Kaala 16:12 - mzwDBL

¹² “N no Israel tena naɡra baa dɛ naɡre n waa la bwa. Ŋɔ ba be ŋɔ baa chwe ola jɔmɔraa, dɛ́ di kondikwaa chɔɔ dɛ́ vaɡɛ ɡɛ baa dɛ nyin, ásɛ dɛ jemɛ kɛŋɔ menee Korowii baa dɛ tom mɛ la.”

Kaala 16:12 ပူးပေါင်းရင်းမြစ်များ

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

Yela 105:40

Ba bɔɔro kondikwaa baa di wa, asɛ o tɛɛ ba chayambwibwi ba chwe, dɛ le kondikwaa ne nyundua ba tɛɛ ba ba di vaɡre.

Kaala 12:6

Hé nyiŋa dɛ ka tel korobie nɔ tɔpera fi dɛ anaarɛ ta, a ɡɛ saŋee Israel tena ɛɛ ba a kpoora jɔmɔra.

Kaala 16:11

Asɛ Korowii ŋɔ Mosis be ŋɔ,

Kaala 4:5

Asɛ o berɛ ŋɔ, “Gɛ aa ɛ ásɛ ba yarada kɛŋɔ Korowii ba naawa Abraham ne Aesek ne Jekɔb aa tomɔ la kpɔ o te baɡle laanee la.”

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Kaala 7:17

Anomanta, o ŋɔ, “Anɔɔ hɛɛ ba kpɔe dɛ́ jemɛ kɛŋɔ onee Korowii. N dɛ ba daŋɡbala nɔ kpɔe lɔ nee nɔ sie, ásɛ o bwa berɛ chal.

Jeremia 31:24

Nɛra ɛɛ berɔɔ ba so Juda harɛ bwɛɛre bwa ta, paara ne peteɡra baa dɛ teɡɛ ba kondɛɛra bwa.

Ɛsekeɛl 34:30

Nomɛlbwa ɛɛ jemɔɔ kɛŋɔ menee kpɔ nɔn dɛɛ tɔ Israel tena nɛɛ ba ɛ n nɛra.

Ɛsekeɛl 35:13

N no mbarafo waa haa bola yaɡ mɛ aa wola nyoa dɔe.’ ”

Ɛsekeɛl 39:22

Le awola dɛɛ kaa la, mɛɛ ɡeloo Israel tena jemɛ kɛŋɔ menee Korowii baa dɛ tom mɛ la.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Lewi Dea Tena 11:44

Hé do ɡoroŋ dɛkalkɛ men Korowii haa dɛ tom mɛ la, n do ɡoroŋ.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Nɛra Kura 11:4

Dɛ nɛra bane baa wola Israel tena ɛɛ lɔ ba bini ba ne baa kaa, ba pɛla lawɛ kondikwaa tenten. Asɛ Israel tena la ɛɛ wi kohona ŋɔ, “Leperaa yaa ba ola dɔe dɛ́ chwe o?

Nɛra Kura 14:27

“Ń lawɛ bambile nɛnchɔɡa baa dɛ naɡre n waa nɔ nɛɛ ka tel saŋ besoo? N no waa Israel tena aa dɛ naɡre la bwa.