Kaala 15:5 - mzwDBL

⁵ Vil tentenee bɔle ba nɛ, ba chɔ vil la mun ta kɛŋɔ bwe ken.

Kaala 15:5 ပူးပေါင်းရင်းမြစ်များ

Nehemia 9:11

He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Kaala 15:10

Kɛ haa hweera kerabeŋkpoŋ ɡbo la, a ɡelɔ mpo nee bɔle banɛ. Ba sirimo kɛŋɔ kpana aa sirimi vil bini la ken.

Kaala 14:28

Nee la palɔ dɛ ba tɔ o laa tena la bwa nɛ. Kwaa aa do kɛŋɔ torɔɡo ne nɛra baa soɡe jaɡre ta dɛɛ ti Israel tena la bwa ka mpo la bini, beŋkpoŋ kwaraa ta kae.

Ɛsekeɛl 27:34

Taraken, he paɡrɔ mpo ta, dɛ chɔ vil bini. He laala haa dɛ di a bona ne he toma tena bwa ja he nɛɛ mpo bini.

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.

Matiu 18:6

Kɛ nomɛlbwa waa neɡre bechajeɡre nɔ dɔŋ bɛlbwa waa dɛ yarada mɛ nɔ ásɛ o ɛ wechɔɡa la, dɛ ba fe vɔwɛ nambwe do o baŋa, dɛ kpɔɔ ka ta mpo vil ta kwaraa fe bɔ.

Maeka 7:19

Hɛɛ berɔɔ dɔ tedoma ya nɛ, dɛ́ kpɔ naa tire ya wechɔɡa ta, dɛ́ kpɔa ka ta mpo vile ta.

Jona 2:2

O ŋɔ, “N Naa Korowii, maa lɔ wekpeɡa ta dɛ do lɔŋɔ tɛɛ la, he no n wesoŋa. Maa lɔ lalabwɛɛ dɛ do lɔŋɔ tɛɛ la, he no n wii.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Yela 106:11

dɛ ɡel nee bɔle ba dɔma bwa nɛ, beŋkpoŋ kwaraa ta kae.

Sɛɡla 8:24

O ta mɛ mɔɔ dɛ ta mpore, ne nee nyuune.