19 Asɛ Mosis ŋɔ, “Bɛ́lbwa bɛ ɡel tɔɔ per o kwaa ta.”
He bɛ di a ka tɔɔ per a ta. Anɔ la aa ka la bwa chɛ kɛ hé fuah.
Ba bini bane ta o waa la kpɔe dɛ kwaa ane cheɡ. Tɔ aa pera la, dɛ dudule lɛ a bwa a do sɔɔh. Anomanta, Mosis baah di ba nɛ.
O ŋɔ ba be ŋɔ, “Waa Korowii aa dɛ do heya a ta laanee nɔ, kere ɛ Ona Tɔpere, o ɛ tɔpere waa do ɡoroŋ dɛ tɛ Korowii. Anomanta, hé wɔɔ paanoo haa dɛ nyin wɔɔra, dɛ́ daa anɔ la haa dɛ nyin daala fini. Anɔ la haa di a ka la, he kwaa cheɡ tɔɔ per a ta.”
He bɛ komɛlbwa baa kpo ɛ saraha chal kpɔ ja komɛlbwa iisi aa lɔ o ta tɛ mɛ. Ola baa kpoora n tɔpejena ta noorare ta chɛ kɛŋɔ hé cheɡa tɔɔ per a ta.
He bɛ ɡel kere waa swɛɛ he siwi. Tɔpere te bɛlbwa dɔ o waa aa lɔ o ta. Anomanta, hé ɡel fini waa ɡbo swɛɛ he siwi.”
