Kaala 15:14 - mzwDBL

¹⁴ Harɛre ta nɛra ɛɛ no he waa ásɛ ɔmee laɡ ba, bambichɔɡ ɛɛ ɡeloo Filisti tena bwara yɔr kɛŋɔ loltea yon lɔ haah la.

Kaala 15:14 ပူးပေါင်းရင်းမြစ်များ

1 Webena 14:17

Kooro Devid sɔn le harɛre bwa ta, asɛ Korowii ɡel harɛre nɛra bwa ɛɛ ɔmɔ.

Yela 48:6

Bochela laɡ ba bela, kɛŋɔ loltea aa lɔ haah ken,

Yela 48:7

kɛŋɔ peuchɔɡe aa taa le wee leebɔr dɛ lɔ stiimaere dɛɛ kaa la.

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 23:5

Dɛ Ijipt tena noɔ kɛŋɔ bwɛjen Taaya paɡraa, ba bwara ɛɛ yɔroo ba wi tɛɛ ba.

Ɛsekeɛl 32:9

Mɛɛ ɡeloo a ha harɛre ta nɛra, maa ba chɔɡe le ba baah ta la, harɛre haa wola an jemɛ la.

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.

Habakuk 3:7

N na Kusan tena tɛnte deene bini baa ɔmɛ taeh, ɡɛɛ Midian tena ɡe bwara ɛɛ sa ba tɛnte deene bini.

Nɛra Kura 14:14

A ba ɡɛ naa, baa boloo baɡle nɛra baa soɡe harɛ nɔ ta bá ɡe jemɛ a wa. Ba noɔ wubwa dɛ jemɛ kɛŋɔ he cheɡɛ ba habɔɔ he ne ba bol wa, he bam tɔ ba nɛɛ baa valɛ. He tɔ ba sie webaŋa bam waa do jaŋne kaa nyundua bini, asɛ dɛ bɔr joɔ ɡe aa, o yon berɛ nii tɔ ba sie.

Nɛra Kura 22:5

tomɛ toroma ba ka kpɔ Beɔ bibaa Balam. Dɛ o lɔ bwɛɛ bɛl baa dɛ yerɔ Pɛtɔ, o bɛne Yufretis Moo nyoa. Kooro Balak ŋɔ, “Nɛra bane warɔ pirim dɛ le Ijipt harɛ ta, dɛ ba su bɔr bwa dɛɛ ba dɛ́ ba lɛ n harɛ.

Mmarare 2:25

Fini tɔpere nɔ, mɛɛ pa munii dɛ́ ɡel harɛre bwa nɛra baa no he waa la ɛɛ ɔmɛ kohona, dɛ́ kpɔ ɔmee ne bochela ta ba nɛ.’

Josua 10:2

Ɔmee chole Kooro Adoni Sɛdɛk ne o nɛra nɛ, dɛkalkɛ dɛ Gebeɔn ɛ bwɛjen dɛ ɛ koobwɛɛre la bini bɛl, dɛ do kan ɡwaa bwɛjen Ai, o nɛra ɡe jemɛ yoi kɛrɛdɛ.

Josua 2:11

Yaa no ɡɛ la, ya jum jaoh ya bambile chɔɡ ɡɛ haa ɛa la wa. Dɛkalkɛŋɔ Korowii haa dɛ tomɔ laanee nyundua ne harɛ bwa kooro.

Josua 9:24

Asɛ Gebeɔn tena la ŋɔ Josua be ŋɔ, “Nomoa, yan yaa ɛ he bonɔɔna, ya noɔ kɛŋɔ Korowii aa do o bonɔɔ Mosis ŋɔ ó kpɔ harɛ nɔ bwa tɛ he Israel tena, ásɛ dɛ kpoo nɛra baa soɡe o ta bwa le he sie nomanta, ɔmee lawɛ yaa ɡɛ yaa ɛ dɛ́ dɔ ya nyu, a waa ya ɛ ɡɛ la.

Josua 9:9

Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,

1 Samoɛl 4:7

ɔmee lawɛ Filisti tena la, asɛ ba ŋɔ, “Ba kpɔ voɡ ba cheɡ bela baa soɡa la. A dɔŋa ta chiɡe bwa, namete ya na wa!

1 Samoɛl 4:8

Ya bwɛɛlɛ! Umee dɛ́ lɛ yaa le voɡkpeɡa nɔ nɔn ta nɔ? Anee fa kpɔ weechɔɡa bwa soo siwi ta Ijipt tena nɛɛ pua hɛŋle ɡbo harɛ ta la.