare tɛɛ ba.

Kaala 16:19

Asɛ Mosis ŋɔ, “Bɛ́lbwa bɛ ɡel tɔɔ per o kwaa ta.”

Kaala 23:12

Tɔpera anumɛlee hé dɔ kɛ he ɛ toma, kɛ tɔpenuanɛ wee ta te, he bɛ toma bɛlbwa ɛ, ásɛ he nabala ne keeɡore ne nɛndɔɔla baa lol ba he deremi dɛ nɛŋhɔɔhra ɡe won dɔ bɔr onɛ.

Kaala 31:15

Tɔpera anumɛlee chɛ kɛŋɔ bɛlbwa kpɔ ɛ o toma, kɛ tɔpenuanɛ wee la ɛ Ona Tɔpere. O ɛ tɔpere waa do ɡoroŋ dɛ tɛ men Korowii. Nomɛlbwa waa ɛ toma o ta la chɛ kɛŋɔ bá kpoo.

Jeremia 17:22

He bɛ bone bɛlbwa kpɔ le he deremi ta, kɛɛ dɛɛ ɛ toma Ona Tɔpere la ta. Hé ɡel ó do ɡoroŋ ɡɛ maa do he naawa la.

Lewi Dea Tena 23:3

Tɔpera anumɛlee lole kɛ hé kpɔ ɛ he tomare, kɛ tɔpenuanɛ wee la ɛ Ona Tɔpere. O ɛ tɔpere hé bwa aa cheme dɛ́ɛ tom mɛ o ta. He bɛ toma bɛlbwa ɛ o ta bobɛlbwa haa soɡa, o ɛ Ona Tɔpere dɛ tɛ Korowii.

Nɛra Kura 11:7

Maana la do kɛŋɔ boyubi waa toa.

Nɛra Kura 11:8

Israel tena yon valɛ dɛɛ tɔɔra, dɛ nama kɛɛ dɛ tuɡa. Ba dɛ daala, dɛ́ koo noo a ta dɛ́ hala. Maana la som kɛŋɔ baa kpɔ ɔleve noo ɛa ken.

Amanesoma Luk Aa Chwera Tɔn 23:56

Asɛ ba berɛ kaa dem, dɛ ka ɛ kwaane a sɔɔh aa soma dɛɛ ba kpɔe ka ɛ lale la. Ona Tɔpere la, ba onɔ ɡɛ Mmara la aa baɡla la.

Mmarare 5:12

Hé di Ona Tɔpere la, dɛ́ ɛo tɔpedɛɛɡe ó do ɡoroŋ, ɡɛ men Korowii haa dɛ tom mɛ nɔ aa do heyaa wubwa la.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.