Kaala 15:26 - mzwDBL

²⁶ Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Kaala 15:26 ပူးပေါင်းရင်းမြစ်များ

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

1 Koranar 11:38

Dɛ he noɔ dɛ ɛ waa maa doe a ta bwa, dɛɛ ɛ waa aa toɡra n be, dɛɛ teŋɛ me Mmarare ta kɛŋɔ n bonɔɔ Devid aa ɛa la aa, n fe ɛɛ che he mun taa. Mɛɛ ɡeloo he kora che kiŋkiŋ kɛŋɔ maa ɛa tɛ Kooro Devid la, dɛ́ kpɔ Israel harɛ tɛɛ.

2 Koranar 2:21

Anee o kpɔ la ba bule la ta, dɛ ka fuɡe yar la do o ta dɛ ŋɔ, “Waa Korowii aa dɛ bol laanee kɛŋɔ, ‘N ɡelɔ nee nɔ do wer, harɛ la ɡe ta kwaa ɛɛ do wer nomɛlbwa aa wola sewɛ kpa.’ ”

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

Job Tɔn 5:18

Onee dɛɛ do nɛn bol dɛ berɛ dɛɛ vɔrɔwo, dɛɛ do nɛn weela dɛɛ chaoh.

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

Yela 81:9

He bɛ voɡ bɛlbwa tomɛ ka ja n nɛ, he bɛ an dɛɛ ɡuŋi.

Kaala 12:29

Bɔr aa joa harambaŋa la, Korowii kpo Ijipt tena bibanloɡla bwa. O kpɔɔ le Ijipt kooro waa soɡe kara ta la bibanloɡle nɛ, dɛ ba nɛn baa lawɔ do dea bibanloɡle nɛ, dɛ kondɛɛra bwa ɡe biloɡla nɛ.

Kaala 19:5

Dɛ hɛɛ dɛɛ no n deŋna waa, dɛ́ ɡel n ne he fɔo la che kɛrɛdɛ tenaa, mɛɛ kpɔ heyaa ɛ n nɛra n siwi aa dɛ su ba harɛ nɔ ta bwa nɛra bini. Menee dɔ harɛ nɔ bwa te,

Kaala 19:6

mɛɛ kpɔ heyaa ɛ n sɔfore maa le heyaa cheɡ hɛɛ ɛ n toma. Gɛɛ chɛ kɛ hé bol baɡle Israel tena.”

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Kaala 23:25

Dɛ hɛɛ teŋɔ dɛɛ tomɛ men Korowii haa dɛ tom mɛ nɔɔ yaa, mɛɛ swee heyaa andɛɛɡaa he kondikwa ne he neerare dɛ weela bwa ta.

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Aesaya 57:18

N jemɛ ɡɛ ba wechɔɡa ɛɛ aa chɔɡ ba kɛŋɔ weela, kɛ mɛɛ chaah baa, dɛ́ tɔ ba sie, dɛ́ baɡ ba ŋwɛnɛ, dɛ́ larawe banɔ la baa dɛ wi bwara,

Jeremia 11:7

Le saŋ maa lawɛ ba naawa le Ijipt harɛ ta ba le fini, keraŋwɛnɛ bwaa n kah ba ŋɔ baa duu mɛ.

Jeremia 17:24

Kɛ dɛ he cheɡ deŋne dɛ no n be, he ta bone bɛlbwa kpɔe kpɔ bwɛjen nɔ doonyojena ta Ona Tɔpere ta, dɛ ɡel tɔpere la do ɡoroŋ, he ta toma bɛlbwa o ta ɛɛ yaa,

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Jeremia 8:22

Tɛɛɡa toole Gelead harɛ kɛɛ? Nɛra baa dɛ chah weela toole bela aa? Ɛrɛɛ n nɛra ta chaeh dɔe nɔɔ? Ba ŋwɛra aa won tonɛ.”

Ɛsekeɛl 18:5

Dɛ nomɛl we-ɛɛla toɡrɔ wɛɛ ɛ waa aa dɔ kasinteŋ o waa do wer,

Hosia 11:3

Menee chaɡle Israel tena ba jemɛ vala, dɛ laɡ ba n nɔɔra ne ba ir che, kɛ ba ta jemɛ kɛŋɔ menee nyiŋi ba nɛ.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Lewi Dea Tena 26:13

Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.

Lewi Dea Tena 26:3

Hé dɛ teŋɛ me Mmarare ne waa maa dɛ do heyaa a ta kɛrɛdɛ naa,

Nɛra Kura 12:13

Anee Mosis wi no Korowii ŋɔ, “N Naa Korowii, n dɛ soŋe, chaoh!”

Mmarare 12:25

He bɛ an di, ásɛ a chiɡ he ne he bii ba taa dɛ ba bala la kɛrɛdɛ. He dɛ ɛ ɡɛ naa, dɛ he dɛ ɛ waa aa wera Korowii be.

Mmarare 12:28

Hé nyiŋi kɛrɛdɛ dɛɛ teŋɛ waa maa ŋɔ he be bwa ta, ásɛ a chiɡ he ne he bii ba taa dɛ ba bala bwa kɛrɛdɛ, ɡɛ haa dɛ ɛ waa aa wera dɛ toɡre Korowii haa dɛ tomɔ nɔ be.

Mmarare 13:18

dɛkalkɛŋɔ he dɛ no Korowii haa dɛ tomɔ nɔ deŋna waa, dɛɛ teŋɛ o waa bwa maa kpɔa dɛɛ tɛ heyaa fini nɔ ta, dɛɛ ɛ anɔ la aa toɡra o be.”

Mmarare 28:27

Korowii ɛɛ ɡeloo ɔɡra ne ŋwɛra aa ba Ijipt tena nɛɛ la dɔŋa chole he nɛ, haa wola won chah.

Mmarare 28:58

Dɛ he ta duure kpɔe tɛ Korowii kɛrɛdɛ, dɛ no waa bwa aa lɔ tɔn nɔ bini nɔ, dɛ ɔmɛ o jirima ne o sɔnjen la aa,

Mmarare 28:60

Wɛɛ berɔɔ kpɔ serewe weela haa naa Ijipt harɛ ta ka laanee ba ta he nɛɛ he chah kahonɛ.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 7:15

Korowii ɛɛ kpɔ nɔnee tɔ he nɛɛ dɛ́ le weela bɛlbwa ta. Waa ɡel weechɔɡa haa naa Ijipt harɛ ta la ba he nɛ. Nɛra baa hah heyaa la nɛɛ wɛɛ ba kpɔe ta.