Kaala 15:20 - mzwDBL

²⁰ Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Kaala 15:20 ပူးပေါင်းရင်းမြစ်များ

Mumpar 31:27

Ɛrɛɛ he neɡ mɛ dɛ sɔh dɛ chwa he ta men amaneɛ ba bɔe nɔɔ? He ɡelɔ n deŋne no aa, n fe kpɔ janjela ne kwaa baa dɛ yiiɡa kɛŋɔ loŋa ba tae ŋwɛnɛ silɛɛ ne.

2 Samoɛl 1:20

He bɛ an bol bwɛjena Gat tena be, kɛɛ Askɛlɔn fɔɡbaahna. He bɛ ɡel Filisti haahna no ba sie lɛ, á ba ɛ kɛŋɔ nɛra baa wola Korowii tomɛ bihaahna sie ɛɛ lɛo.

2 Samoɛl 6:14

Dɛ Kooro Devid do sɔfo batakaarebora efɔd baa kpɔ yapondɛɛɡe nyarɔ, dɛɛ sa silɛɛ bwa ne Korowii sie o bokpeɡa bwa ne,

2 Samoɛl 6:16

Baa kpɔ Korowii Ne Nɛwɛnyina Fɔo Daka la dɛɛ jo Jerusalam Devid Bwɛjen la ta la, Kooro Sɔɔl bihaah Mikal aa cheɡɛ tokoro ta dɛ na Kooro Devid o sa dɛɛ hɛɡre la, o sie ta o nɛɛ lɛɛ, dɛ nyiŋu vah.

2 Samoɛl 6:5

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela dɛɛ hoh kalipere, dɛɛ lɔ kwaa anɛ ane baa kpɔ ayaawa ɛa, dɛɛ yiiɡi loŋa ɡe Korowii sie.

2 Koranar 22:14

Anee sɔfo Hilkia ne Ahikam ne Akbɔ ne Safan, dɛ Asaya la Korowii keame bɛl waa ɛ haah baa yerɔ Hulda be, dɛ ka bɔɔ le o be. Dɛ Korowii keame Hulda soɡe Jerusalam bampera bofale. O jaaree Tikva bibaa Salum, asɛ o nabaa sɔne Haahas. Onee dɛɛ nyiŋi Korowii Dea batakaarere ta.

1 Webena 15:16

Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

1 Webena 6:3

Amram ɡe dɔ bibaala banɛ, Arɔn ne Mosis, asɛ o bihaah beŋkpoŋ sɔne Miriam. Arɔn ɡe bibaalaa, Nadab ne Abihu ne Eliasa dɛ Itama.

Nehemia 6:14

Asɛ n soŋe Korowii ŋɔ, “N Naa Korowii, nyiŋi waa Tobia ne Sanbalat aa ɛa nɔ, dɛ́ tɛr ba deŋne a wa. Berɛ lii kɛŋɔ he keame bɛl waa ɛ haah baa yerɔ Noadia, dɛ keamere baa jaa ɡe jao dɛɛ aah mɛ ɡɛ.”

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Yela 150:4

Hé yiiɡi loŋa kpɛɛro dɛɛ sa. Hé lɔ janjela, dɛ́ hoh kalipere kpɛɛro.

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

Yela 68:11

Korowii bol wa, ásɛ haahna warɛ kohona dɛ́ kaa bola ŋɔ,

Yela 68:25

Yelɡoola tɔ sie, nɛra baa dɛ lɔ yela teŋɛ, asɛ bitoli baa dɛ yiiɡi loŋa do ba baah ta.

Yela 68:26

Hé kpɛɛ Korowii bela o nɛra aa wara dɛ cheme. Israel tena bwa, hé cheme dɛ́ kpɛɛro.

Yela 81:2

Hé pa mun ɡo yela, dɛ́ yiiɡi loŋa, hé kpɔ janjela lɔ yelsoma.

Kaala 2:4

Asɛ bie la nahaah ka che sie tama dɛɛ nyiŋi waa aa chiɡ bie la nɛ.

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Maeka 6:4

He fa ɛ yoma Ijipt harɛ ta, asɛ n lawɛ heyaa le bela. N tomɛ Mosis ne Arɔn dɛ Miriam, bá ba tɔ he sie.

Nɛra Kura 12:1

Awola bɛl, Miriam ne Arɔn pa mun dɛɛ naɡre Mosis waa kɛŋɔ waa mo haah le Kus harɛ ta baa bera dɛɛ yerɔ Itiopia la.

Nɛra Kura 12:2

Ba ŋɔ, “Mosis ɡbo nɛɛ Korowii che dɛ bol waa kɛɛ? O ta ya te nɛɛ cheɡɛ dɛ bol wa aa?” Asɛ Korowii no waa la.

Nɛra Kura 20:1

Israel tena la bwa tel Sin pua hɛŋle ɡbo harɛ korobiloɡle ta, dɛ bwa baŋre ba tɛnte deene dɛ so Kades. Belaa Miriam sewɛ ba huɡo.

Nɛra Kura 26:59

Amram haah sɔne Jɔkɛbɛd, Lewi naa. Ijipt harɛ taa ba lolɔ. Amram ne Jɔkɛbɛd lolɛ bibaala banɛ, banee Arɔn ne Mosis, ba nimambiee Miriam.

Amanesoma Luk Aa Chwera Tɔn 2:36

A ɡɛ saŋ la, dɛ luhaah bɛl lole dɛ ɛ Korowii keame, baa yerɔ Hana. Dɛ Fanoɛl bihaahnee on, asɛ o le Aasa dea. Dɛ o hwɛɛhrɔ. O yalɔ o toli saŋ, o ne o jaa so bene anuanɛ asɛ o jaa la ba sewɛ.

We-ɛɛla 21:9

Dɛ o dɔ bihaahna banaarɛ baa wola yalɛ bwa, asɛ Korowii Domadɛɛɡe la cha ba ba yon dɛɛ bol Korowii Wa.

1 Kɔrent 11:5

Dɛ haah ɡe dɛ soŋe Korowii kɛɛ dɛ che Korowii Domadɛɛɡe la kpeɡri ta dɛɛ bol waa o ta kon kpɔe bɔle o nyu aa, waa duure kpɔe dɛɛ tɛ baa. O do kɛŋɔ nɛn baa fonɛ o nyu ken.

1 Kɔrent 14:34

He dɛ ɛ asɔre aa, hé ɡel haahna hel. A ta maɡrɛ kɛŋɔ baa bol waa bela. Gɛ Korowii Tɔn aa baɡla la, hé ŋɔ ba be ŋɔ báa no he baala la be.

Sitɔɔla 11:34

Jɛfta aa bera dɛɛ ba o dem Mispa la, dɛ o bihaahnee lea ba chemo, dɛ yiiɡi kwaa kɛŋɔ loŋa dɛɛ sa. Dɛ o ɡbosoroo ɛ o bie. O ta bie bɛlbwa dɔe kpa.

Sitɔɔla 21:21

dɛɛ nyiŋi. Hé na Silo bitoli ba baa sa aa, hé ɛ warane dɛ́ le daa kooni la baah, ásɛ bɛlbwa ka lawɛ bɛl kaa he Bɛnjamen dea tena harɛ ta ó ɛ he haah.

Sitɔɔla 4:4

Dɛ haah bɛl sɔne Dɛbora dɛ ɛ Korowii keame, dɛ ɛ Israel tena sitɔɔ ɡɛ saŋ. O jaa sɔne Lapedɔt.

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Samoɛl 18:6

Devid aa kpo Goliat asɛ laa tena la berɛ dɛɛ kaa dem la, haahna le Israel bwɛɛre bwa ta ba cheme Kooro Sɔɔl. Ba yiiɡi loŋa, dɛ lɔ janjela silɛɛ ne dɛɛ sa.