Kaala 15:27 - mzwDBL

²⁷ Ba berɔ ba tel Elim. Buli fi dɛ anɛ dɛ bambie daa fifraanuanɛ lɔ bela, asɛ ba baŋre ba tɛnte deene nee la jwɛɛh bela.

Kaala 15:27 ပူးပေါင်းရင်းမြစ်များ

Wepila 22:2

dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela.

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”

Nɛra Kura 33:9

Dɛ ir Mara dɛ ka baŋre ba tɛnte deene dɛ so Elim. Buli fi dɛ anɛ nyuune ne bambie daa fifraanuanɛ lɔ bela.

Ɛsekeɛl 47:12

Daa aa dɛ nɔnɛ bwa soo siwi ɛɛ le nee la nyoa baŋ bɛlbwa taa. A papooni aa hola ba, aa nɔnaa ɡel. Korobie bɛlbwa taa aa ba nɔna, dɛkalkɛ nee le Korowii Dea bela palɛ dɛɛ ba bela. A nɔna la ɛɛ ɛ kondikwaa, ásɛ ba kpɔ a papooni ɡe dɛɛ chah weela.”

Aesaya 12:3

Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

Kaala 16:1

Israel tena bwa iro le Elim, dɛ ba pua hɛŋle ɡbo harɛ ta bobɛl baa dɛ yerɔ Sen, baa le Ijipt harɛ ta korobie anɛ tɔpera fi dɛ anue habɔɔ. Bela lɔ Elim ne Sinai baah ta.

Yela 23:2

O ɡelɔ mɛɛ chɔ bela kpɔɡlwɛɛ aa lole, dɛ tɔ n sie dɛɛ kaa nee aa wera ta.